Morgunblaðið - 07.06.2000, Blaðsíða 69

MORGUNBLAÐIÐ
MIÐVIKUDAGUR 7. JÚNÍ 2000 69
------------------------
FOLKI FRETTUM
The Bloodhound Gang spilar á Tónlistarhátíðinni í Reykjavík
Læsið ömmu uppi
á lofti því Blóðhund-
arnir eru á leiðinni
The Bloodhound Gang hefur skelffc siðavanda tónlistarunnendur
um g;]örvalla heimsbyggð. Þeir eru háværir, kjaftforir og sóðalegir
eins og verstu hundspott, á stundum jafnvel svolítið hættulegir. Jó-
hanna K. Jóhannesdóttir beið með öndina í hálsinum eftir símtali
frá einum þessara villimanna, yrði hann ljúfur eða óður?
ÞAÐ HEFUR tekið blaðamann
lungann úr deginum að hafa upp á
meðlimum rokksveitarinnar The
Bloodhound Gang til að heyra
hvernig komandi ferðalag til ís-
lands leggst í flokkinn. Þetta eru
alvöru rokkarar og lifa lífinu sam-
kvæmt óskráðri handbók þess
þjóðflokks, lifa hratt, deyja ungur
og skemmta sér ærlega allan tím-
ann. Svona líferni tekur samt sinn
toll og jafnvel óðir rokkhundar
verða þreyttir og þurfa að hvíla
lúin bein, Blóðhundarnir eru sem
stendur allir sem einn steinsofandi.
Eftir ótalmörg afar háttvís samtöl
við Lisu, verndarvætt Blóðhund-
anna, nást samningar milli blaða-
manns og staðgengilsmóðurinnar
um að vekja varfærnislega einn
meðlima sveitarinnar og fá hann í
létt spjall. Nokkrum klukkustund-
um síðar hringir síminn.
„Halló,“ segir hás karlmanns-
rödd hinum megin við Atlantshaf-
ið.
„Já, halló,“ svarar blaðamaður
með svolítilli tilhlökkun í röddini,
þetta gæti jú verið einhver heims-
frægur eða alræmdur og blaða-
maður er ekki alveg ónæmur fyrir
stjörnudýrkun.
Hvort tveggja á við því „Evil“
Jared Hasselhoff Blóðhundabassi
hangir á bláþræði á línunni. Mað-
urinn er nývaknaður, klukkan er
enda ekki nema fjögur að staðar-
tíma.
Blaðamaður kynnir sig, yfírmáta
glaður að vera loks kominn í sam-
band við goðið, og segist aðspurð-
ur vera frá íslandi. Það fínnst Jar-
ed ofsalega fyndið, minnist fyrri
heimsóknar til landsins kalda í
norðri og þarf hreinlega að taka
sér nokkurra mínútna hvíld til
þess að jafna sig og koma sér bet-
ur fyrir „og fínna nærbuxurnar
mínar“. Blaðamaður sýnir biðlund
enda ekki á hverjum degi sem ör-
lítill gluggi opnast inn í svo gjör-
ólíka veröld.
Sá vondi sonur strandvarðar?
,AHt í lagi, ég er tilbúinn," segir
rokkarinn sallarólegur „byrjaðu
bara.“ Eðlislæg forvitni leiðir að
fyrstu spurningu um einkennilega
nafngift kappans, hann er nefni-
lega með viðurnefnið „Evil“ vondi
Jared, hvers vegna?
„Ég er ekki alveg viss en það
getur haft eitthvað með það að
gera að þegar ég var í mennta-
skóla voru tveir gaurar með þessu
nafni á heimavistinni. Annar var
þessi almennilega manngerð sem
hjálpar öðrum með heimavinnuna
og svoleiðis en hinn pissaði í bjór-
inn. Ég var sá síðamefndi."
Það hefur varla aflað þér mikilla
vinsælda?
„Ég veit það nú ekki þar sem ég
drakk nú oftast bjórinn sjálfur.“
Jared sekkur sér í menntaskóla-
minningar um stund og blaða-
manni flýgur í hug að tímanum
hafi líklega frekar verið varið í vín
og villtar meyjar en í skruddurnar.
Nú ertu með sama foðurnafn og
frægasti strandvörður í heimi, loð-
inbringan David, ertu eitthvað
skyldur honum?
„Já, _ég held ég sé launsonur
hans. Ég var nefnilega alinn upp
hjá fósturforeldrum og hef aldrei
hitt líffræðilegan föður minn og
svo má ekki líta framhjá því að við
erum þó nokkuð líkir. Svo hef ég
reynt að setja mig í samband við
hann, en hingað til hefur hann
hunsað símtölin mín en í hjarta
mínu veit ég að einhvern daginn
verðum við sameinaðir, ég og hann
pabbi minn.“ Til þess að forða við-
talinu frá óþarfa væmni er tekin
allharkaleg U-beygja.
Ég ætla að malbika allan
heiminn, elsku mamma
Þetta verður önnur heimsókn
ykkar til íslands, hvernig eydduð
þið frítímanum þegar þið komuð
hingað síðast?
„Síðast þegar við spiluðum á ís-
landi var það daginn eftir að Díana
prinsessa dó og við vorum að hita
upp fyrir Blur. Eftir tónleikana
fórum við á bar þar sem við átum
hráan, kæstan hákarl og skoluðum
honum niður með skrítnum svört-
um vökva. Við vorum þar til um
þyjú um nóttina en þá kom löggan
og rak okkur út. Við létum það
ekkert stoppa gleðskapinn og fór-
um bara aftur inn en þá kom lögg-
an bara aftur og henti öllum við-
stöddum út. Þetta endurtók sig svo
nokkrum sinnum, enda var þetta
líklega bara ansi róleg nótt hjá
laganna vörðum, þeir höfðu ekkert
annað að gera en eltast við okkur.“
Hvað fannst þér um íslensku
náttúruna?
„Hvaða náttúru? Meinarðu öll
trén og grænu akrana og svoleið-
is?“ Það meira en lítið vottar fyrir
háði í röddinni, „ég sá bara steina
á íslandi, svona tungllandslag, en
mér finnst það alveg þrælfínt því
undanfarna áratugi hefur mann-
skepnan keppst við að malbika alla
jörðina, en hjá ykkur hefur náttúr-
an séð um það sjálf.“
Já, einmitt. Hvað ætlið þið svo
að staldra lengi við í þetta skiptið?
„Líklega bara í einn eða tvo
daga, maður fær aldrei tíma til að
slaka á og skoða sig um í þessum
bransa, ég man ekki einu sinni
hvenær við fengum almennilegt frí
síðast.“ Nokkurrar biturðar gætir
hjá kauða, hann er kannski ekki
eins harður nagli og hann sýnist í
fyrstu.
Hvað ætlið þið að spila á tón-
leikahátíðinni?
„Ha, er þetta tónleikahátíð? Þá
látum við dagskrána bara ráðast
eftir stemmningunni.
Við vorum til dæmis að spila um
daginn en það gekk ekkert of vel
því flestir tónleikagestanna voru of
uppteknir við að mótmæla tónlist-
inni til að njóta hennar, voru með
mótmælaskilti og þar fram eftir
götunum."
Þið farið einmitt ekkert i felur
með skoðanir ykkar, hafíð meðal
annars veríð sakaðir um kynþátta-
fordóma, kvenfyrirlitningu og
hommafælni.
„Þetta er allt á misskilningi
byggt. Eitt lagið okkar fjallar til
dæmis um hvað okkur finnast As-
íu-píur flottar og það virðist vera
þannig að ef þér líkar of vel við
þær, þá ertu kynþáttahatari. Ég
skil ekki heldur þetta með homm-
ana, því ég verð sjálfur forsíðu-
drengur hjá bresku hommablaði
strax í sumar. Og til að koma þvíj.
hreint þá elskar The Bloodhounu
Gang konur út af lífinu og okkur
dytti aldrei í hug að lítilsvirða
þær.“
Hljómsveitin er ekki með aðdá-
endasíðu eins og flestar vinsælar
sveitir, þið eruð með haturspóst.
Hvernig stendur á þessu?
„Þegar við vorum að byrja höfð-
um við enga aðdáendur en það var
nóg af fólki sem skrifaði okkur til
að láta vita hvað textarnir okkar
væru ömurlegir og við sjálfir léleg-
ir tónlistarmenn og hreinlegá?
móðgun við samfélagið, svo það lá
beinast við að stofna haturssíðu
Blóðhundanna. Hún hefur bara
gengið ansi vel í gegnum tíðina.“
Textarnir ykkar fjalla einmitt
mjög oft um kynh'f og eiga það til
að særa blygðunarkennd fólks.
Hugsið þið bara um kynlíf?
„Já, eiginlega.“
Það var nefnilega það. Hrein-
skilinn maður, hann Jared.
Er eitthvað að lokum sem þú vilt
koma á framfæri til íslensku þjóð-
arinnar?
„Læsið dætur ykkar inni í svefn-
herbergi, ömmu uppi á lofti og
setjið rollurnar í fjárhúsið. Blóð-
hundarnir eru að koma og þá verð*
ur enginn óhultur."
Takiö þátt í
netleiknum
á mbl.is
FRUMSYND 9.júní
A HERO SHOULD NEVER HAVE TO STAND ALONE
Samtiiiitiilerölr
Lanösýn
adidas
Huranrbio