Dagblaðið Vísir - DV - 07.12.1984, Síða 31

DV. FÖSTUDAGUR 7. DESEMBER1984.
Nýjar bækur
Nýjar bækur
Nýjar bækur
Sœmundur Guðvinsson
HÆTTUFLUG. .
Sannar spennusögur af þolraunum
íslenskra flugstjóra.
Hættuflug ... heitir bók eftir
Sæmund Guövinsson sem bókaútgáf-
an VAKA hefur gefið út. I bókinni segir
frá ævintýrum og tvísýnum þolraunum
á starfsferli sjö reyndra íslenskra flug-
stjóra.
íslenskir flugmenn hafa á liönum
árum lent í margvíslegum ævintýrum í
háloftunum og oft komist í hann
krappan. Fæstar þessara þolrauna
hafa verið á vitorði almennings, en nú
gefst fólki kostur á að fylgjast með
spennandi andartökum þar sem lítið
eða ekkert má bregöa út af.
Á kápu bókarinnar Hættuflugs segir
meðal annars: Sæmundur Guðvins-
son segir þessar sönnu sögur í þessari
nýstárlegu bók. Stíll hans er hlaöinn
spennu og slær á efnið ævintýralegum
blæ. Byggt er á upplýsingum frá þeim
sem koma við sögu og ýmsum öðrum
traustum heimildum.
Lesendur fylgjast meöal annars
með hættuflugi yfir Rotterdam á vél
með bilaöa hreyfla, annarri sem lend-
ir í helgreipum ísingar á norður-
slóðum, stefnumótum flugstjóra við
fljúgandi furðuhluti. og áhöfn sem
lendir í skotárás á Uga-flugvelli í
Biafra.
Þessir flugstjórar eru aðal-
söguhetjur í bókinni Hættuflug: Björn
Guömundsson, Þorsteinn Jónsson,
Jóhannes Markússon, Anton Axelsson,
Ingimar K. Sveinbjörnsson, Arni
Yngvason og Höröur Sigurjónsson.
Bókin Hættuflug. .. er sett, prentuð
og bundin hjá Eddu hf. en kápan er
prentuð í Prentsmiðjunni Rún sf.
HERMANN GUNNARSSON OG
ÓSKAR INGIMARSSON
1000 SPURN-
INGAR OG
SVÖR
ÓSKAR INGIMARSSON
OG HERMANN GUNNARSSON
r
SPORNINGAR
CGSVÖR
FYRIR ALLA FJÖLSKYLDUNA
Við Islendingar erum taldir forvitn-
ari um menn og málefni en almennt
gerist. Spurningakeppni af ýmsu tagi
hefur t.d. verið mjög vinsæl í sjónvarpi
og útvarpi. En einnig í heimahúsum og
á skemmtunum hefur fólk iðkað spurn-
ingaleiki og haft mikið gaman af.
Og nú hefur Setberg gefið út bókina
„1000 spurningar og svör” eftir Her-
mann Gunnarsson og Oskar Ingimars-
son. Hér er að finna fjörugar og fræð-
andi spurningar úr öllum áttum, létt-
ar, þyngri, heillandi, spennandi.og
aftast í bókinni má svo finna öll svörin.
Bókin skiptist í 29 kafla og skulu hér
nefnd nokkur dæmi um kaflaheiti':
Mannslíkamainn — Iþróttir — Landið
okkar — Kvikmyndir og ieiklist —
Málið okkar — Peningar — Rétt eöa
rangt — Poppheimurinn — Föt og tíska
— Islandssaga — Tölvur og reikni-
dæmi — Ég spyr, þú svarar — Tímatal
og merkisdagar — Utvarp og sjón-
varp.
I hverjum kafla eru að meðaltali 35
spurningar. Höfundarnir, Oskar Ingi-
marsson og Hemmi Gunn., segja m.a.
umbókina:
„Þessi bók er tekin saman með það í
huga að skemmta jafnt og fræða og
gefa fólki kost á að spyrja og svara við
öll möguleg tækifæri. Hún getur veriö
handhæg jafnt í afmælisveislum, á
stórhátíðum eða í sumarleyfinu, eða
bara á ósköp venjulegum virkum degi
þegar menn langar til aö breyta eitt-
hvað til.
Bókin „1000 spurningar og svör” er
144 blaðsíöur og myndskreytingar
Harðar Haraldssonar létta lundina. Þá
eru líka í bókinni margar felumyndir
sem æfa augað.
Og þá er bara aö byrja að spyrja.
KARL SIGURBJÖRNSSON
HVAÐÁ
BARNIÐ AÐ
HEITA?
Setberg hefur gefið út bókina „Hvað
á barnið að heita?” eftir séra Karl
Sigurbjörnsson. I bókinni er aö finna
1500 stúlkna- og drengjanöfn með
skýringum.
Enga gjöf gefum viö börnum okkar,
sem er varanlegri en nafnið. Það fylgir
einstaklingnum frá vöggu til grafar og
svo lengi sem hans er minnst.
Hvað á barnið að heita? er spurning
sem allir verðandi foreldrar velta fyrir
sér meðan beðið er komu hins nýja
einstaklings, og komast ekki hjá því að
svara, þegar hann er í heiminn
kominn. Þessi bók er ætluð til aðstoðar
foreldrum við val á nafni handa
börnum sínum. Og eins og fyrr segir er
birt skrá yfir 1500 íslensk mannanöfn
og gerð grein fyrir merkingu þeirra
eftir því sem unnt er. Mörg nafnanna
hafa Islendingar borið svo lengi sem
byggð hefur verið í landi. önnur eru
tilkomin í nútímanum. Ætti hér að vera
að finna allflest nöfn sem notuð eru
um þessar mundir og nothæf mega
teljast.
I bókinni er einnig fjallað um lög,
reglur og siövenjur sem varða nafn-
gjöf og skírn í íslensku þjóðfélagi og
tíndur til margvíslegur fróðleikur úr
nafnasögunni.
„Hvað á bamiö að heita?” er 120
blaðsíður, prýdd fjölmörgum teikn-
ingum og ljósmyndum. Bókin er
prentuð í Prisma, bundin í Arnarfelli,
en hlífðarkápu gerði Auglýsingastofan
hf.
GEORGETTE HEYER
Á VALDIAUÐS
OG ÁSTAR
Enska skáldkonan Georgette Heyer
hefur um langt skeið verið einn al-
vinsælasti höfundur skemmtisagna
víða um lönd. Nú hefur bókaforlagið
Vaka sent frá sér fyrstu bókina eftir
hana sem út kemur í íslenskri þýðingu.
Á valdi auðs og ástar er dæmigerð
fjrir metsölubaácur Georgette Heyer:
Spennandi söguþráður, lifandi per-
sónur, heitar tilfinningar og ljúf
rómantík. Og ekki má gleyma því að
stíllinn leiftrar af kímni sem gerir and-
rúmsloft sögunnar einkar notalegt.
Hér gefst lesandanum tækifæri til
þess að hverfa frá ys og þys nútímans
inn í glæsiveröld liðinnar tíðar, — en
fólkið sjálft er ekki framandi, því
mannlegt eðli breytist ekki.
Á bókarkápu er vitnað í ummæli
ýmissa heimskunnra blaða og tímarita
um rithöfundinn Georgette Heyer.
Gagnrýnandi Time Magazine sagði:
„Þegar þú velur Georgette Heyer
kaupiröu ekki aðeins bók, heldur sér-
staka veröld. Þar er líklegt að þú setj-
ist að til langframa.” 1 Sunday Times
stóð meðal annars: „Það sem sögur
Georgette Heyer hafa umfram ástar-
sögur annarra þekkra höfunda er stíl-
snilldin, gamansemin og skýrar
myndir af mannlegum söguhetjum.”
Gagnrýnandi Newsweek hafði þetta að
segja: „Bækur Georgette Heyer verða
alltaf metsölubækur og eiga það fylli-
lega skilið.” Á valdi auðs og ástar er
bók sem unnendur spennandi,
rómantískra og skemmtilegra sagna
ættu ekki að láta fara fram hjá sér.
Á valdi auðs og ástar er um 240
blaðsíður. Ásgeir Ingólfsson þýddi bók-
ina á íslensku. Prentstofa G. Benedikt-
sonar sá um setningu og prentun, en
bókin er bundin hiá Amar-Bergi hf.
i>—---.....
HEIMILDARÞÆTTIR FRÁ
MILLISTRÍÐSÁRUNUM EFTIR
ELÍAS SNÆLAND JÖNSSON
ALDARSPEGILL
Aldarspegill heitir bók sem Vaka
hefur gefiö út. Höfundur er Elías Snæ-
land Jónsson og er þetta fyrsta bók
hans, en Elías hefur árum saman
stundað ritstörf og fjölmiðlun af ýmsu
tagi.
A bókarkápu segir meðal annars:
Þegar litið er í spegil þessarar aldar
blasa við örlagaríkir atburðir og ólg-
andi mannlíf. Þetta á ekki síst við um
fyrri helming aldarinnar. Að því tíma-
bili er sjónum beint í þessari bók eins
og undirtitill hennar sýnir: Atök milli
stríða.
Elías Snæland Jónsson, fyrrum rit-
stjóri Tímans og núverandi aðstoðar-
ritstjóri Dagblaðsins Vísis hefur hér
skráð stórfróðlega og nýstárlega heim-
ildaþætti um íslenskt mannlíf og eftir-
minnilega atburöi. Hann reisir frásögn
sína á traustum sögulegum grunni og
ítarlegri könnun viðamikilla heimilda,
þar á meöal má nefna réttarskjöl og
dómabækur, dagblöð og timarit, og
samtöl við þá, sem tengdust þessum
atburðum á sínum tíma. Ennfremur
segir í forlagskynningu Vöku: Elías
vinnur vísindalega úr heimildum,
gefur lesandanum glögga og litríka
mynd af átökum og örlögum fólks á
liðnum árum. Hann beitir áralangri
reynslu sinni við ritstörf til þess að
færa efnið í listrænan og einkar læsi-
legan búning, með léttum undirtón þar
semviðá.
Hér gefst ungum sem öldnum
kostur á að bregða upp aldarspegli og
skyggnast um öxl.
I Aldarspegli eru fjórir ítarlegir
heimildarþættir sem bera þessi heiti:
Evangelíum mannhatursins: Slagur-
inn um hakakrossinn, Andalæknar á
sakborningabekk: Ég gef þér straum í
Jesú nafni, Stórsmyglarar á bannár-
unum: Færandi spírann heim, og
Halastjarnan á bolsahimninum:
Hannibal handtekinn í Bolungarvík.
Aldarspegill — Átök milli stríða er
224 blaðsíöur. Mynd á kápu gerði
Olafur Pétursson teiknari. Bókin er
sett í Prenttækni og Rún sf., filmuunn-
in og prentuð í Prenttækni og bundin í
Bókfellihf.
OPINN
KYNNINGARFUNDUR
AA DEILDANNA í REYKJAVÍK
VERÐUR HALDINN í
HÁSKÓLABÍÓI LAUGARDAGINN
8. DESEMBER KL.14
ALLIR VELKOMNIR
Styrkir til háskólanáms
í Finnlandi,
Hollandi og Svíþjóð
1. Finnsk stjórnvöld bjóða fram styrk handa Islendingi til há-
skólanáms eða rannsóknarstarfa í Finnlandi námsárið 1985—
86. Styrkurinn er veittur til níu mánaða dvalar og styrkfjár-
hæðin er 1.300,- —1.700,- finnsk mörk á mánuði.
2. Hollensk stjórnvöld bjóða fram tvo styrki handa Islending-
um til háskólanáms í Hollandi skólaárið 1985—86. Styrkirnir
eru einkum ætlaðir stúdentdm sem komnir eru nokkuð áleiöis
í háskólanámi eða kandídötum til framhaldsnáms. Nám við
listaháskóla eða tónlistarháskóla er styrkhæft til jafns við al-
mennt háskólanám. Styrkfjárhæð er 1.100 fls. á mánuði í 9
mánuði.
3. Sænsk stjórnvöld bjóða fram styrk handa Islendingi til há-
skólanáms í Svíþjóð námsárið 1985—86. Styrkfjárhæð er 3.270
s.kr. á mánuði í 8 mánuöi. — Jafnframt bjóða sænsk stjórn-
völd fram þrjá styrki handa Islendingum til vísindalegs sér-
náms í Svíþjóð á háskólaárinu 1985—86. Styrkirnir eru til 8
mánaða dvalar, en skipting í styrki til skemmri tíma kemur
einnig til greina. — Ennfremur gefst íslenskum námsmönnum
kostur á að sækja um styrki þá, er sænsk stjórnvöld bjóða
fram í löndum þeim, sem aðild eiga að Evrópuráðinu, en þeir
styrkir eru eingöngu ætlaðir til framhaldsnáms við háskóla.
Umsóknum um framangreinda styrki skal komið til mennta-
málaráðuneytisins, Hverfisgötu 6, 101 Reykjavík, fyrir 15.
janúar nk., og fylgi staðfest afrit prófskírteina ásamt með-
mælum. — Sérstök umsóknareyðublöð fást í ráðuneytinu.
Menntamálaráðuneytið
30. nóvember 1984.