Morgunblaðið - 13.04.2000, Síða 10

10 FIMMTUDAGUR 13. APRÍL 2000
FRETTIR
MORGUNBLAÐIÐ
Lög um
Lands-
virkjun
samþykkt
LANDSVIRKJUN hefur fengið
lagaheimild til að eiga hlut í
fjarskiptafyrirtækjum eftir að Al-
þingi samþykkti lög þar að lútandi
í atkvæðagreiðslu við þriðju um-
ræðu um málið í gær. Greiddu 30
þingmenn atkvæði með frumvarpi
iðnaðarráðherra, einn var á móti
en 13 sátu hjá. 19 þingmenn voru
fjarverandi atkvæðagreiðsluna.
Þingmenn stjórnarandstöðunnar
höfðu gagnrýnt frumvarpið við
fyrstu og aðra umræðu um málið í
þinginu en það snerist um heimild
til handa Landsvirkjun til að eiga
aðild að fjarskiptafyrirtækjum.
Kemur að gagni fyrir fleiri
Er meiningin, samkvæmt laga-
textanum, að búa svo um hnútana
að ljósleiðari Landsvirkjunar á há-
lendinu geti komið að gagni fyrir
fleiri aðila, m.a. þá sem starfa að
öryggismálum.
Alþingi vísaði einnig til þriðju
umræðu í gær umdeildu frumvarpi
utanríkisráðherra um framkvæmd
tiltekinna þátta í varnarsamstarfi
íslands og Bandaríkjanna. Höfðu
breytingartillögur stjórnarand-
stæðinga við frumvarpið áður ver-
ið felldar í atkvæðagreiðslu.
I '1 - ,l' jil
tSlfl Bfl
ALÞINGI
Riðið til Al-
þingis að
gömlum sið
STJÓRNARMENN f Félagi tamn-
ingamanna fóru í gær ríðandi á Al-
þingi, þar sem þeir afhentu Halldóri
Blöndal, forseta Alþingis, boðsbréf til
þingmanna á 30 ára afmælissýningu
Félags tamningamana. Þar er um að
ræða þriggja daga fagsýningu í Reið-
höllinni í Víðidal, og hefst sýningin í
dag með móttöku boðsgesta kl. 18.
A sýningunni verða hefðbundnar
reiðsýningar í sal hallarinnar, en
einnig verða ýmiskonar vörusýning-
ar í anddyrinu.
Þá verða haldnir fyrirlestrar um
margvísleg efni tengd hestamenn-
skunni.
Þingsályktunartillaga um notkun íslenskra veðurhugtaka
Tvítaka þurfti at-
kvæðagreiðslu
TVÍTAKA þurfti atkvæðagreiðslu i
gær um þingsályktunartillögu
Kristjáns Pálssonar, þingmanns
Sjálfstæðisflokks, um notkun ís-
lenskra veðurhugtaka hjá Veður-
stofu íslands. Tillagan var sam-
þykkt með einu atkvæði í fyrra
skiptið en felld með sama atkvæðis-
mun er atkvæðagreiðslan var endur-
tekin.
Tillagan hafði verið tekin til seinni
umræðu á þriðjudag og hljóp þá
Samþykkt í fyrra skipt-
ið en felld íþað síðara
nokkrum þingmönnum kapp í kinn
enda voru skiptar skoðanir um
ágæti þingsályktunartillögunnar.
Nokkrir þingmenn voru á mæl-
endaskrá þegar umræðu um málið
var frestað á þriðjudag. Þeirra á
meðal var Kolbrún Halldórsdóttir,
þingmaður Vinstrihreyfingarinnar -
Morgunblaðið/Kristinn
Lög um kjarasamninga opinberra starfsmanna rædd á Alþingi
Heildarendurskoðun á lög-
gjöfínni liúki á næsta ári
GEIR H. Haarde fjármálaráðherra ítrekaði
þann vilja sinn á Alþingi á þriðjudag að farið
verði í heildarendurskoðun á lögum um kjara-
samninga opinberra starfsmanna. Kvaðst hann
gera sér vonir um að slíkri endurskoðun mætti
ljúka á næsta ári en ráðherrann taldi óraun-
hæft að reikna með því að þeirri vinnu lyki
fyrr, í Ijósi þess að í gangi væru viðræður um
réttindamál opinberra starfsmanna, auk þess
sem kjarasamningar væru lausir í haust. Vart
væri raunhæft að mönnum tækist að afkasta
því að klára öll þessi mál á sama tíma.
Vilhjálmur Egilsson, þingmaður Sjálfstæðis-
flokks, hafði mælt fyrir nefndaráliti meirihluta
efnahags- og viðskiptanefndar Alþingis um
frumvarp til laga um breytingar á lögum um
kjarasamninga opinberra starfsmanna, en
nefndin leggur til að frumvarpið verði sam-
þykkt óbreytt. Gera breytingarnar ráð fyrir að
um opinbera starfsmenn gildi sömu reglur og
um aðra launþega hvað viðvíkur fjöldaupp-
sögnum og broti á friðarskyldu þegar í gildi
eru kjarasamningar. Er með frumvarpinu ver-
ið að bregðast við dómi Félagsdóms frá því í
fyrra þar sem því var hafnáð að ákvæði laga
um stéttarfélög og vinnudeilur varðandi
fjöldauppsagnir tækju til opinberra starfs-
manna.
Verði vísað til
ríkisstjórnariniiar
í nefndaráliti minnihluta efnahags- og við-
skiptanefndar er hins vegar gagnrýnt að ríkis-
valdið skuli enn á ný velja að breyta því með
lögum sem tapast fyrir dómstólum. Sagði Jó-
hanna Sigurðardóttir, þingmaður Samfylking-
ar, sem skrifar undir álit minnihlutans ásamt
Ögmundi Jónassyni, þingmanni Vinstrihreyf-
Morgunblaðið/Jim Smart
Sighvatur Björgvinsson, þingmaður Samfylkingar, slær á létta strengi við Halldór Ásgrímsson,
utanríkisráðherra og formann Framsóknarflokksins, í þinghúsinu í gær.
ingarinnar - græns framboðs, að eðlilegra hefði
verið að verða við beiðni samtaka opinberra
starfsmanna og hefja þegar heildarendurskoð-
un á lögum um kjarasamninga þeirra. Leggur
minnihlutinn til að málinu verði vísað til ríkis-
stjórnarinnar, og í heildarendurskoðun á lög-
gjöfinni.
í máli Geirs H. Haarde fjármálaráðherra
kom hins vegar fram sú skoðun hans að þær
deilur, sem verið hefðu uppi um þau ákvæði
laga sem hér væri lagt til að breyta, yrðu vænt-
anlega úreltar ef samkomulag næðist milli
hagsmunaaðila um nýja heildarlöggjöf á næsta
ári.
græns framboðs, sem gerði athuga-
semd við það í gær að málinu hefði
síðan óvænt verið kippt aftur á dag-
skrá í skjóli nætur, aðfaranótt mið-
vikudags, þegar flestir þingmenn
hefðu verið farnir af fundi.
Lýsti Kolbrún síðan þeirri skoðun
sinni að það væri forræðishyggja að
ætla að segja Veðurstofunni fyrir
verkum í þessu máli og að hún væri
mótfallinn tillögunni.
Tillagan laus við flokks-
pólitík eins og veðrið
Fleiri þingmenn gerðu grein fyrir
atkvæði sínu. Hjálmar Árnason,
Framsóknarflokki, sagðist segja nei
í trausti þess að Veðurstofan hlýddi
á raddir þingmanna og bæri áfram
hag íslenskunnar fyrir brjósti.
„Þessi þingsályktunartillaga er eins
laus við flokkspólitík og veðrið,“
sagði Ögmundur Jónasson, þing-
maður VG, „enda fjallar hún um veð-
ur og veðurlýsingar.“ Lýsti hann yf-
ir stuðningi við tillöguna. Fyi’sti
flutningsmaður tillögunnar, Krist-
ján Pálsson, lagði jafnframt áherslu
á að með henni væri ekki verið að
skipa neinum fyrir, aðeins verið að
koma með tilmæli um að fjölbreyti-
leika tungunnar verði viðhaldið.
Sverrir Hermannsson, Frjáls-
lynda flokknum, og Halldór Blöndal,
Sjálfstæðisflokki, lýstu sig ennfrem-
ur samþykka tillögunni. Sagði Hall-
dór að það væri misskilningur að
halda að það væri ekki hlutverk rík-
isins og stofnana þess að stuðla að
vernd íslensku tungunnar.
Málinu ekki lokið
I atkvæðagreiðslu var tillögu-
greinin, þ.e. texti ályktunarinnar,
sjálf samþykkt með 22 atkvæðum
gegn 20 en 6 sátu hjá. Þegar greidd
voru atkvæði um tillöguna í heild
reyndist 21 þingmaður henni
hlynntur en 20 henni andvígir, 5
greiddu ekki atkvæði. Atkvæða-
greiðslan var hins vegar endurtekin
enda hafði einum þingmanni ekki
tekist að taka þátt í atkvæðagreiðslu
af tæknilegum orsökum.
Var þá tillagan borin undir at-
kvæði á ný og hún felld með 21 at-
kvæði gegn 20. Sex sátu hjá.
Málinu er þó ekki lokið því þegar
hefur verið dreift á Alþingi fyrir-
spurn til umhverfisráðherra sem
Halldór Blöndal leggur fram. Vill
Halldór vita hvort ráðherrann hygg-
ist fela Veðurstofu íslands að nota
íslensku veðurhugtökin í samræmi
við vilja meiri hluta Alþingis þegar
greidd voru atkvæði um tillögugrein
áðurnefndrar þingsályktunartillögu.
Alþingi
UTANRÍKISMÁLIN setja svip sinn
á dagskrá Alþingis í dag. Skýrsla
utanríkisráðherra um Evrópumál
verður þó ekki rædd fyrr en eftir
páskahlé. Dagskráin er sem hér
segir, en þingfundur hefst kl.
10.30:
1. Yfirlitsskýrsla um alþjóðamál,
ein umræða.
2. Alþjóðaþingmannasambandið,
ein umræða.
3. VES-þingið 1999, ein umræða.
4. ÖSE-þingið 1999, ein umræða.
5. Fríverslunarsamtök Evrópu
1999, ein umræða.
6. Evrópuráðsþingið 1999, ein
umræða.
7. NATO-þingið 1999, ein um-
ræða.
8. Tekjuskattur og eignar-
skattur (skattleysismörk), 1. um-
ræða.
9. Yrkisréttur, 1. umræða.
10. Lax- og silungsveiði (gjald-
taka o.fl.), 1. umræða.
11. Innflutningur dýra (rekstur
sóttvarna- og einangrunarstöðva
o.fl.), 1. umræða.