Árný - 01.01.1901, Síða 19

19
málinu; hafði aðferð stjórnarinnar því miður vakið
og alið þann grun.
Arið 1867 var stjórnarskipunarmálið lagt fyrir
alþíngi og átti Hilmar Finsen góðan þátt í því.
Vil eg nú vísa til ritgjörðar Jóns Sigurðssonar í fyrsta
ári Andvara, þvi hjer er eigi rúm til þess að rekja
málið. Að eins skal þess getið, að nú stóð deilan
með fullu fjöri um stjórnarskipun Islands til 1874.
Fylgdu hinir konúngkjörnu þíngmenn dönsku stjórn-
inni oftast að máli, og þó áttu sumir þeirra stundum
erfitt með það vegna sannfæríngar sinnar og gengu
þá með hógværð á móti henni í ýmsum atriðum.
Einstaka þjóðkjörnir þíngmenn voru líka stundum með
stjórninni eða hinum konúngkjörnu. I móti voru flestir
þjóðkjörnir þíngmenn með forseta — svo var Jón
Sigurðsson frá Kmhöfn kallaður venjulega á seinni
árum — fremstum í flokki, og þeim fylgdi allur þorri
þjóðarinnar. Eftir þjóðfundinn hafði Jón Sigurðsson
verið sjálfkjörinn foríngi allra Islendínga.
Frá því að Jón Sigurðsson byrjaði að gefa út
Ný Fjelagsrit 1841, var hann foríngi allra íslenskra
námsmanna í Kmhöfn; fylgdu þeir honum jafnan að
máli, nema Gísli skáld Brynjúlfsson á seinni ár-
um. Gísli var mjög gagntekinn af mælsku Orla
Lehmanns og er varla efi á því, að hann hefur meðal
annars haft nokkur áhrif á »pólitík« Gísla. 1869
2*