Dagblaðið Vísir - DV - 21.06.1986, Qupperneq 20
20
DV. LAUGARDAGUR 21. JÚNÍ 1986.
Aldrei vissi ég hvort þessar blóðþrýstingsmælingar á götum úti voru
hluti af heilsubótarherferð eða stöfuöu af húsnæðisskorti hjá læknum.
Allt um það stóðu Pólverjar á öllum aldri i biöröðum til að láta mæla í
sér blóðþrýstinginn.
Það var heldur svona hrörlegt sigaunaband sem ég rakst á i Kraków.
En þeir félagar spiluðu með svo miklum látum að fólk gaf þeim pen-
inga, að þvi er virtist til að losna við þá. Þegar hér var komið sögu
stökk Ijósmyndarinn á flótta þegar argur sígauni krafðist dollara fyrir
myndatökuna.
Svipm.ynd.ir
Pólverjum er ekkert illa við
myndavélar. I síðustu viku dvaldi
undirritaður í Kraków og Varsjá
og tók þá mikinn fjölda mynda,
jafnt af mannfólki sem minnis-
merkjum. Öllum fínnst gaman að
láta mynda börnin sín og ungir,
pólskir foreldrar stilltu upp af-
kvæmum sínum eftir handapat frá
mér, prestar og nunnur brostu
breitt fyrir mig og verkamenn
gerðu hlé á störfum sínum til að
setja sig í réttar stellingar. Allir
voru samvinnuþýðir, nema lögregl-
an og sígaunar.
Lögreglumenn settu upp yggli-
brún þegar ég bað um að fá að
mynda þá, gerðu sig líklega til að
krefja mig um „dokumenty“, og
sígaunar heimtuðu dollara fyrir
myndatöku. Hér á eftir fara nokkr-
ar svipmyndir af mannlífi í Pól-
landi í júní 1986.
-ai
Gamli sorri Gráni er enn meðal þörfustu þjóna Pólverja, jafnt upp til
sveita sem inni I borgum. Margar byggingar í Kraków hafa aldrei náð
sér eftir stríðiö og það kemur i hlut hestanna að flytja þær á brott, stein
fyrir stein.
Við minnismerki frelsishetjunnar Kosciuzsko sötra tveir drengir litað sykurvatn úr plastpokum.