Tímarit Hins íslenzka bókmentafélags - 01.01.1899, Qupperneq 67

67
skjöl og alt lauslegt, er hann hafði raeðferðis. Aður
gengið var til rekkju um kvöldið, svifti hann Pál
öllum klæðura hans nema skyrtunni einni og lét
hann kúra þar í böndum um nóttina. Morguninn
eftir lagði Gottrup á stað norður tiJ Þingeyra og
hafði Pál með sér. Hélt hann honum þar í varð-
haldi til 18. jan. um veturinn. Gottrup bauðst til
að gefa hann lausan móti tryggingu, en Páll neitaði
því stöðugt, þótt hann yndi illa vistinni. Loks hót-
aði Gottrup að setja hann í járn til að sjá, hvort
hann ekki m^ktist. Tók Páll þá loks að linast og
lét til leiðast að setja honum 10 hndr. í óðalsjörö
sinni Flatey sem veð, og var hann nú látinn laus.1
Þegar Páll var sloppinn úr varðhaldinu, var það
hans fyrsta verk að kæra þetta fyrir amtmanni og
biðja hann að skipa sér dómara í málinu. Skipaði
amtmaður til þess Orm Daðason sýslumann. Málið
kom fyrir réttinn á Staðarbakka sumarið 1724 á-
samt málum þeirra Odds og Gottrups, en bæði var
það að vitnin mættu ekki og svo hitt að tírainn
varð of naumur. Var þvi þá frestað til 4. ág. s. á.
Þegar til réttarhaldsins kom, vantaði sjáltan dómar-
ann og hafði hann engin forföll boðað og engar ráð-
stafanir gjört til undirbúnings málinu. Þrátt fyrir
þetta voru þeir báðir Páll og Gottrup áfram um
að leiða misklfðina til lykta með sér þá þegar,
Páll af því að hann var óvanur málaferl-
um og var farinn að linast i sókninni, en
Gottrup af því hann af auðskildum ástæðum kærði
sig ekki um að láta málið fara lengra. Gjörðu þeir
sætt með' sér í krambúðinni í Stykkishólmi á þann
veg, að Páll skyldi sýkn af öllum ákærum Gottrups
Stiftsskjalasafn A 68 y.
5*