Morgunblaðið - 20.02.2000, Blaðsíða 49

MORGUNBLAÐIÐ
BREF TIL BLAÐSINS
„Gerðu ekkert
nema þú fáir
greitt fyrir það“
Frá Ragnheiði Gunnarsdóttur:
ÞEGAR ég heyrði að Valdimar
Leifsson, Jón Magnússon og fleiri
ætluðu að hjálpa fólki til þess að fá
greitt fyrir að setja heilsufarsupp-
lýsingar um sig í gagnagrunninn var
mér brugðið. Mín fyrsta hugsun var:
Hvað er að verða um þessa þjóð? Er
enginn lengur tilbúinn til þess að láta
gott af sér leiða nema fá greitt fyrir
það? Hvaða skilaboð erum við að
senda ungdómi þessa lands? „Gerðu
ekkert nema þú fáir greitt fyrir það“.
Er það virkilega þannig sem við vilj-
um hafa okkar þjóðfélag?
Eg vona svo sannai’lega að svo sé
ekki. Ég vona að enginn snúi sér til
þessara manna í þessum erindum.
Islensk erfðagreining er fyrirtæki
sem við íslendingar höfum nú þegar
grætt mikið á að fá til landsins.
Margir af menntuðum íslendingum
sem hafa starfað erlendis hafa komið
heim og fengið vinnu við sitt hæfi og
fyrirtækið hefur veitt fjöldamörgum
Islendingum atvinnu. Náttúrufræð-
ingar og margir fleiri hafa betri
samningsstöðu gagnvart ríkinu þar
sem komið er stórt fyrirtæki sem
getur greitt hæm laun og ríkið verð-
ur að bregðast við með þvi að borga
sínum starfsmönnum betur.
Mesti hagnaður okkar allra verður
samt þegar starfsemi þessa fyrir-
tækis fer að skila árangri og lyf finn-
ast við ýmsum sjúkdómum sem hafa
verið ólæknandi.
Fram til þessa hafa mest heyrst
þau rök á móti gagnagrunninum að
það sé ekki hægt að tryggja pers-
ónuleynd. Ég held að við þurfum
ekki að vera hrædd við það. Fyllsta
öryggis er gætt og ef einhverjir vilja
leggja ómælda vinnu á sig til þess að
njósna um heilsufar einstaklings þá
væri örugglega auðveldara fyrir
þann að fá þær upplýsingar á annan
hátt en úr gagnagrunninum. Allir
vita að mjög margir hafa aðgang að
sjúkraskýrslum sem geymdar eru á
sjúkrahúsunum. Ef þetta sama fólk
sem hefur sagt sig úr gagnagrunnin-
um ætlar nú að fara fram á greiðslur
fyrir upplýsingamar, sést best að
raunverulega ástæðan íyrir úrsögn-
inni var bara öfund út í Kára Ste-
fánsson og tilhugsunin um að hann
muni hagnast svo mikið á fyrirtæk-
inu.
Islendingar, ég skora á ykkur að
vera í gagnagrunninum það er hagur
okkar allra. Til þeirra sem vilja
græða: Kaupið hlutabréf í fyrirtæk-
inu og takið þátt í velgengninni.
RAGNHEIÐUR
GUNNARSDÓTTIR,
Faxabraut 39b, Keflavík.
Lífeyrisþegar
sveitarómagar
nútímans
Frá Margréti Guðmundsdóttur:
FRÉTTIN sem barst frá Rauða
krossi íslands nú á dögunum um fá-
tækt á íslandi segir svo ekki verður
um villst að fátækt er til á íslandi og í
meira mæli en stjórnvöld vilja vera
láta. Rauði krossinn gerði marktæka
rannsókn á högum ákveðinna hópa í
samfélaginu og þar kom greinilega í
ljós að lífeyrisþegar standa verst að
vígi. Strípaður örorku- og ellilífeyrir
er svo lágur hér á landi að ógjörning-
ur er að lifa af þeirri upphæð og gild-
ir þá einu hversu spart fólk lifir.
Hann dugar ekki einu sinni fyrir
húsaleigu og rafmagni. Það er troðið
á einstaklingum og fjölskyldum
þeirra sem þurfa að reiða sig á al-
mannatryggingakerfið og mannrétt-
indi þeirra einskis metin. Það geng-
ur ekki að stjórnvöld, með
heilbrigðisráðherra í broddi fylking-
ar, hafi að engu háværar raddir og
mótmæli öryrkja á kjörum sínum.
Það er ótvírætt að hvergi á Norður-
löndunum eru kjör öryrkja eins bág
og hér og hvergi á hinum Norður-
löndunum nema hér er skerðingará-
kvæðun beitt eins grimmilega.
Það er nöturlegt að það skuli vera
úthugsað og vel skipulagt að hafa ör-
orkubætur það háai' að þær séu rétt
fyrir ofan þau viðmiðunarmörk í
tekjum sem félagsþjónustan setur
sem hámark við afgreiðslu fjárhags-
aðstoðar, en það lágar að útilokað er
að lifa af þeim og heldur fólki enda-
laust í fátæktargryfjunni. Hámarkið
sem Félagsþjónustan miðar við er
57.000 kr. á mánuði fyrir einstakling.
Hundruð manna fara í mánuði hverj-
um betligöngu til Hjálparstarfs
kirkjunnar, Rauða krossins og
mæðrastyrksnefndar og fá úttektar-
miða fyrir mat í verslunum í Reykja-
vík. Afgreiðslufólk, bæði í Bónus og
Nóatúnsbúðunum, ætti að vera vel
kunnugt þessum miðum. Þetta er
niðurlægjandi og mannskemmandi
veruleiki sem fjöldinn allur af fjöl-
skyldum býr við. Það er skýlaus
krafa öryrkja að þetta heyri fortíð-
inni til. Eða eru öryrkjai' sveitar-
ómagar nútímans?
MARGRÉT
GUÐMUNDSDÓTTIR,
Skipholti 16, Reykjavík.
www.mbl.is
SUNNUDAGUR 20. FEBRÚAR 2000 49
LOGMENN
FAXAFENI
Offset fjölritun til sölu
Lögmenn Faxafeni hafa verið beðnir að hafa
milligöngu með sölu á fyrirtæki í eigin húsnæði
á besta stað í bænum.
Um er að ræða fyrirtæki sem sérhæfir sig í
fjölritun, Ijósritun, setningu og frágangi.
Góð velta og tekjumöguleikar.
Kjörið tækifæri fyrir réttan aðila.
Upplýsingar hjá Lögmönnum Faxafeni
veitir Sveinn í síma 533 5858 - 899 7950.
Allir barnaskór
tá 995,-
og minna
Herra-og dömuskór á 1.995,-
Ath.: Herraskór frá 40 - 49
PÓSTSENDUM SAMDÆGURS
T
oppskórinn
VELTUSUNDI V/INGÓLFSTORG SÍMI 552 1212
"VEiKEE)
Afmælistilboð
hefst þriðjudaginn
22. febrúar 2000
Ný munstur
nýir litir
Eldri gerðir á tilboði
Njálsgötu 86 - sími 552 0978