Eimreiðin - 01.01.1919, Blaðsíða 2
2
[EIMHEIÐIN
Skifting láðs og lagar.
Vér könnumst öll við frásögn biblíunnar um það,
hvernig lönd og höf urðu til: »Guð sagði: Safnist vötnin
undir himninum í einn stað, svo að þurlendið sjáist. Og
það varð svo. Og guð kallaði þurlendið jörð, en safn
vatnanna kallaði hann sjó«. Það var eigi kyn þótt menn
rækju fljótt augun í þessa miklu skiftingu á yfirborði
jarðarinnar, því að fátt mun hafa meiri þýðingu fyrir
mennina og grípa óþyrmilegar inn i alla rás mannkyns-
ævinnar, en þessi skifting og það hvernig hún er. Hugs-
um oss t. d. að öllu þurlendi á jörðunni væri skipað í
samfellu á og umhverfis annað heimskautið. Menn geta
spurt, hvort nokkurt mannkyn hefði þá nokkru sinni
orðið til. Þurlendið er bústaður mannanna og heimkynni
flests þess, er þeir við þurfa, og skipulag þess er því ein
megin-undirstaðan undir öllum lifskjörum þeirra.
En hvernig hefir nú þessi skifting orðið? Hvaða öfl
voru það, sem störfuðu að því, að reisa þennan grund-
völl, vísast miljónum ára áður en menn tóku að byggja
þessa jörð?
Hugsum oss nú, að vér höfum fyrir oss jarðlikan og
virðum þessa skiftingu fyrir oss. Það fyrsta, sem vér
tökum þá eftir, er það, hve miklu stærri flöt höfin þekja
en löndin. Fimm sjöundu hlutar af yfirborði jarðarinnar
eru þaktir hafi, en löndin eru aðeins tveir sjöundu.
Ef vér svo athugum nánar skiftingu þessa, þá gæti fyrst
litið svo út, sem Iöndunum væri dreift af handa hófi um
hnöttinn. En vér munum þó fljótt geta fundið, að svo er
ekki með öllu. í allri óreglunni er ýmislegt, sem bendir á,
að lönd og höf muni þó hafa skiftst eftir einhverri reglu.
Fyrst sjáum vér, að miklu meira er af löndum á
norður-helmingi jarðar. Suður-helmingurinn sýnist vera
nálega eingöngu úthaf.
Pá veitum vér því eftirtekt, að löndin eru furðu mörg
með þríhyrningslögun. Að vísu eru þessir þríhyrningar