Morgunblaðið - 06.04.2000, Síða 39

MORGUNBLAÐIÐ
FIMMTUDAGUR 6. APRÍL 2000 39
LISTIR
Dulúð og munúð
í norðri og suðri
TOJVLIST
Salurinn í Kópavogi
SÖNGTÓNLEIKAR
Ásgerður Júníusdóttir og Jónas
Ingimundarson. Norræn sönglög
eftir Merikanto, Kilpinen, Rang-
ström, Nielsen og von Koch.
Spænskir söngvar eftir Enrique
Granados og Femando Obradors.
Þriðjudagskvöld kl. 20.30.
ÞAÐ var mikil stemmning í
Salnum í Kópavogi fyrir tónleika
Ásgerðar Júníusdóttur og Jónas-
ar Ingimundarsonar á þriðjudags-
kvöldið, og greinilegur spenning-
ur meðal tónleikagesta að heyra í
söngkonunni. Ekki man ég eftir
að hafa heyrt í Ásgerði lengi og
eflaust má líta á þessa tónleika
sem debút eftir langt nám. Efnis-
val tónleikanna var sérstaklega
áhugavert; annars vegar norræn
sönglög og hins vegar spænsk,
flest ef ekki öll samin á fyrri hluta
aldarinnar. Nánast ekkert af
þessum lögum tilheyra því sem
kalla mætti standarda meðal
norrænna eða spænskra sönglaga;
allt forvitnileg tónlist og fersk
vegna þess hve sjaldheyrð hún er.
Það var mikil ánægja að heyra í
Ásgerði Júníusdóttur. Rödd henn-
ar er mjög sérstök og falleg;
mezzósópranrödd með óvenju
dökkan lit. Röddin er líka mjög
hljómmikil og raddsviðið stórt.
Sjaldan heyrir maður jafn glæsi-
lega rödd á neðsta raddsviði og
Ásgerður hefur; miðsviðið er
bjartara en þó þétt með góðum
stuðningi. Efsta raddsviðið er
hljómmikið en einnig viðkvæmast.
Herslumun vantar á að þessi
raddsvið renni saman í eina heild;
eina heilsteypta rödd; - þau eru
enn of ólík og vinna eftir við að
slípa samskeytin. Þetta er vinna
sem allir söngvarar glíma við og
hefur svosem ekkert með tónlist
að gera, heldur tækni við radd-
beitingu. Það sem Ásgerður Jún-
íusdóttir á hins vegar í pússi sínu
eru túlkunarhæfileikar og mikil
músikgáfa. Hvert einasta lag á
tónleikunum bar þessu vitni. Lög-
in voru öll vel og vandlega unnin,
hvert atriði í túlkun úthugsað
þannig að heildarsvipurinn var í
senn fagmannlegur en jafnframt
með sterkt músíkalskt svipmót.
Þessi hæfíleiki er ekki gefinn öll-
um sem vildu hafa, og því fengur
að því að hafa heimt slíka ágætis-
söngkonu úr löngu tónlistarnámi.
Og ekki er það verra þegar
söngvari sýnir slíka dirfsku og
smekkvísi í efnisvali. Norrænu
lögin á efnisskránni voru eftir alla
helstu snillinga á því sviði frá
fyrri hluta aldarinnar, Finnana
Oskar Merikanto og Yrjö
Kilpinen, Svíana Ture Rangström
og Sigurd von Koch og Danann
Carl Nielsen. Sameiginlegt ein-
kenni norrænu laganna var hæg-
ferðug framvinda - dulúð og nátt-
úrumystík. Þema í lagavalinu var
nóttin í öllum sínum myndum;
stjörnubjört nótt, ástarnótt, vor-
nótt og óminnisnótt; - þetta var
fallegur þráður undirstrikaður
með mynd af óravíddum dimm-
blárrar og stjörnubjartrar nætur í
bakgrunni sviðsins. Norrænu lög-
in voru hvert öðru betur sungið,
en mest var spunnið í lög Ture
Rangströms og Sigurds von
Kochs. Jónas Ingimundarson var
í glimrandi stuði og lék mjög vel.
Hans stóru augnablik voru í
sindrandi og seigfljótandi undir-
spili lags Merikantos, Minningar;
í dramatískum píanóleik í lagi
Kilpinens um stjörnunóttina og í
fiðrildisfimum leik í lagi Rang-
ströms, Melodi. Lag Nielsens,
Sænk kun dit Hoved, du Blomst,
er algjör perla og flutningur Ás-
gerðar og Jónasar var yndislegur.
Mest þótti gagnrýnanda koma
til þriggja laga Sigurðar von
Koch, þar sem saman fóru fínar
tónsmíðar og mjög falleg túlkun
flytjenda. Neðsta raddsvið Ás-
gerðar naut sín vel í fyrri lögun-
um tveimur, en í þriðja laginu, um
Villtu svanina, brast á með ólg-
andi drama og tilfinningum, og
Ásgerður og Jónas túlkuðu vel
þessa örvæntingarþrungnu nótt í
lífi ljóðmælandans.
Eftir hlé var komið að Spán-
verjunum, Enrique Granados og
Fernando Obradors. í lögum þess
fyrrnefnda úr Tonadillas fór Ás-
gerður á kostum. Þessi tónlist er
henni auðheyrilega kær og árang-
urinn var skínandi performans,
þar sem suðræn munúð og gleði
voru í aðalhlutverkum. Lagið E1
tra la la y el punteado var frábær-
lega flutt. I lögunum La maja dol-
orosa sýnir Granados á sér allt
aðra og dýpri hlið. Þar er við-
kvæðið depurð í skugga ástar-
sorgar.
Síðustu lögin á efnisskránni
voru sjö lög Obradors, byggð á
spænskum alþýðulögum. Obra-
dors er lítt þekkt tónskáld; hann
fæddist í Barcelona rétt fyrir
aldamót og var nánast sjálfmenn-
taður í tónsmíðum. Þótt hann hafi
samið talsvert af hljóðfæramúsík
eru sönglög hans það sem best
hefur lifað af verkum hans. Al-
þýðulögin sjö eru líka heillandi og
þrungin spænskri stemmningu.
Ásgerður og Jónas fóru virkilega
fallega með þessi snotru lög;
hamslausar ástríðurnar í laginu
A1 Amor jafnt sem blíðlegar eró-
tískar snertingar 1 Dos cantares
populares. Ánægjulegum tónleik-
um lauk með þremur íslenskum
aukalögum; Vísum Vatnsenda-
Rósu, Lindinni og Ég lít í anda
liðna tíð, sem öll voru mjög fall-
ega flutt.
Bergþóra Jónsdóttir
Hillurfyrirskrifstofuna, heimiliö
eða unglingaherbergiö.
Framúrstefnuleg hönnun
Einfalt í uppsetningu.
Hillur í
fermingargjöf?
Trygg gæði - Gott verð!
ísoldehf
w Umboðs- og heildverslun
Nethyl3-3a - 7 IOReylfj$/ik
Simi 53 53 600 - Fax 567 3609
mbl.is
Síðustu dagar
Verslunin lokar á laugardag vegna breytinga
Enn meiri verðlækkun
Enn meira úrval