Árbók Hins íslenzka fornleifafélags - 01.01.1992, Blaðsíða 160

164
ÁRBÓK FORNLEIFAFÉLAGSINS
það framan af árinu að undirbúa opnunina. Nesstofa var máluð að utan og að hluta til að
innan einnig. Velja þurfti muni til sýningar og setja upp sýningu með textum og öllu sem því
tilheyrir. Þá var útbúinn og prentaður kynningarbæklingur um safnið. Safnið var opnað með
hátíðlegri athöfn föstudaginn 10. júlí 1992. Menntamálaráðherra opnaði safnið að viðstödd-
um tæplega 200 gestum, en auk hans fluttu stutt ávörp Guðmundur Magnússon, þjóðminja-
vörður, og Kristinn Magnússon, forstöðumaður. Þó svo að safnið væri ekki formlega opnað
fyrr en í júlímánuði urðu heimsóknir í safnið á fyrri hluta ársins allnokkrar.
I tilefni af alþjóðlegum safnadegi 18. maí voru mörg söfn á Islandi kynnt sérstaklega. Nes-
stofa var engin undantekning og komu um það bil 100 gestir að skoða safnið og tókst kynn-
ingin á safninu í alla staði vel.
Mikið og gott samstarf hefur verið milli safnsins og Félags áhugamanna um sögu læknis-
fræðinnar. Stjórnarfundir félagsins eru venjulega haldnir í húsakynnum safnsins og situr for-
stöðumaður þá. Forstöðumenn tveggja erlendra lækningaminjasafna heimsóttu Nesstofusafn
á árinu: Inger Wikström-Haugen, forstöðukona lækningaminjasafnsins í Gautaborg og Dr.
Christa Habric, forstöðukona lækningaminjasafnsins í Ingolstadt í Þýskalandi. Vert er að
nefna enn einn gest sem kom erlendis frá. Hann er Karl Heinz Opolony sem er þýskur for-
vörður, sem sérhæfir sig í viðgerð lækningamuna og hefur starfað við lækningaminjasafnið í
Ingolstadt.
Á árinu 1992 gerðist Nesstofusafn aðili að Evrópusambandi lækningaminjasafna (Europ-
ean Association of Museums of History of Medical Sciences).
Fjöldi sýningargesta, frá því safnið opnaði 10. júlí, var 707 gestir en ætla má að á þriðja
hundrað gestir hafi heimsótt safnið fyrir formlega opnun.
Gerð var tilraun með heimsóknir skólahópa í októbermánuði. Það voru nemendur í átt-
unda og níunda bekk Valhúsaskóla sem heimsóttu safnið. Voru þessar heimsóknir mjög lær-
dómsríkar og verður hægt að byggja á þeirri reynslu sem af þeim hlaust við móttöku skóla-
fólks í framtíðinni. Smæð sýningarhúsnæðisins í Nesstofu takmarkar mjög alla verkefna-
vinnu slíkra hópa á staðnum.
Alls bættust 211 ný safnnúmer í Nesstofusafn á árinu 1992 og voru munirnir hinir fjöl-
breyttustu. Má þar nefna stólpípu og tvö nuddtæki úr eigu Guðbjargar Narfadóttur, sem Vil-
hjálmur Rafnsson, læknir, gaf, nokkra lyfseðla frá því fyrr á öldinni, sótthreinsunarofn o.fl.
Munir í Nesstofusafni voru 4.328 við áramótin 1992/1993.
Á árinu var unnið að merkingu og skráningu muna safnsins. Skráðir voru þeir munir sem
voru óskráðir frá fyrri tíð, alls 43 númer, auk þeirra muna sem bárust á árinu. Ekki tókst þó
að merkja og skrá þá muni sem komu frá Tilraunastöð Háskóla Islands í meinafræði fyrir lok
ársins.
Hafist var handa um að tölvuskrá muni safnsins. Notað er tölvuforrit sem hannað hefur
verið á Þjóðminjasafni Islands. Eins og eðlilegt er hafa smávægilegir byrjunarörðugleikar
tafið verkið. Búið er að skrá á annað hundrað númer.
Jón heitinn Steffensen ánafnaði Læknafélagi Islands stórum hluta eigna sinna með því
skilyrði að fénu yrði varið til uppbyggingar Nesstofusafns. Þá hefur Læknafélag Islands einn-
ig heitið myndarlegum fjárstuðningi til byggingaframkvæmda á vegum safnsins. Með þessu
fé ætti að vera hægt að komast mjög langt með fyrirhugað safnhús í Nesi. Svæðið kringum
Nesstofu er óskipulagt. Mikil óvissa ríkir um skipulag þess og þar á meðal hvernig aðkoma
að fyrirhuguðu safnhúsi verður. Þetta veldur því að framkvæmdir við nýja safnhúsið geta
ekki hafist fyrr en ákvarðanir hafa verið teknar um skipulagamál svæðisins. Vonast er til að
þessar ákvarðanir liggi fyrir með vorinu.
Sjóminjasafn íslands
Sú breyting varð á stöðu Sjóminjasafns Islands á árinu að safnið var formlega gert að
deild innan Þjóðminjasafns Islands og lýtur stjórn þjóðminjavarðar og þjóðminjaráðs frá og