Tímarit Hins íslenzka bókmentafélags - 01.01.1899, Side 95

95
orðið að bíða svo lengi eftir hæstaréttardómnum að
öll skip voru farin áður hann var ferðbúinn. Sat
hann i Kaupmannahöfn til vors 1731 en tók sér þá
far til íslands. Þóttist hann nú heldur en ekki
hreykinn og var ekki lengur hræddur við að líta
framan í náungann. Fór hann þess þegar á leit
við amtmann að hann skipaði einhvern óvilhallan
mann til að fást við niðurjöfnunina á reikningunum.
Varð amtmaður við beiðni hans og skipaði 30. júlí
Steindór Helgason sýslumann í Hnappadalssýslu til
að halda þing og taka þingvitni til framkvæmdar
hæstaréttardómnum. Stefndi Oddur Gottrup til þings
að Laugabrekku í Breiðavikurhreppi 24. ágúst.
Þegar á þingið kora lagði Oddur fram skýrslu
um fiskibáta þá, er Gottrup hafði gjört upptæka
fyrir honum i Breiðavíkurhreppi, og aðra um afla
þann, er á bátana hafði komið frá upptektardegin-
um. Gottrup aftur á móti lagði fram reikning að
upphæð 449 rd. og kvað það enn vanta upp á til
fullnustu hæstaréttardómnum frá 23. apríl 1727. Enn
fremur þóttist Gottrup hafa fulla ástæðu til að hrinda
Steindóri Helgasyni sem dómara i málinu og bar
það fyrir að Steindór hef'ði verið við það riðinn og
mætti því ekki teljast óvilhallur maður eins og á-
skilið væri í hæstaréttardómnum. Þar til svaraði
Steindór að hann hefði í hyggju að fullnægja skip
un amtroanns að svo miklu leyti er snerti þingvitn-
istökuna um fiskiaflann o. fl. þess háttar, en að
hann alls ekki ætlaði sér að kveða upp neinn dóm
í málinu. Að því er snerti kröfu Gottrups um
eftirstöðvar sektanna frá 1727, hélt Oddur því fram
að full trygging væri sett fyrir því fé og yrði hann
að láta sér nægja með það. Gottrup var ekki ófús
til einhvers samkomulags og gaf sig á tal við Odd