BFÖ-blaðið - 01.03.1967, Síða 19
hjóla, sem hemlast (4 við fóthemlun,
2 við hreyfilhemlun) skipting bíl-
þungans á hjólin, barðar, vegur, halli
vegar, gerð hemla og vöndugleiki,
ásamt ýmsu fleiru, svo sem hinni svo
nefndu „fading".
Sé hraði aukinn um helminng (mið-
að við sömu aðstæður), fjórfaldast
hemlunarvegalengdin. Sé hann bre-
faldaður, nífaldast hemlunarvegalengd-
in. Eins verðum við að vera vakandi
yfir því, hve slæmt viðnám barða við
veg, svo sem á hálum vegi, eykur heml-
unarvegalengdina. Er þetta sérstaklega
áberandi, er viðnám er orðið mjög lít-
ið, t.d. 0,2 eða 0,1. Jafnvel þó við með
negldum snjóbörðum getum aukið
verulega viðnámið á ísvegi, er bó sú
hemlunarvegalengd miklu lengri en á
sumarvegi.
Ökumenn: forðizt hraðan akstur á
hálum vegum. Gerið ykkur grein fyrir
því, að hálka getur líka myndast á veg-
um að sumarlagi, t.d. blautu malbiki.
Hugsaðu um bílinn þinn.
(Örfá atriði í stuttu máli.)
1. Hafðu hemlabúnaðinn í lagi.
Hemlar, sem taka verulega misjafnt í,
eru hættulegir. Láttu athuga þá af fag-
mönnum a.m.k. á hverju hausti. Góðir
hemlar eiga að taka mjúkt í við litla
hemlun.
2. Gáðu að höggdeyfunum. Þeir eru
ekki bara til að gera aksturinn þægi-
legri. Bilaðir, eða ónýtir höggdeyfar,
valda því að bíll verður laus á vegi,
liggur illa. Bíll, sem farinn er að
„svífa", er hættulegur. Að auki eru
fjaðrirnar í hættu.
3. Láttu stilla hjólin, caster, camber og
toe in. Það er illt að aka bíl, sem er
með alla hjólastillingu úr lagi. I.ika
er mjög gott að láta „afballansera"
hjól. Slæm hjólastilling kemur fram á
börðunum. Líttu á þá við og við. I.eud-
irðu hart utan í gangstéttarbrún rneð
framhjól, þá farðu á verkstæði með
bílinn, a.m.k. ef þú finnur breytingu
á honum á eftir.
4. Hlaup í stýri má ekki fara tram úr
ca. 3 sm.
5. Gáðu að ökuljósunum, að þau séu
eðlilega björt. Perur slitna, leiðslur
fara að leiða verr. Perur loga ekki vel
meira en ca. 200 tíma. Eftir það fara
þær að dofna og eyða meiri straum.
6. Gáðu vel að því að eiturloft (kolsýr-
ingur) komist ekki inn í bílinn. Gáðu
vel að „púströri" og hljóðdunk. Hætt-
an er mest á vetrum, er mikið er ekið
með lokaða glugga. Loftaðu strax
vel út, ef þú eða farþegar þínir fara að
kenna höfuðverkjar, og láttu athuga
bílinn.
7. Fáðu þér öryggisólar í bílinn.
Þær hafa bjargað mörgum frá örorka
og dauða. Notaðu þær.
8. Gáðu vel að móðunni, sem vill 'Otj-
ast innan á bílrúður, einkum í rign-
ingu og þoku. Það verður að hafa loft-
ræstinguna í bílnum í lagi, opna
glugga. Raki í bíl skemmir áklæði og
veldur ryði í boddíi. Notaðu frost- og
móðueyðandi vökva á vetrum.
9. Mundu að handhemillinn getur fros-
ið fastur. Það getur verið rétt að leggja
bíl þannig, að ekki þurfi að setja hann
á í miklum kuldum. Leggðu bílnum
aldrei í poll. Barðarnir geta frosið fast-
ir við veginn.
10. Aktu yfirleitt á vetrum með mikið
á benzíngeymi. Hægt er líka að nota
frostvara á geymi og einnig á rúðu-
sprautur.
BFÖ-BLAÐIÐ
19