Dagblaðið Vísir - DV - 21.06.1986, Side 24

24
DV. LAUGARDAGUR 21. JÚNÍ 1986.
Sælkerinn Sælkerinn Sælkerinn Sælkerinn
Hvað er
fi allalamb?
Það er jafnan ánægjulegt þegar
nýjar vörutegundir koma á mark-
aðinn. Nýlega var farið að auglýsa
nýja tegund af lambakjöti, „fjalla-
lamb“. Sem kunnugt er er íslenska
lambakjötið sérlega ljúffengt, hið
nýja „fjallalamb" hlýtur að vera
enn betra.
Ekki liggja fyrir neinar upplýs-
ingar um hvort hér sé um að ræða
nýja tegund af sauðfé eða fé sem
er sérstaklega alið. Nú vitum við
að ýmis undur gerast í íslenskri
matvælaframleiðslu, t.d. breytast
Umsjón:
Sigmar B. Hauksson
kýr í naut í sumum sláturhúsum.
Getur verið að sléttulömb breytist
í fjallalömb í sömu sláturhúsum?
Það er nauðsynlegt að neytendur
fái nánari upplýsingar um hið nýja
„fjallalamb" sem ku víst vera villi-
bráð. Er mögulegt að fundist hafi
villtur sauðfjárstofn hér á landi?
Ef svo er þá er það stórfrétt. Varla
getur þetta verið einhver auglýs-
ingabrella? Já, það eru margar
spurningar sem vakna í þessu sam-
bandi og vonandi fæst svar við
þeim sem fyrst.
Eins og áður sagði er íslenska
lambakjötið frábær vara, best er
það af nýslátruðu, þess vegna væri
gaman að vita hvort einhver sum-
arslátrun yrði í sumar. Hvernig er
það, er fjallalambið dýrara en
venjulegt lambakjöt? Við bíðum
spennt.
Uppáhaldsrauð-
vínið mitt
Eins og áður hefur komið fram
hér í blaðinu hefur áhugi íslend-
inga á léttum vínum stóraukist á
síðari árum. Líklegast hafa hinar
t.íðu ferðir íslendinga til Suður-
Evrópu haft sitt að segja í þessum
efnum. Þá hafa neys'uvenjur al-
mennings breyst allverulega að
undanförnu. Nú þykir ekkert til-
tökumál að fara á veitingahús og
fá sér að snæða, enda hefur orðið
bylting í öllum veitingarekstri hér
á landi. En hvemig skyldi vín-
smekkur íslendinga vera? Við
munum kanna það næstu vikumar.
Hvert er uppáhaldsrauðvínið
þitt? Fyrstur svarar þessari spum-
ingu Ásgeir Tómasson, blaðamað-
ur og morgunútvarpsmaður á rás 2.
„Ég er hrifnastur af ítölskum vín-
um,“ segir Ásgeir og heldur áfram.
„Það má eiginlega segja að uppá-
haldsvínið mitt sé Chianti
Classico." Þá vitum við það. Þess
má geta að i verslunum ÁTVR eru
einnig til Santa Cristina Ch.
Classico, Chianti Ruffino og Val-
policella Doc. CLASSICO: Chianti
vínin koma frá Toscana en bestu
vínin kallast Chianti Classico.
Koma þau frá svæði sem er á milli
Florens og Sitna.
Til eru fjölmargar tegundir af
Chianti vínum. Þau eru að mestu
pressuð úr fjórum berjategundum,
San Gioveto, Cannaiolo, Trebbiano
Asgeir Tómasson blaðamaður.
og Malvasi. Hér áður fyrr var bast-
karfa utan um flöskurnar en það
þykir nú orðið of dýrt. Bestu ár-
gangarnir af Chianti vínum á síðari
árum eru árgangarnir 1980-1981.
Founde á mat-
seðli Duus
Það er jafnan ánægjulegt þegar
íslensk veitingahús brydda upp á
einhverjum nýjungum. Veitinga-
húsið Duus í Fischersundi býður
nú gestum sínum nokkuð sérstak-
an fonduerétt. Réttur þessi er
þannig að gesturinn fær á borðið
fonduepott sem í er kryddað kjöt-
soð sem bragðbætt er með koníaki
og nokkrar tegundir af kjöti og
grænmeti og sósum, bæði heitum
og köldum. Gesturinn dundar sér
svo við að sjóða kjötið eftir smekk
og snæðir það svo með grænmetinu
og sósunum. Þegar kjötmáltíðinni
er svo lokið er soðið drukkið eða
borðað með skeið, það er sem sagt
súpa. Þessi fondueréttur er bragð-
góður og þarna má segja að gestur-
inn ráði matreiðslunni sjálfur.
Þessi máltíð er tilvalin fyrir þá sem
vilja slaka á og borða góðan mat
sem er örlítið öðruvísi en það sem
menn eiga að venjast.
Fondue var mjög vinsælt hér á
landi fyrir nokkrum árum. Vinsæl-
ast var að sjóða kjötið í matarolíu.
Ostafondue hefur hins vegar aldrei
náð verulegum vinsældum hér á
landi, hvernig sem á því stendur.
Hið nýja fondue, sem nú er á boð-
stólum hjá Duus, er sem sagt
kærkomin nýjung.
Glóðarsteikt-
ur lax
Nú er sumarið komið, laxveiðin
hafin og grillvertíðin hafin. Flestir
glóðarsteikja kjöt en það má alveg
eins glóðarsteikja fisk og er hann
hreinasta lostæti. Laxinn er sér-
lega góður glóðarsteiktur og hann
er ekki svo dýr ef miðað er við
verð t.d. á nautakjöti. Hér kemur
ágæt uppskrift, það sem þarf er:
4 sneiðar lax, hver um 6 cm þykk
2 msk. matarolia
1 lítil laukur (saxaður)
1/2 tsk. salt
örlítill pipar
2 tsk. sítrónusafi
Matarolíu, lauk, sítrónusafa,
salti og pipar er blandað vel sam-
an. Laxasneiðarnar eru látnar
liggja í þessum legi í klukkutíma.
Laxinn er svo settur á glóðarrist
(þess gætt að enginn laukur sé
með) og glóðaður í 6-8 mín. á
hvorri hlið. Laxinn er svo borinn
á borð með góðu kryddsmjöri, hrás-
alati og brauði.
Hér kemur uppskrift að góðu
kryddsmjöri:
100 g smjör
2 msk. fínt saxað dill
2 msk. hökkuð steinselja
1 rif hvítlaukur (pressað í hvít-
laukspressu)
2 tsk. sítrónusafi
Byrjið á því að blanda saman
smjöri, dilli, steinselju og hvítlauk.
Bragðbætið svo með sítrónusafan-
um.
Hvalkjöt þtisvar í viku
Þá eru hvalveiðar hafnar og sam-
kvæmt nýjustu fréttum eiga Islend-
ingar að snæða hvalkjötið sjálfir,
það má aðeins flytja út það kjöt
sem við getum ekki hesthúsað
sjálfir. Það má því búast við að
hvalkjöt verði á boðstólum í flest-
um kjötverslunum nú í sumar.
Hvalkjötið mun því „keppa“ við
aðrar kjöttegundir og líklegast
mun það verða ódýrara en t.d.
lambakjöt.
Sem kunnugt er er hvalkjöt ág-
ætt til átu og gætum við lært mikið
af Japönum varðandi matreiðslu
þess. Andstaðan gegn hvalveiðum
eykst stöðugt í heiminum. Það eru
því líkur á að hvalveiðar verði ekki
stundaðar hér á landi í framtíð-
inni. Þetta verður því kannski
síðasta sumarið sem hvalkjöt verð-
ur á markaðnumm hér á landi,
hver veit.
Súr hvalur hefur þótt algjör
nauðsyn í þorrabakkann. Þeir sem
framleiða þorramat verða því að
fara að hamstra hvalrengi svo súr
hvalur verði á boðstólum á næstu
þorrablótum. Og þeir sem þurfa að
spara ættu því að fylla frystikist-
una af hvalkjöti í sumar.
g r
W, 'Í|
■
J' I
Er þetta fjallalamb?