Dagblaðið Vísir - DV - 20.06.1985, Blaðsíða 18
18
DV. FIMMTUDAGUR 20. JUNI1985.
Viðskipti
Viðskipti
Viðskipti
Viðskipti
Ævintýrin gerast enn:
Rétt þrítugir og
eiga þrjá togara
— „Blundaði alltaf í okkur að verða skipstjórar og
útgerðarmenn,” segir Þorsteinn Vilhelmsson
m
Þeir eru 33, 32 og 30 ára og eiga þrjá
skuttogara. Þann fyrsta eignuðust þeir
fyrir tveimur árum og síðan bættust
tveir við í flotann í síöustu viku.
Skemmtileg og ótrúleg framtakssemi.
Auðvitaö erum við að tala um at-
hafnamennina á Akureyri, bræðuma
Þorstein og Kristján Vilhelmssyni og
frænda þeirra Þorstein Má Baldvins-
son. Þetta eru þeir Samherjamenn
sem keyptu Bæjarútgerð Hafnarfjarð-
ar ásamt Hagvirkismönnum.
„Eosaleg tilfinning,
lygileg”
Og hvemig er það svo aö vera 33 ára og
eiga þrjá skuttogara? „Það er út af fyrir
sig rosaleg tilfinning, lygileg,” sagði Þor-
steinn Vilhelmsson skipstjórL
Við náðum tali af honum er hann var
að vinna í öðm nýju skipanna, togaran-
um Maí, í Hafnarfjarðarhöfn. Krist-
ján bróðir hans var úti í Þýskalandi
og Þorsteinn Már farinn norður til
Akureyrar.
„Ég byrjaði 16 ára sem háseti á
gamla Harðbak, það var síðutogari.
Frá því þá hef ég alltaf veriö á togur-
um,” sagði Þorsteinn er við inntum
hann eftir ferlinum.
Hann er sonur Vilhelms Þorsteins-
sonar, forstjóra Utgerðarfélags Akur-
eyringa, UA. Faðirinn var jú skipstjóri
hér í denn og það var tvíburabróðir
hans líka, Baldvin Þoreteinsson. Bald-
vin var lengst af með Súluna.
Og það er einmitt Baldvin sem er
faðir Þoreteins Más, meðeiganda
þeirra Vilhelmssona. Sannarlega út-
gerðarætt. En áfram með rabbið við
Þorstein.
Blundaði alltaf í
okkur að verða
útgerðarmenn
„Það blundaði alltaf í okkur strákun-
um að verða skipstjórar og útgerðar-
menn.” — Draumurinn heldur betur
að rætast? ,,Já, en það er mikið verk
framundan með Apríl og Maí, það þarf
aölagfæraskipin.”
Togarinn, sem þeir frændur keyptu fyr-
ir um tveimur árum, var Guðsteinn frá
HafnarfirðL Sjáum hvemig þau kaup bar
að.
„Þorsteinn Már á nú hvað mestan
þátt í því hvemig til hefur tekist. Hann
var sem unglingur sjómaöur eins og
við bræðurnir, var bæði á togurum og
nótaskipum. En hann lagði sjómennsk-
una þó ekki fyrir sig heldur hélt út til
Noregs í skipa verkfræði.
Eftir að heim kom vann hann hjá
skipasmíöastöðinni í Njarövíkum. Er
viö ræddum saman frændurnir hafði
Þoreteinn oft á orði að hann æki marg-
sinnis framhjá togaranum Guösteini
þar sem hann lægi í reiðileysi í Hafnar-
fjarðarhöfn.
Þorsteinn hafði áhuga á skipinu og
áhugi okkar bræöranna var einnig
vaknaður. Það var því ákveöið að
bjóöa í skipið.
Fengum skipið vegna þess
að enginn vildi kaupa það
Viö áttum náttúrlega enga peninga
eins og gengur og heföum aldrei fengið
skipið nema vegna þess að þaö vildi
enginn kaupa það. Nú ganga svona
skip hins vegar á góðu verði, eru í
rauninni alitof dýr.”
Gefum Þorsteini Viihjálmssyni áfram
orðið, þeir frændur keyptu nefnilega
ekki aðeins Guðstein. „Við keyptum
allt fyrirtækið Samherja hf. eins og
það lagði sig, með ketti og mús.”
— Hvar fenguð þið peninga?
„Nú, það var ekki annað að gera en
að verða sér úti um lán og fyrir-
greiðslu, það gerðum við.”
Skipiö ekki bilað
— Þið keyptuð fyrirtækið Samherja í
Hafnarfiröi eins og það lagði sig—þið haf-
ið verið heppnir, er það ekki?
„Jú, ég get ekki neitað því, útgerðin
hefur gengið ágætlega hjá okkur og
skipið ekki bilað. Þaö er fyrir mestu.”
Þorsteinn sagði að upphaflega hefði
ætlunin verið að reka Guðstein, sem
reyndar heitir nú Akureyrin, sem ís-
fisktogara. „Viö hættum við það og
breyttum skipinu í frystitogara.”
Aðeins 26 ára var Þorsteinn kominn í
brúna á togurum Utgerðarfélags Akur-
eyringa, sagöur mikil aflakló. Nú orð-
Þorsteinn Vilhelmsson, 33 ára Akureyringur og fengsæll skipstjóri. Hann er
einn af Samherjamönnum, þeir eiga nú þrjá togara. Geri aflrir ungir menn
betur? DV-myndVHV.
Frá öðrum stjórnarfundi Hvaleyrar hf., tveimur klukkustundum áflur en skrifað var undir kaupsamning-
inn á Bæjarútgerfl Hafnarfjarðar. Talið frá vinstri: Þorsteinn Vilhelmsson, 33 ára, Þorsteinn Már Baldvins-
son, 32 ára, Jóhann Bergþórsson stjórnarformaflur, Jón S. Friðjónsson og Aðalsteinn Hallgrímsson.
DV-mynd GVA
inn útgerðarmaður lika. Kannski er
rangt að segja„nú”.
Eignaðist hluta í
trillu 9 ára gamall
Þegar hann var 9 ára fór hann meö
föður sínum til Hríseyjar á síld. Þaö
sumariö var togaraverkfall þannig að
einhvern veginn urðu sjómenn að
bjarga sér, draga björg í bú.
„Sumarkaupið mitt þarna var þrjú
þúsund krónur og það fór í trillu sem
við feðgarnir keyptum. Trillan hét
Edda.”
Bankastjórinn sagði nei
Þrátt fyrir ungan aldur var áhuginn
á bátum og útgerð ekki fyrir bí. „Þeg-
ar ég var 12 ára hittum við nokkrir fé-
lagarnir bankastjóra á Akureyri. Við
báðum hann um lán fyrir trilluræksni.
Hann sagði nei og þar með var sá
draumurúti.”
I bili, er okkur heldur betur óhætt að
bæta viö. Því enn gerast ævintýri í við-
skiptaheimi okkar Islendinga, það
sanna þeir frændumir norður á Akur-
eyri. Þeir bera nafnið Samherjar með
rentu.
-JGH
„Hvítt stríð”
í uppsiglingu?
— neytendur einir geta svarað því hvort
Hveitimyllan hertekur íslenska
hveitimarkaðinn, segir framkvæmda-
stjóri Hveitimyllunnar hf.
Hveitimyllan hf. er nýtt athyglisvert
fyrirtæki á Islandi, það er í eigu Dana
og Islendinga. Það er Fóðurblandan
hf. sem á 50% í fyrirtækinu á móti
danska fyrirtækinu Valsemöllen as.
Það var um páskaleytið sem Valse-
möllen as. fékk formlegt leyfi ráðherra
til að eiga í fyrirtækinu hérlendis. Arni
Gunnarsson hagfræðingur er fram-
kvæmdastjóri Fóðurblöndunnar og
hef ur með Hveitimylluna að gera.
„Tilgangur fyrirtækisins er að
framleiða hveiti. Við ætlum okkur að
flytja inn hveitikorn, það verður síðan
malað og hveitið framleitt,” sagði
Árni.
Hann sagði ennfremur að ætlunin
væri að selja hveitið bæði í neytenda-
umbúðum og einnig í Iausu, í bakaríin.
Hörkusamkeppni á
hveitimarkaðnum
Með tilkomu fyrirtækisins stefnir í
hörkusamkeppni á íslenska hveiti-
markaðnum sem er þetta um 11
þúsund tonn á ári, það er neyslan. Og
nú þegar er samkeppnin á milli inn-
f lytjenda mikil.
„Hveiti hérlendis er selt á mjög
misjöfnu verði, vegna samkeppninnar
tel ég að verðið sé nú i lágmarki, að
innflytjendur muni ekki lækka sig
mikiö meira en þeir hafa þegar gert."
— Framleiðsla Hveltimyllunnar hf.
mun anna innanlandsmarkaði þegar
til kemur. Ætla þeir að hertaka
markaðinn?
„Það eru neytendur einir sem geta
svarað því en ég tel ekki nokkurn vafa
Húsakynni Fóflurblöndunnar hf. ■ Sundahöfn. Þar verður verksmiðja
Hveitimyllunnar hf. sem er nýtt danskt-íslenskt fyrirtæki og mun framleifla
hveiti ofan í landsmenn. DV-mynd VHV.
á því að viö verðum mjög samkeppnis-
færir, bæði hvað snertir verð og gæði.
Glænýtthveiti
Hvað gæðin snertir munum við bjóða
upp á glænýtt hveiti, en slíkt hefur ekki
tíðkast hérlendis til þessa. ”
Verksmiðja Hveitimyllunnar verður
inni í Sundahöfn og rekin í nánum
tengslum við Fóðurblönduna.
Verksmiðjustjórinn verður danskur.
Umsjón:
Jon G. Hauksson
Valsemöllen as. hefur sýnt íslenska
markaðnum áhuga í mörg ár og hefur
reynt að komast til Islands fyrr. Nú
hefur það loksins tekist i samvinnu viö
Fóðurblönduna.
10—12 manns hjá
Hveitimyllunni
Arni sagði að með tilkomu fyrir-
tækisins myndi sparast mikill gjald-
eyrir. „Hjá fyrirtækinu koma til með
að starfa þetta 10 til 12 manns að
jafnaði.”
Valsemöllen as. hefur í mörg ár selt
hveiti til Islands. Þaö hefur selt undir
vörumerkinu Finax og hefur hveitið
fengist í Hagkaupi. .jgh
Við minnum á
hagtölumar
Verðbólga
Eftir nýgerða kjarasamninga
VSI og ASI er gert ráð fyrir að
framfærsluvísitalan í júní hækki
um 2% en það þýðir um 27%
verðbólgu á ári. Gert er ráö fýrir
sömu hækkun í júlí. I ágúst reikna
menn með að framfærsluvísitalan
hækki um 1,5% sem þýðir um 20%
verðbóIguáárL
Fjárlög
Aætluð um 25,3 milljarðar á
árinu 1985.
Atvinnuleysi
Atvinnuleysi í fyrra var um 1,3%
en þaö þýddi aö um 1500 manns
voru atvinnulausir að meðaltali á
mánuði. 1 ár er gert ráð fyrir um
eða innan við 1% atvinnuleysi. Það
þýðir að um 1100 til 1200 manns
verða atvinnulausir að meðaltali á
mánuðiþettaárið.
Þjóðartekjurá
mann í dollurum
Island: um 9.000 dollarar.
Bandarikin: um 13.000dollarar.
Nágrannaþjóðir okkar, eins og
Svíþjóð, Noregur, Danmörk, eru
með þjóöartekjur á bilinu 11 til 12
þúsunddollara.