Morgunblaðið - 06.04.2000, Qupperneq 78

78 FIMMTUDAGUR 6. APRÍL 2000
MORGUNBLAÐIÐ
Dýraglens
Ljóska
Ferdinand
HAVE VOU EVEK TH0USHT THAT MAVBE VOU'RE A "RUBV-CR0WNEI? KIN6LET"?

& í v w
& Jg
/
/teXWAWXwW.V.Ívl
Hefur þér nokkum tíma dottíð í
hug ad þú sért „rauðkollhöfði“.
IT 5AV5 IN MV BlRP BOOK
THAT KIN6LET5 "NERV0U5LV
TUJlTCH THEIR WIN65.. ANP (
ALUIAV5 5EEMT0 BEIN M0TI0N'
í fuglabókinni minni stendur
að kollhöfðar séu á sífelldu iði.
BREF
TIL BLAÐSINS
Kringlunni 1 103 Reykjavík • Sími 569 1100 • Símbréf 569 1329
Ráðherrar
skjóta á vest-
fírskt verkafólk
Frá Guðvarði Jónssyni:
ALLTAF fara landstjórnin og at-
vinnurekendur í andlegan baklás
þegar kjarasamningar standa yfir
og í áratugi hafa þessir aðilar spil-
að sömu plötuna, að þjóðfélaginu
verði sökkt í botnlausa verðbólgu
ef verkafólk sé ekki auðsveipt og
hlýðið.
Aftur á móti minnist ég þess
ekki að verkafólki hafi verið sýnd
jafn mikil fyrirlitning úr ráðherra-
stóli og gert var af ráðherrum fyrir
stuttu, þegar þeir ásökuðu vest-
firskt verkafólk um að hafi rústað
atvinnulífi á Vestfjörðum með
kröfu sinni um bætt kjör, á hóg-
værum grundvelli, miðað við kröf-
ur annarra hópa og miðað við gild-
ismat sumra forstjóra á eigin
verðleikum.
Hafa þarf í huga, að í verkfalli
deila tveir og deiluna verða tveir
að leysa. Þess vegna er ekki við
einn að sakast ef deilan dregst á
langinn og þáttur atvinnurekenda
og ráðherra í töfum á slíkri deilu
er ekkert minni en launþega. Þess
vegna hefði ásökun ráðherranna
verið betur orðuð þannig. Við og
vestfirskt verkafólk ollum Vestfirð-
ingum ómældum skaða með því að
láta verkfallið dragast á langinn.
Ráðherrarnir virðast aftur á
móti hafa gleymt því að það var
ekki vestfirskt verkafólk, sem seldi
frá sér atvinnutækifærin, er hafði
af Vestfirðingum milljarða í at-
vinnutekjum. Það gerðu ráðherr-
arnir með sínu fiskveiðistjórnunar-
kerfi og kenna svo verkafólki um
skaðann.
Ráðherrarnir virðast líka hafa
gleymt því, að þeir eru sérstakir
hagsmunagæslumenn allra þegna
þjóðfélagsins og þurfa því að gæta
þess að ráðast ekki á einstaka
stéttarfélagshópa, með slagorða yf-
irlýsingum, í staðinn fyrir málefna-
lega umræðu á rökfræðilegum
grunni. Menn hafa lagalegan rétt
til þess að krefjast mannsæmandi
launa fyrir framlagða vinnu. Ráð-
herrarnir virðast líka hafa gleymt
því að verkafólk hefur í all langan
tíma tekið sérstakt tillit til afkomu
þjóðfélagsins í sinni kröfugerð um
bætt laun, nokkuð sem margir bet-
ur launaðir hópar hafa ekki gert í
sínum samningum, við ráðherra.
Það er von mín að landsbyggðar
verkafólki takist að semja um kjör
sem haldi í við verðhækkanir, en
semji ekki um ekki neitt eins og
Flóabandalagið gerði.
Svo er rétt að minna verkalýðs-
félögin á, að ellilífeyrisþegar eiga
stóran þátt í uppbyggingu verka-
lýðshreyfingar í landinu, því tel ég
það ekki óeðlilegt að verkalýðs-
hreyfingin styðji við bakið á þeim í
þessum kjaraviðræðum. Mér virð-
ist verkalýðsfélög muna helst eftir
ellilífeyrisþegum, þegar þeir telja
sig geta selt þeim einhverja þjón-
ustu.
GUÐVARÐUR JÓNSSON,
Hamrabergi 5, Reykjavík.
Þakkað fyrir tón-
leika í Langholtskirkju
Frá Birnu Kr. Svavarsdóttur:
VIÐ sem lögðum leið okkar í Lang-
holtskirkju á sunnudagskvöld urð-
um síður en svo fyrir vonbrigðum.
Aldamótakórinn
ásamt einsöngv-
urum, Þórunni
Guðmundsdóttur
sópran og Sig-
urði Skagfjörð
Steingrímssyni
baritón og
Kammersveit
Hafnarfjarðar
fluttu þá Heilaga
messu eftir
Gunnar Þórðarson við texta Sig-
urðar Helga Guðmundssonar.
Þetta var ljúf stund, tónlistin heill-
andi og flutningurinn grípandi.
Ýmsir hafa spreytt sig á því
gegnum tíðina að semja tónlist við
hefðbundna messutexta, jafnframt
hérlendis sem erlendis og á sama
hátt hafa skáld og hagyrðingar sett
fram texta í ætt við upprunalega
messuliði. Lúther sjálfur lagði á
það ríka áherslu að messan væri
flutt á móðurmálinu og hin þýska
hefð hefur gjarnan haldið því
merki á lofti. Nægir þar að benda á
messu Schuberts, en liðir hennar
eins og Introitus og Gloria hafa
ratað inn í íslenskan sálmasöng,
öllum til gleði og ánægju. Það hlýt-
ur hins vegar að þurfa nokkra
dirfsku til af lútherskum presti að
setja inn liði sem gjarnan heyrast
ekki nema í rómverskum messum,
svo sem Sequentiu og Ave María
eru dæmi um. Og það eins þótt
messan sé alkirkjuleg og gangi
þvert á allar kirkjudeildir. Ekki
verður þó annað séð með leik-
mannsaugum en hér hafi vel til
tekist og enginn þurfi að hneyksl-
ast á tiltækinu.
Heilög messa hefur nú komið út
á geisladiski og hafði ég hlustað á
hana áður en til tónleikanna kom,
mér til óblandinnar ánægju, og
naut því tónleikanna áreiðanlega
mun betur en ella. Það er ánægju-
legt að hafa á afmælisári kristni-
töku fengið svo indæla tónlist sem
innlegg í íslenskan messusöng.
BIRNA KR. SVAVARSDÓTTIR,
Logafold 54, Reykjavík.
Allt efni sem birtist í Morgunblaðinu og Lesbók er varðveitt í upplýsinga-
safni þess. Morgunblaðið áskilur sér rétt til að ráðstafa efninu þaðan, hvort
sem er með endurbirtingu eða á annan hátt. Þeir sem afhenda blaðinu efni
til birtingar teljast samþykkja þetta, ef ekki fylgir fyrirvari hér að lútandi.