Morgunblaðið - 06.04.2000, Qupperneq 36

36 FIMMTUDAGUR 6. APRÍL 2000
MORGUNBLAÐIÐ
MENNTUN
Námskynning 2000 A sunnudaginn gefst þeim nemendum sem hyggja á háskólanám næsta vetur gott tækifæri
til að kynna sér námsframboð hérlendra háskóla á komandi skólaári
Að velja sér
framtíðarbraut
II
• Fjarnám orðið raunhæfur
kostur í háskólanámi
• Nám á háskólastigi verður
sífellt fjölbreyttara
Sunnudaginn 9. apríl nk.
munu níu skólar á háskóla-
stigi hérlendis standa fyrir
kynningu á starfi skólanna
og því námi sem þar er boðið upp á.
Kynningin fer fram í aðalbyggingu
Háskóla íslands og í Odda við Suður-
götu. Einnig verður kynning á starf-
semi Tónlistarskólans í Reykjavík í
húsnæði skólans, Skipholti 33.
Námskynning 2000 hefst klukkan
13 og stendur til klukkan 17. Auk
fræðslu um skólana verða bæði veit-
ingar og skemmtiatriði í boði fyrir
áhugasama og verðandi háskóla-
nema, en allir eru velkomnir.
Hagsmunafélag um eflingu verk-
og tæknimenntunar á háskólastigi
mun taka þátt í námskynningunni og
standa fyrir umræðufundi kl. 14 í
stoíú 101 í Odda og velta upp spurn-
ingunni: Er vit í verk- og taekni-
menntun?
I gær var fjallað um Kennarahá-
skóla Islands og Háskóla íslands, en
nú verður fjallað um Landbúnaðar-
háskólann á Hvanneyri, Listaháskól-
ann, Samvinnuháskólann á Bifröst,
Háskólann á Akureyri, Háskólann í
Reykjavík, Tónlistarskólann í
Reykjavík og Tækniskóla íslands.
Kynning á námi
Syddansk háskólans
í Oðinsvéum
Á NÁMSKYNNINGU skóla á
háskólastigi sem haldin verð-
ur þann 9. apríl n.k. kl. 13.00-
17.00 í Háskóla Islands mun
Syddansk Universitet í Óðins-
véum í Danmörku kynna nám
skólans og aðstæður fyrir há-
skólastúdenta í Danmörku.
Þar verða staddir þeir Lars
Jörgensen lektor í viðskipta-
fræðum við skólann og verk-
fræðineminn Páll Daníel Sig-
urðsson. Kynningin verður í
aðalbyggingu Háskólans.
Lars Jörgensen mun sitja fyrir
svörum varðandi nám í skól-
anum, kennsluna sjálfa og að-
stæður nemenda til náms. Páll
Daníel sem stundar nám við
skólann mun kynna allar að-
stæður fyrir nemendur í skól-
anum s.s. stúdentagarða og
aðra þjónustu við nemendur.
Hann mun einnig segja frá
fjölbreyttu félagslífi við skól-
ann, sameiginlegum kaffistof-
um, veitingastöðum og sam-
tökum stúdenta.
Þeir Lars Jörgensen og Páll
Daníel Sigurðsson eru einnig
hingað komnir til að heim-
sa:kja verktakafyrirtækið
Eykt h.f., en Páll er um þessar
mundir að vinna lokaverkefni
sitt er fjallar um framtíðar-
stefnumótun og gæðahandbók
fyrirtækisins.
Frekari uplýsingar um skól-
ann má finna á vefslóðinni
www.sdu.dk
Morgunblaðið/Kristján Kristjánsson
k<\l \ '' í r - Æj&k WSíMwiWá

p-;. t&M (j -..'f
L»_ • •' ■< v,- \ i' Ji’ - ■*}•' 'í ‘[ ^Ajíw-vfv' e *. ?.v ’ , ^
Háskólinn á Akureyri
Kennt víða um land með
fj ar fundabúnaði
HÁSKÓLINN á Akureyri var stofn-
aður 5. september 1987 og er vís-
inda- og fræðslustofnun með öfluga
tengingu við atvinnulífið.
I háskólanum er heilbrigðisdeild
með hjúkrunar- og iðjuþjálfabraut
auk meistaranáms í hjúkrunarfræð-
um í samvinnu við Háskólann í Man-
chester á Englandi. Þá er kennara-
deild með grunnskóla- og leik-
skólabrautir, nám til kennslu-
réttinda og sérskipulagt nám til
B.Ed.-gráðu íyrir leikskólakennara,
auk 30 eininga náms í almennum
hugvísindum (nútímafræðum) og
meistaranám. I rekstrardeild er
rekstrarfræðibraut, sem m.a. leggur
áherslu á ferðaþjónustu, markaðs-
fræði og stjórnun og tölvu- og upp-
lýsingatækni.
Einnig er sjávarútvegsdeild með
sjávarútvegsbraut og matvælafram-
leiðslubraut. I öllum deildum Há-
skólans á Akureyri er að fínna náms-
braut eða brautir sem eru sérstakar
fyrir þær sakir að þær eru ekki í boði
í öðrum íslenskum háskólum.
Háskólinn á Akureyri hefur að
sögn Sólveigar Hrafnsdóttur, deild-
arstjóra námsráðgjafar- og kynning-
arsviðs skólans, staðið í fararbroddi
íslenskra háskóla hvað varðar fjar-
kennslu og notkun nýrrar tækni í því
sambandi. Mest af þeirri kennslu fer
fram með gagnvirkum fjarfundabún-
aðj, þannig að kennt er samtímis t.d.
á ísafírði, Egilsstöðum og Akureyri.
Nemendur í fjarnámi hafa því sömu
möguleika og heimanemar til að hafa
samband við kennarann. Með þess-
ari tækni er einnig hægt að fá
kennslu til háskólans bæði frá inn-
lendum og erlendum háskólum.
Fjarkennsla í hjúkrunarfræði
hófst á ísafirði haustið 1998 og
sömuleiðis kennsla í rekstrarfræðum
á Austurlandi. Haustið 1999 bættist
við kennsla í hjúkrunarfræði á Egils-
stöðum og sama haust hófst kennsla
í ferðamálafræðum í samvinnu við
Háskóla Islands.
Þá mun verða fjarkennd hjúkrun-
arfræði í Reykjanesbæ á hausti kom-
andi og leikskólakennaranám verður
fjarkennt á nokkrum stöðum á land-
inu samkvæmt samningi við viðkom-
andi sveitarfélög og fræðslumið-
stöðvar.
Nýjungar haustið 2000
Nýjungar í námsframboði háskól-
ans haustið 2000 eru einkum í kenn-
aradeild. Boðið verður upp á 30 ein-
inga nám í almennum hugvísindum
(nútímafræðum) sem er inngangur
að námi í hugvísindum á háskóla-
stigi. Námsbrautin er þróunarverk-
efni í fjarkennslu sem unnið er í sam-
vinnu við Háskóla íslands. Námið
verður aðgengilegt öllum lands-
mönnum sem aðgang hafa að fjar-
fundabúnaði og þaðan sem mynda
má minnst fimm nemenda hóp.
Þema námsbrautarinnar eru til-
drög og eðli nútímans. Reynt verður
að þjálfa þann hæfileika hjá nemend-
um að finna samhengi í hlutum og
hugtökum og skyggnst verður vítt
um gáttir í mannlegum fræðum. Á
námsbrautinni er ennfremur ætlun-
in að kenna aðferðafræðilegan
bakgrunn til frekara háskólanáms.
Stefnt er að því að námið verði fyrir-
fram metið sem 30 eininga auka-
grein eða kjörsvið í öðrum háskólum
í landinu sem fást við kennslu hug-
vísinda.
Listaháskóli íslands
Æðri menntun á
sviði listgreina
HLUTVERK Listaháskólans er að
sinna æðri menntun á sviði list-
greina, vinna að eflingu listmennta
með þjóðinni og miðla fræðslu um
listir og menningu til almennings.
Frá og með haustinu 2000 mun skól-
inn starfa í tveimur deildum; mynd-
listardeild og leiklistardeild, og
stofnun tónlistardeildar er í undir-
búningi.
Að kennslu við skólann koma bæði
innlendir og erlendir listamenn,
hönnuðir og listfræðingar auk fag-
fólks með tækni- og verkþekkingu á
ýmsum sviðum, að sögn Helgu Pál-
ínu Brynjólfsdóttur hjá Listaháskól-
anum.
Nám í myndlistardeild til BA-
gráðu er 90 einingar og greinist í
myndlistarsvið og hönnunarsvið.
Námið tekur 3 ár og því lýkur með
lokaverkefni (sýningu) og BA-rit-
gerð. Á myndlistarsviði er gefinn
kostur á almennu myndlistamámi,
en nemendur geta valið sérhæfingu
á öðru og þriðja námsári með
áherslu á tvívíða myndlist, þrívíða
myndlist og/eða nýja listmiðla, tíma-
tengda list. Á hönnunarsviði gefst
kostur á námi í grafískri hönnun
annars vegar og form- og vöruhönn-
un hins vegar. Áhersla er lögð á að
kenna hönnun sem sérstaka aðferð
til að svara þörfum og stuðla að ný-
sköpun.
Rétt til að sækja um nám í mynd-
listardeild hafa þeir sem lokið hafa
stúdentsprófi eða sambærilegu námi
með a.m.k. 35 framhaldsskólaeining-
um í myndlist og/eða hönnun. Þeir
sem ekki uppfylla þessar kröfur
koma því aðeins til greina að þeir
geti sýnt fram á einstaka og óvenju-
lega hæfileika á því sviði sem þeir
sækja um og meta má til jafns við
það nám sem á vantar. Umsóknar-
frestur fyrir næsta skólaár rennur út
5. maí.
í leiklistardeild er kennt 120 ein-
inga nám til fyrstu háskólagráðu og
er námstíminn 4 ár. Rétt til að sækja
um nám í leiklistardeild hafa þeir
sem lokið hafa stúdentsprófi eða
sambærilegu námi. Sérstök inntöku-
nefnd velur nemendur eftir framrni-
stöðu á inntökuprófum. Næstu inn-
tökupróf verða vorið 2001 fyrir þá
nemendur sem hefja nám þá um
haustið.
Endurmenntun fyrir starfandi
listamenn og almenning
Við skólann er sérfræðibókasafn
sem tengist þeim fræðum sem
stunduð eru innan skólans. Enn-
fremur starfar við skólann sérstök
fræðsludeild, Opni listaháskólinn,
sem er sérstök stofnun innan Lista-
háskólans. Þar fer fram sí- og endur-
menntun fyrir starfandi listamenn
og almenning á sviði lista og hönnun-
ar. Skipulögð eru námskeið og há-
degisfyrirlestrar tvisvar í viku og
eru þeir öllum opnir. Opni listahá-
skólinn mun í framtíðinni leggja sér-
staka áherslu á námskeiðahald í
tölvu-og upplýsingatækni fyrir lista-
menn, hönnuði og almenning.
Við gerð áætlana um uppbyggingu
Listaháskólans er lagt til grundvall-
ar að starfsemi hans flytjist á einn
stað og búnaður verði í samræmi við
umfang skólastarfsins. Skólanum er
ætlað að vera vettvangur listum-
ræðu og rannsókna í lifandi tengsl-
um við almennt menningarlíf í land-
inu.
Markmið kennslunnar eru að
skerpa sköpunargáfu nemandans,
efla víðsýni hans og þekkingu, þjálfa
listtækni og leikni og byggja upp
starfskunnáttu.
Listaháskólinn er aðili að nem-
endaskiptaáætlunum Nordplus og
Erasmus/Socrates og samstarfs-
samningi innan Cumulus, sem er net
hönnunarskóla í Evrópu. Þá á skól-
inn í samstarfi við á sjöunda tug er-
lendra listaháskóla og eru þar á með-
al margir fremstu skólar á sviðum
lista í Evrópu.