Morgunblaðið - 06.04.2000, Síða 14

14 FIMMTUDAGUR 6. APRÍL 2000
MORGUNBLAÐIÐ
HÖFUÐBORGARSVÆÐIÐ
fslandsbanki eykur umsvifín á Kirkjusandi
Um 3.300 fm viðbygg-
ing í notkun eftir ár
, Tölvumynd/íslandsbanki
Miðvinnsla Islandsbanka verður m.a. til húsa í nýrri við-
byggingu bankans við Kirkjusand.
Laugarnes
FRAMKVÆMDIR vegna
staskkunar á húsi íslands-
banka við Kirkjusand eru fyr-
irhugaðar á þessu ári, en
áætlað er að þeim ljúki vorið
2001. Þetta kom fram í sam-
tali Morgunblaðsins við Sig-
urveigu Jónsdóttur, upplýs-
ingafulltrúa íslandsbanka, og
sagði hún að sameining ís-
landsbanka og FBA kæmi
þessum byggingaráformum
ekki beint við enda hefði verið
tekin ákvörðun um þau fyrir
nokkrum mánuðum.
Breyting á deiliskipulagi
vegna framkvæmdanna var
samþykkt af borgaryfirvöld-
um í janúar og sagði Sigur-
veig að fyrirhugað væri að
reisa 3.300 fermetra viðbygg-
ingu við norðurgafl núverandi
húsnæðis
Islandsbanka, sem væri um
7.000 fermetrar. Nýja húsið
myndi samanstanda af kjall-
ara og 5 hæðum og eftir fram-
kvæmdirnar myndi íslands-
banki hafa yfir að ráða
rúmlega 10.000 fermetra hús-
næði á Kirkjusandi og bygg-
ingarrétti fyrir 7.000 fer-
metra til viðbótar.
Miðvinnslan
í nýbyggingnnni
Að sögn Sigurveigar er
gert ráð _ fyrir því að mið-
vinnsla íslandsbanka, sem
verið hefur í húsnæði hans í
Bankastræti muni m.a. flytja í
nýja húsnæðið, en að í ljósi
samruna Islandsbanka og
FBA verði öll húsnæðismál
tekin til skoðunar.
Sigurveig sagðist ekki geta
gefið upp hver áætlaður
kostnaður vegna fram-
kvæmdanna væri, þar sem
fram færi lokað útboð. Hún
sagði að 5 verktakafyrirtæki
hefðu fengið útboðsgögn send
á föstudaginn og að tilboðin
yrðu opnuð 27. apríl.
Garðyrkjustj órar gefa út leiðbeiningar um trjáumhirðu
Misjafnt hvort
reglur gilda
um trjávernd
Höfudborgarsvædið
MISJAFNT er hvort sveit-
arfélög hafa í gildi reglur
um trjávernd eftir að ný
byggingarreglugerð túk
gildi 1998 en þá féll niður
ákvæði hennar um trjá-
vernd. Garðyrkjustjórar
hafa gefið út bækling til að
veita fræðslu og upp-
lýsingar um ýmislegt sem
lýtur að gróðursetningu,
umönnun og verndun trjáa.
Björn Hilmarsson, garð-
yrkjustjóri í Hafnarfirði og
formaður samtaka garð-
yrkjustjóra og umhverfis-
stjóra sveitarfélaga, sagði í
samtali við Morgunblaðið
að fram til 1998 hefðu tré
eldri en 40 ára eða hærri
en 4 metrar verið vernduð
með byggingarreglugerð
og samþykki sveitarstjórna
áskilið fyrir því að þau
fengjust felld. Eftir breyt-
ingu á byggingar-
reglugerðinni árið 1998
hefði sú staða komið upp
að fólk hefði getað fellt tré
að vild. Björn sagði að
nokkur sveitarfélög hefðu
gert bæjarsamþykktir til
að taka á þessum málum
„en okkur fannst rétt að
gefa út bækling til leið-
beiningar og ráðgjafar fyr-
ir almenna borgara," sagði
Björn.
Hann sagði leiðbeining-
arnar tækju m.a. á því hvar
rétt væri að staðsetja tré á
lóð, m.a með tilliti til
reglna um að gróður við
lóðarmörk megi ekki vera
hærri en 1,50 metrar án
samþykkis nágranna og að
tré, sem verða hærri en sex
metrar, eigi að gróðursetja
í a.m.k. 3 metra fjarlægð
frá mörkum samliggjandi
lóða.
Björn sagði að varðandi
umhirðu gróðurs væri lögð
áhersla á að bæjarfélagi
væri heimilt að fjarlægja
þann hluta trjáa sem vex út
fyrir lóðamörk á kostnað
lóðarhafa byrgi tré þá út-
sýn eða valdi hættu fyrir
umferð.
Morgunblaðið/RAX
Félagar í samtökum garðyrlgu- og umhverfissljóra
nutu góða veðursins í Hellisgerði í Hafnarfirði.
Varðandi trjávernd
sagði hann m.a. gefnar
upplýsingar um að hverju
þurfi að huga áður en
ákveðið er hvaða tré á að
fella eða grisja, hvaða tré
væru talin verðmætust og
svo framvegis.
En á hverju flaska hús-
eigendur helst varðandi
trjágróður? „Það er um-
hirðan,“ segir Björn. „Það
er í lagi að vera með há-
vaxnar aspir og sitkagreni
en það kallar á umhirðu.
Það er ekkert að því að
taka ofan af öspunum og
mjókka grenitré upp og
klippa ofan af þeim. Okkur
finnst að fólk eigi að fá
fagmenn til að yfirfara
garðinn og klippa trén á
2-4 ára fresti og halda
sjálft í horfinu þess á
milli.“
Björn sagði að í sumum
smærri sveitarfélögum
yrði bæklingurinn borinn
út í öll hús en í öðrum yrði
hann látinn liggja frammi
þar sem húseigendur gætu
nálgast hann.
Morgunblaðið/RAX
Fiskbúð Norðurbæjar í Hafnarfirði hefur verið rekin
við Miðvang áratugum saman.
Ibúar vilja
fiskinn burt
Hafnarfjördur
ST JÓRN húsfélagsins íbúðar-
eigenda í Miðvangi 41 í Hafn-
arfirði hefur farið þess á leit
við bæjairáð að það stöðvi hið
fyrsta fiskvinnslu á 1. hæð
fasteignarinnar. Fiskbúð hef-
ur verið á götuhæð hússins
um áratugaskeið en henni var
lokað í fyrra.
Ibúi í húsinu, sem ekki vildi
láta nafns síns getið, sagði í
samtali við Morgunblaðið að í
stað fiskbúðarinnar væri rek-
ið í húsnæðinu fyrirtæki sem
vinnur fisk og selur í aðrar
búðir. „Það hefur verið ólykt
og óþrifnaður af þessu og við
hefðum helst viljað koma
þessu út úr húsinu með góðu,“
sagði íbúinn.
Fiskbúð í aldarfjórðung
Hann sagði að sér væri sagt
að fiskbúð hefði verið rekin í
húsinu frá því það var byggt
fyrir um það bil aldarfjórð-
ungi. „En maður er ekki sátt-
ur við ólyktina og óþrifnaðinn
af því að manni finnst þetta
ekki eiga heima í íbúðarhús-
næði í dag.“ íbúinn sagðist
hins vegar telja víst að
rekstraraðilinn hefði öll til-
skilin leyfi í lagi.
Hann sagðist aðspurður
ekki vilja segja að þrifnaði
hefði hrakað eða ólykt aukist
undanfarið.
I samtalinu kom fram að
tvö húsfélög eru í húsinu, fé-
lag íbúðareigenda og sameig-
inlegt húsfélag eigenda íbúð-
ar- og atvinnuhúsnæðis. Það
er aðeins félag íbúanna, sem
sent hefur bæjarráði erindið.
„Um húsið berst ólykt, ang-
andi fisklykt leikur um vit
fólks sem fram hjá gengur og
óþrifnaður er í kringum þenn-
an rekstur, hurð og gluggar
útslett, merkingar utan á
staðnum sólalegar og lausfest-
ar. Angrar þetta okkur eig-
endur hússins mjög. Þar fyrir
utan gæti þetta rýrt verðgildi
eignarinnar og dregið úr
möguleikum okkar á sölu.
Þess er óskað að bæjarráðið
bregðist skjótt við og beiti sér
fyrir stöðvun fiskvinnslunnar
og viðeigandi úrbótum okkur
til handa,“ segir í bréfinu.
Bæjarráð fjallaði um málið
á fundi í síðustu viku og vísaði
þvi til heilbrigðisnefndar.
Heilbrigðisnefnd hafði ekki
borist erindið í gær, að sögn
Guðmundar Einarssonar
framkvæmdastjóra en hann
hafði frétt að erindið væri á
leiðinni. „Þarna hefur verið
fiskbúð í áraraðir en við vitum
ekki undan hverju fólkið er að
kvarta," sagði Guðmundur.
Hann sagði að málið yrði
skoðað um leið og erindið
bærist.
Leyfi fengist ekki í dag
Guðmundur var spurður
hvort það tilheyrði ekki liðn-
um tíma að velja fiskbúðum
stað í íbúðarhúsnæði og hann
sagði að í dag fengist ekki
leyfi fyrir slíkan rekstur í nýju
húsnæði. „En það er ekki
sjálfgefið að fiskbúð geti ekki
verið áfram í húsnæði þar sem
hún er búin að vera áratugum
saman þótt það berist kvart-
anir,“ sagði Guðmundur.
Speimustöðvarhúsið við Austurbæjarskóla er notað sem geymsla
Óhætt að byggja
ofan á húsið
Austurbær
SPENNISTÖÐIN sunnan
við Austurbæjarskóla, þar
sem fyrirhugað er að reisa um
400 fermetra skólahúsnæði,
er ekki í notkun, samkvæmt
upplýsingum frá Orkuveitu
Reykjavíkur, heldur er
spennustöðvarhúsið notað
sem geymsla fyrir Orkuveit-
una.
Fram hafa komið rann-
sóknir sem sýnt hafa fram á
að nálægð við spennustöðvar
geti aukið hættu á ýmsum
sjúkdómum. Matthías Hall-
dórsson aðstoðarlandlæknir
sagði að ekkert hefði verið
sannað í þeim efnum og að þar
sem spennustöðin við Austur-
bæjarskóla væri ekki í notkun
stafaði engin hætta af því að
byggja ofan á hana, engin
heilsufarsleg vandamál
myndu skapast við slíkt.
Þess má geta að Heilbrigð-
iseftirlit Reykjavíkur fer yfir
allar teikningar sem lagðar
eru til samþykktar hjá bygg-
ingarfulltrúa og er þar m.a.
farið yfir þætti sem taldir eru
geta verið heilsuspillandi.
Ef byggingin verður sam-
þykkt af borgaryfirvöldum er
ráðgert að taka hana í notkun
um næstu áramót, en mjög
þröngt er orðið um nemendur
í Austurbæjarskóla þar sem
þeim hefur fjölgað um 20% á
síðustu 4 árum.
Morgunblaðið/Árni Sæberg
Fyrirhugaö er að reisa 400 fermetra skólahúsnæði ofan á spennustöðvarhúsið.