Óðinn - 01.07.1926, Blaðsíða 29

Óðinn - 01.07.1926, Blaðsíða 29
Ó Ð I N N 77 Stefán Baldvin Stefánson. hreppstjóri og alþingismaður. Hann andaðist 24. maí fyrra ár, að heimili Þóru dóttur sinnar á Hjalteyri. Var á heimleið frá Akureyri, er lungnabólga greip hann þeim heljar tökum, að hann komst ekki heim til sín að Fagraskógi. Stefán var fæddur að Kviabekk í Ólafsfirði þ. 29. júní 1863. Foreldrar hans voru þau síra Stefán Árnason, er þá var þar prest- ur, og síðari kona hans Guðrún Jóns- dóltir frá Brúna- stöðum í FJjótum, en hún var áður gift Baldvin Magn- ússyni frá Siglu- nesi. Árið 1871 flutt- ist hann með for- eldrum sínum að Hálsi i Fnjóska- dal, og ólst þar upp, þar til haust- ið 1882, að hann fór á Möðruvalla- skólann; en sökum þess að piltar gerðu sam- tök um að koma ekki í skólann árið eftir, vegna óánægju við bóndann a Möðruvöllum út af fæðissölunni, þá var hann þar ekki nema 1 vetur. Árið 1883 fór Stefán á búnaðarskólann á Eið- um, og útskrifaðist þaðan vorið 1885. Árið 1890 giftist hann eftirlifandi konu sinni, Bagnheiði dóttur sira Daviðs prófasts og danne- brogsmanns Guðmundssonar á Hofi í Hörgár- dal, og Sigríðar Ólafsdóttur Briem, og byrjaði þá strax búskap í Fagraskógi, er hann hafði þá keypt, og bjó þar alt af síðan mesta rausnarbúi til dauðadags. Hann var framúrskarandi dugn- aðar- og atorku-maður, og ber F'agriskógur vel vitni þess; hann sljettaði svo að segja alt túnið, stækkaði það einnig mikið og girti, svo að nú gef- ur það 3—4 sinnum meiri töðu af sjer en þeg- ar hann byrjaði búskap þar. Það er gamalt orðtak, að húsbóndinn geri garðinn frægan, og svo var það hjer. En hvar Stefán Baldvin Stefánsson. sem maður sjer prýðisheimili, á konan óefað mikinn þátt í því, og sannast það í Fagraskógi. Húsmóðirin þar er ágætiskona, og hefur verið manni sínum samhent í öllu því, er gerði heim- ili þeirra að sæmdarheimili; enda taldi Stefán sál. það sitt mesta gæfuspor, þegar hann fjekk Bngnheiðar fyiir konu. Hann reyndist henni líka ágætur eiginmaður, og börnum sínum besti faðir, og kostaði miklu til uppeldis þeirra og menn- ingar. Og þó að Fagriskógur sje í þjóðbraut, og heimilið nafntogað fyrir gestrisni við alla undan- tekningarlaust, þá bjó Stefán altaf við góð efni. Öll fram- koma húsráðend- anna var svo á- kjósanleg, að allir vildu koma að Fagraskógi. Þau hjón eign- uðust 7 börn, sem öll eru á lifi. Elst er Þóra, gift Árna Jónssyni útvegs- bónda á Hjalteyri, Sigríður, heima í Fagraskógi hjá móður sinni, Guð- rún, Davíð skáld og bókavörður á Akureyri, Stefán cand. jur. bóndi í Fagraskógi, Valgarður, á skrif- stofu Eimskipafjel. íslands, Valdimar, nú i öðr- um bekk gagnfræðaskólans á Akureyri. Öll mjög vel gefin og mannvænleg börn. Svo mátti heita að Stefán sál. væri sístarfandi fyrir aðra, því fjöldamargir komu heim til hans með vandamál sín, og fengu þá góð ráð og hjálp eftir því sem við átti og hægt var, og fjöldamörg opinber störf hafði hann á hendi um æfina. Þingmaður var hann 1901—1902 og svo aftur 1905, og altaf siðan til haustsins 1923. — Að hann fjell við þær kosningar má fremur telja tilviljun eina, því honum voru greidd fleiri atkvæði en keppinaut hans, en hin svokölluðu ógildu atkvæði voru honum dæmd svo mörg, að hann fjell þess vegna. Hann var vinsæll þingmaður, og hjeraðsbúar hans vissu að þeir máttu vel treysta á góðan framgang þeirra mála, er hann tók að sjer að flyfja á alþingi, og var það mjög á orði haft, Ragnheiður Davíðsdóttir.

x

Óðinn

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Óðinn
https://timarit.is/publication/205

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.