Dagblaðið Vísir - DV - 06.06.1986, Blaðsíða 16

16
DV. FÖSTUDAGUR 6. JÚNÍ 1986.
Spurningin
Lestu mikið af tímaritum?
Gunnar Finnbogason skólastjóri:
Nei, ég er hættur því núna. Ég hef
svo margt annað að gera.
Bjarni Björnsson garðyrkjumaður:
Nei, ég geri ekki mikið að því. Það
er rétt að ég lít einstöku sinnum í
þessi blöð ef ég kemst í þau.
Hjalti Ástbjartsson nemi:
Nei, ég les ekkert af tímaritum. Ég
hef ekki efni á að kaupa þau.
Viktoria Finnbogadóttir húsmóðir:
Nei, ég les lítið af þeim. Þau eru
of dýr til að ég geti keypt þau.
Guðbjörg Hannesdóttir nemi:
Já, dálítið. Ég les aðallega tísku-
blöðin og fæ þau yfirleitt lánuð.
Eyþór Eiðsson sjómaður:
Já, ég les sjávarfréttir og annað
sem ég kemst í þegar ég er úti á sjó.
Lesendur Lesendur Lesendur Lesendur
Ekta flamengo eða ekki?
Þórarinn Sigurbergsson, Unnarstig
2, skrifar:
Ég get ekki látið hjá líða að svara
hinum vægast sagt furðulegu um-
mælum myndlistarmannsins Baltas-
ars um flamengoflokk Javier Agra í
DV 3/6. Öll gagnrýni hans hlýtur að
falla um sjálfa sig hjá okkur sem
sáum sýningar flokksins, bæði í
Broadway og Þjóðleikhúsinu. Þær
voru vel útfærðar þar sem gefin var
mjög góð alhliða mynd af flamengo-
dansi, tónlist og söng. Sérstaklega
minnisstætt er öllum þeim sem sáu
hið stórkostlega samspil gítarleikar-
ans Perico Del Lunar og dansmeyj-
arinnar Rosu Duran í seinni hluta
sýningarinnar. Ég held að sjaldan
hefi sést listflutningur á hærra stigi
hér á landi.
Þennan hluta hefur hæstvirtur
Baltasar reyndar ekki séð þar sem
hann var ekki sendur út í sjónvarp-
inu og gerir sú staðreynd ummæli
hans enn furðulegri en ella. Sérstak-
lega verða flokkanir hans á lista-
fólkinu hjákátlegar (3. flokks
söngvarar o.s.frv.). Því spyr ég „por-
que Baltasar?" Til hvers þessi
ummæli? Ég spyr, því tilgangur
þeirra er ekki augljós. Þetta er ekki
gagmýni hjá þér heldur skítkast.
Þetta hefur ekkert sannleiksgildi og
þjónar engum tilgangi.
Ég skora því á þig að draga um-
mæli þín til baka eða gefa listafólk-
inu kost á að svara fyrir sig, ef það
þá kærir sig um. Heimilisföng þess
getur þú fengið hjá mér. Að lokum
vil ég fara fram á það við DV að
okkur lesendum blaðsins verði ekki
boðið aftur upp á svona skrípamynd
af listgagnrýni sem þessi „frétt“ var.
Baltasar B. Samper myndlistarmað-
ur: Ég vil leiðrétta þann misskilning
að um listagagnrýni hafi verið að
ræða. Ég var einfaldlega spurður um
álit og ég sagði mína skoðun um-
búðalaust. Það hefur hver rétt á
sinni skoðun í þessu sambandi. Ég
stend við þessi ummæli mín.
Ennfremur vil ég vekja athygli á
grein sem Aitor Yraola, lektor í
spænsku við Háskóla íslands, ritaði
um þetta sama málefni. Álit okkar
á þessum flamengoflokki er það
sama.
Flamengoflokkurinn Javier Agra. „Frábært," segir Þórarinn Sigurbergsson.
„Skrípamynd," segir Baltasar.
rasar tvo. Eitt uppahaldslag i stað þriggja?
Rásarspjall
H.S.Á. skrifar:
Mig langar að beina þessum línum
til umsjónarmanna vinsældalista rás-
ar 2.
Það er oft rætt um að ekkert mark
sé takandi á þessum lista og þar er
ég alveg sammála. Það eru sömu lög
á listanum mánuðum saman. Krakk-
amir keppast við að halda sínum
uppáhaldslögum á listanum í von um
að það verði lag ársins. Mín tillaga
er sú að aftur verði tekið upp það form
að nefna eitt uppáhaldslag í stað
þriggja. Þannig geta krakkamir ekki
látið eldgamalt lag flakka því miklu
skemmtilegra er að koma nýjum smelli
á listann. Ég vona að rásarmenn lesi
þessar línur og pæli svolítið i þeim.
Það er óþolandi að hlusta á listann
þegar sömu úreltu lögin hanga þar
mánuðum saman.
Svo Iangar mig líka til að koma inn
á annað viðkvæmt mál hjá rásar-
mönnum. Ef lag birtist í poppkomi,
og er komið á listann skömmu síðar,
þá tala þeir um hve skrýtið það sé að
lagið skuli vera komið á listann. Elsku
rásarmenn, ég hef skýringu á þessu.
Þessi lög hafa einfaldlega ekki heyrst
áður. Einhvem veginn verður að
koma þessum lögum á framfæri. Það
sama gildir um breska listann. Þar er
mikið af nýjum og góðum lögum sem
aldrei heyrast í íslenska útvarpinu.
Fyrir utan þetta þá vil ég láta í ljós
ánægju mína með rásina almennt.
Hún er stórgóð.
Sauðfé sækir í garða
Eydís Egilsdóttir hringdi:
Mig langar að vekja athygli á miklu
ófremdarástandi í Seljahverfinu. í
mörg ár hafa kindur gengið óhindrað
í g£irða hér og eyðilagt gróður. Við
íbúamir héma höfum kvartað við ótal
aðila, borgarstarfsmenn jafnt sem lög-
reglu, en ekkert hefur verið gert.
Svona hefur þetta gengið í nokkur ár.
Nú þykir okkur nóg komið. Við höf-
um verið send hingað og þangað með
kvartanir okkar en enginn virðist vilja
gera neitt í málinu. Hér með vek ég
athygli á þessum vandræðum okkar
ef ske kynni að það yrði til þess að
yfirvöld tækju sig til og gerðu eitthvað
í þessu máli.
Grunaður um lögbrot
Axel Bjarnason, 0892-2691, skrifar:
Lög hafa verið misnotuð gagnvart
mér. Ég tel það skyldu mína að fjalla
opinberlega um þetta mál.
Ég var handtekinn um daginn af
fíkniefhalögreglunni. Ég var settw í
varðhald, gerð á mér líkamsleit og
húsleit gerð heima hjá mér. Allt þetta
var gert þótt lögreglan heföi aðeins
grun um lögbrot. Mér er spum: Hvaða
réttindi hefur einstaklingurinn gagn-
vart svona framkomu? Þetta atvik
hefur haft alvarlegar afleiðingar í för
með sér. Ég er enn grunaður um fíkni-
efnamisferli þrátt fyrir að ekkert hafi
sannast á mig. Fíkniefnalögreglan á
enn sína skýrslu um mig og staða mín
gagnvart þeim hefur ekkert breyst.
Fjölskylda mín og nágrannar líta mig
jafnframt homauga eftir þetta.
Hvað hefur orðið af almennum
mannréttindum í þessu landi? Er mað-
ur ekki saklaus þar til hann hefur
verið dæmdur sekur? Lesandi, gættu
þín, þú verður kannski næstur.
Þrjú hjól
undir bflnum
Gunnar Tómasson, bóndi í
Asparlundi í Biskupstungum,
hringdi:
Ég segi farir mínar ekki sléttar
eftir að hafa rétt bílstjóra nokkr-
um hjálparhönd. Sl. laugardag
kom maður á bæinn til mín með
spmngið dekk. Hafði dekkið
sprungið hjá honum í annað sinn
þennan dag og bað hann um
aðstoð til að komast á verkstæði
í grendinni. Það varð úr að ég
lánaði honum varahjólið mitt
enda var hann á sams konar bíl,
þ.e. Volvo. Síðan leggur þessi
maður af stað á verkstæðið en
hefur ekki sést síðan. Ég hef
hringt um sveitina og spurst fyr-
ir um þennan náunga og bláa
Volvoinn hans en hann hefur
ekki sést nema þennan umrædda
laugardag.
Þessi náungi var feitlaginn, á
að giska 20-30 ára. Volvoinn var
með skíðaboga á toppinum og
Jjar fjögurra stafa R-númer. Ég
skora á þennan mann að gefa sig
fram og skila dekkinu. Ef hann
sér ekki sóma sinn í því þá bið
ég alla sem gætu kannast við
þessa lýsingu að hafa samband
við mig. Þetta er vægast sagt
lúaleg framkoma.
Slæmt símakeifi
Elin Gísladóttir hringdi:
Ég vil hér kvarta undan slæmu
símakerfi í uppsveitum Ámessýslu.
Það tekur allt upp í 10 mínútur að fa
són í símann og þegar maður loksins
getur hringt er alveg undir hælinn
lagt hvort næst í rétt númer. Iðulega
þarf maður að hringja tvisvar til þrisv-
ar sinnum til að ná á réttan stað.
Ekki er svo óalgengt að símtal rofni
í miðjum klíðum.
Þetta er alveg skelfilegt ástand og
ég vil eindregið mælast til þess að
þetta verði lagað hið snarasta. Við svo
búið má ekki standa.

Elín kvartar yfir slæmu símasambandi I Amessýslu.