Eimreiðin - 01.01.1919, Blaðsíða 30
30 TÖFRATHÚ OG GALDRAOFSÓKNIR [eimheiðin
fjöll, runna og engjar. Þeir gagnsýra frumefnin og eru
alstaðar.
»Aðalorustan er um mennina, og þeirra kjör verða því
bágborin. — — — Að vísu á hver maður frá barnæsku
sinn verndarengil, en hvernig á að þekkja hans bendingar
frá bendingum hins illa? Lucifer getur breytt sér í líki
ljósengils, og árar hans geta talað með þeirri rödd er
líkist rödd guðs og samviskunnar. Viljinn getur eigi staðist
þessar freistingar, því við syndafallið misti hann kraft
sinn. Skynsemin getur ekki leiðbeint; syndafallið hefir
dregið yfir hana hulu, og spilt henni svo að hún er nú
orðin að verkfæri Satans til þess að búa til villukenningar
og skaðræði. — — — Er þá nokkurt undur þó að mað-
urinn, sem upphaflega er getinn í synd, endi eftir dauðann
í eilífri fyrirdæmingu i helvíti? —---
»Lucifer sýnist veita betur. Ríki hans eykst. Og menn-
irnir geta þó ekki kvartað. Því að líti maðurinn inn í
sál sér, sér hann þar syndadjúp, sem er jafn hyldjúpt eina
og hegningin. Heimsrásin er að visu hörð, en hún ber
þó merki hinnar eilífu réttvísi.
»Þvi er það af einskærri náð, að guð ákvarðar að end-
urleysa mennina. Guð útvelur Gyðingaþjóðina, lætur son
sinn frjálsan ganga í dauðann á krossinum fyrir syndir
mannanna. Og á þessum grundvelli rís upp hin kristna
kirkja og breiðist út um löndin. Aður höfðu djöflar,.
heiðnu guðirnir, átt sín musteri, myndir óg ölturu. Kirkj-
an er sá töfrahringur, sem einn getur veilt skjól. Utaiv
þess hrings er sáluhjálp ómöguleg. (Exlra ecclesiam nulla
salus)«.
Svo kemur löng lýsing á baráttunni milli kirkjunnar og
riki Satans, sem hér má að eins drepa á. í kirkjunni
framber presturinn daglega fórn Krists fyrir lýðinn. Ein-
staka menn lifa svo guðhræddu lífi, að góðverk þeirra
safnast í sjóð, sem kirkjan á. Kirkjan verður á þennan
hált svo voldug, að mennirnir geta andað rólegar. Hún
getur verndað þá. Daglegt líf manna getur gengið sinn
gang og menn notið lífsins, án þess að ganga með liinn
sífelda ótta við djöfulinn, því að menn vita, að í kirkj-