Morgunblaðið - 05.11.1999, Side 20

20 FÖSTUDAGUR 5. NÓVEMBER 1999
LANDIÐ
MORGUNBLAÐIÐ
_____________FRÉTTIR________________
Viljayfírlýsing um íslenska menntanetið
Mikilvægt að
hafa hagsmuni
skólastarfs að
leiðarljósi
NOKKRIR forráðamenn í
fræðslumálum hafa sent Morgun-
blaðinu eftirfarandi yfirlýsingu í
tilefni af hugsanlegri sölu á Is-
lenska menntanetinu.
„Við sem undirritum þessa
viljayfirlýsingu teljum það mjög
mikilvægt að starfrækt sé skóla-
og menntanet í landinu sem hafi
hagsmuni skóla og skólastarfs á
öllum skólastigum að leiðarljósi.
Vegna fyrirhugaðrar sölu ríkisins
á Islenska menntanetinu lýsum
við því yfir áhuga á samstarfi og
samvinnu við þann sem er tilbú-
inn að vinna að:
• Þjálfunarferli þar sem upplýs-
ingatækni er samþætt inn í
kennslustarf og nám samkvæmt
aðalnámskrá.
• Ráðgjöf og aðstoð vegna notk-
unar kennslu- og hjálparforrita
þar sem fyrirsjáanlegt er að þátt-
ur hugbúnaðar í námi og kennslu
mun vaxa í náinni framtíð.
• Ráðgjöf og aðstoð varðandi
kennslufræðileg mál, svo og
tæknileg t.d. hvað varðar upp-
byggingu staðarneta, vélbúnaðar-
innkaup og lausnir.
• Rekstri mennta- og skólavefs
þar sem verði að finna almennar
upplýsingar um skóla, starf þeirra
og námsframboð, möguleika til
fjárnáms, endur- og símenntunar
á sem flestum sviðum, krækjur í
sérvefi menntastofnana, kennslu-
efni og barnasíður, tilboð og
möguleika á samskiptaverkefnum
innanlands og utan o.s.frv.
• Þátttöku í samvinnu um rekst-
ur netstýrikerfa í skólaumhverfi,
kynningar á nýjungum sem að
þeim lúta og sameiginlega tækni-
aðstoð.
• Svæðisbundinni þjónustu við
staðarnet skóla í samstarfi við
heimamenn með það að markmiði
að veita skólum bestu þjónustu og
ráðgjöf.
• Uppsetningu og þróun sér-
hæfðrar leitarvélar fyrir íslenskt
skólaumhverfi.
• Samstarfi um þróunarvinnu við
smíði gagnagrunns sem geri skól-
um kleift að fylgjast með og skilu-
leggja skólastarf samkvæmt
markmiðum námskrár.
• Uppbyggingu sameiginlegs
baknets og samnýtingu á band-
vídd þar sem tæki og tól eru vist-
uð þar sem hagkvæmast þykir
hverju sinni. Skólanetinu verði
settar sjálfstæðar reglur sem taki
mið af þörfum skólanna hverju
sinni við þróun og prófanir. Nauð-
synlegt er að greina kennslu-
fræðilega netumferð frá annarri
umferð.
• Uppbyggingu þjónustu með
kennslufræði- og tæknileg mark-
mið sniðinni að þörfum skóla.
Tryggja aðgang að starfsfólki
sem hefur sérþekkingu og skiln-
ing á þörfum skóla.
• Markvissri uppbyggingu á
flutningsgetu skólanets þannig að
hún nægi til fullnýtingar þeirra
möguleika sem gagnvirk marg-
miðlunartækni býður upp á m.a. í
fjarkennslu, þróun kennsluað-
ferða, miðlun upplýsinga og rann-
sóknavinnu.
Við sem að þessari viljayfirlýs-
ingu stöndum höfum fullan hug á
að sameina krafta okkar á sviði
upplýsingatækni í skólastarfi. Við
viljum beina viðskiptum okkar til
þess sem er tilbúinn að veita þjón-
ustu og standa að uppbyggingu
byggðri á ofangreindri hug-
myndafræði á sanngjörnu og sam-
keppnishæfu verði.“
Þorsteinn Gunnarsson
f.h. Háskólans á Akureyri
Hjalti Jón Sveinsson
f.h. Verkmenntaskólans
á Akureyri
Tryggvi Gíslason
f.h. Menntaskólans á Akureyri
Gunnar Gislason
f.h. Skólaskrifstofu Akureyrar
Gerður G. Óskarsdóttir
f.h. Fræðslumiðstöðvar
Reykjavíkurborgar
Greinarg’erð
Upplýsingatækni í skólastafi er
sá möguleiki sem skólafólk hefur
horft til. Þar hafa sveitarfélög séð
leið til hagræðingar og aukins
faglegs metnaðar í skólastarfi á
upplýsingaöld. Þetta á jafnt við í
dreifbýli sem þéttbýli. Með upp-
byggingu á innri netum skóla,
samtengingu þeirra, samnýtingu
bandvíddar og hóflegri verðlagn-
ingu þarf að gera skólum kleift að
njóta hagkvæmni stærðarinnar.
Tryggja verður jafnt aðgengi
nemenda og kennara um land allt
að smeiginlegum auðlindum þjóð-
arinnar og þar með aðstöðu til
náms óháð búsetu. Þetta er liður í
að sporna gegn þeirri gríðarlegu
byggðaröskun sem nú hefur átt
sér stað og er fyrirsjáanleg um
ókomna framtíð ef ekkert verður.
að gert.
Það er mjög mikilvægt að skól-
ar hafí aðgang að samræmdu um-
hverfi til samskipta sín á milli. Til
að svo megi verða er mikilvægt að
útbúið sé umhverfi á vef þar sem
hægt er að þróa og prófa hugbún-
að og lausnir sem létt geta kenn-
urum og nemendum kennslu og
nám. Þannig verður til sá vett-
vangur samstarfs sem nauðsyn-
legur er í nútíma skólastarfi.
Undanfarin misseri hefur verið
mikil gróska á sviði fjarkennslu.
Mikilvægt er að íslenskt skóla-
kerfi geti haldið þeirri þróun
áfram og staðið jafnfætis eða
framar öðrum, bæði hvað varðar
kennsluaðferðir, vélbúnað og
lausnir. Einnig hafa ýmsir skólar
verið að þróa sínar eigin hugbún-
aðarlausnir. Oft er þar að finna
vaxtarbrodd í hugbúnaðargerð og
því er mjög mikilvægt að styðja
við bakið á þeim hvað þetta varð-
ar.
Leitast skal við að hafa sam-
starf við þá aðila sem eru færastir
á hverju sviði svo sem í gagna-
flutningum, notkun upplýsinga-
tækni og kennslufræðilegri ráð-
gjöf. Mikilvægt er að fylgjast náið
með nýjungum í upplýsingatækni
í skóíastarfi og koma þeim til
skila á markvissan hátt.
Skóla- og menntanet er
kennslufærðilegur miðill. Þar á
meðal annars að veita kennsluráð-
gjöf og sérfræðilega aðstoð hvað
varðar uppeldis- og kennslufræði-
leg málefni.
Morgunblaðið/RAX
Svanhildur Jónsdóttir, póstburðarkona á Hólmavík, á gangi upp Kópncsbraut, í bakgrunni sést Riis-hús.
Hressandi
á Hólmavík
póstburður
PÓSTBURÐARKONAN á Hólmavík, Svanhildur
Jónsdóttir, sér ein um að bera út póstinn í 500 manna
bæ, sama hvernig viðrar. A fimmtudag var snjór á
götum bæjarins og því nokkuð hált, en veður ágætt.
„Þetta er bara ósköp hressandi eins og hálfs tíma
göngutúr," sagði Svanhildur. „Það er nú varla hægt
að segja að það sé kominn vetur, allavega er maður
enn ekki farinn að klofa snjóinn upp í hné.“
Svanhildur sagði að snjórinn væri tiltölulega ný-
kominn og að það hefði komið bæjarbúum nokkuð á
óvart á miðvikudag að sjá allar götur hvítar, sérstak-
lega þar sem veðurstofan hefði spáð öðru.
„Það varð þriggja bíla árekstur í hálkunni, en það
var nú samt ekkert alvarlegt, meira svona nudd,“
sagði Svanhildur. „Þá rann einn bíll á netageymslu-
skúr, en bíllinn skemmdist ekki mikið og það rétt að-
eins sér á skúrnum.“
Börnin á Hólmavík Fógnuðu fyrsta snjónum og
snjókarlar litu dagsins ljós.
Haldið upp á afmæli Húnavallaskóla í A-Húnavatnssýslu
Morgunblaðið/Jón Sigurðsson
Nemendur og kennarar fögnuðu því að 30 ár eru liðin frá því að Húnavallaskóli var settur í fyrsta sinn.
30 ár frá fyrstu skólasetningu
Blönduósi -Aðstandendur Húna-
vallaskóla í Austur-Húnavatns-
sýslu héldu upp á 30 ára setning-
arafmæli skólans fyrir skömmu. í
tilefni timamótanna var efnt til
samkomu í skólanum þar sem
m.a. var riljuð upp byggingar-
saga skólans og opnuð ljós-
myndasýning tengd sögu hans.
Birgitta H. Halldórsdóttir,
skáldkona og bóndi, rifjaði upp
fyrsta skóladaginn fyrir þrjátíu
árum og Gríinur Gíslason sagði
frá aðdraganda að stofnun skóla
á Reykjum við Reykjabraul og
byggingarsögu hans. Skólinn var
settur í fyrsta sinn 28. okt. 1969
en var formlega vígður ári
seinna. I Húnavallaskóla eru
nemendur úr sjö sveitahreppum
Austur-Húnavatnssýslu og hafa
þeir flestir verið um 180 en í vet-
ur stunda 110 nemendur nám við
skólann. Upphaflega var rekin
heimavist við Húnavallaskóla en
hún var lögð niður árið 1982 og í
dag er nemendum ekið daglega í
skóla. Skólastjóri Húnavallaskóla
er Arnar Einarsson og er hann
fimmti skólastjórinn frá upphafí.