Dagblaðið Vísir - DV - 30.08.1986, Blaðsíða 17
LAUGARDAGUR 30. ÁGÚST 1986.
17
Skaginn sigrar 3-1
— spáir Sigurður Valur Halldórsson
„Leiknum lýkur með 3-1 sigri fyrir
Skagamenn," spáir Sigurður Valur
Halldórsson, Reykvíkingur sem er
fæddur stuðningsmaður Skaga-
manna í knattspymunni. „Ég reikna
með að Fram verði fyrri til að skora
en það dugar þeim ekki. Það hefur
gengið þannig til þegar síðustu þrír
titlar hafa unnist að við höfum lent
undir en síðan jafnað og sigrað.“
- Er þessi seigla sérstök fyrir Skaga-
menn?
„Ja, það er eins og þeir þurfi oft
að fá á sig mörk til að taka við sér
og ég spái því að þannig verði það
einnig nú. Þetta verður skemmtileg-
ur leikur ef rigningin setur ekki strik
í reikninginn. Við hljótum bara að
panta afmælisveður, þá er engin
hætta á öðru en að áhorfendur geti
skemmt sér vel.“
í búningsherbeginu hjá gull-
aldarliðinu
Þótt Sigurður sé ódeigur fylgis-
maður Skagans þá er hann ekki
fæddur þar og hefur aldrei leikið með
liðinu. „Ég ólst upp við aðdáun á
Skagaliðinu," segir Sigurður. „Faðir
minn, Halldór V. Sigurðsson, lék með
gullaldarliðinu fram til 1950 þegar
hann fluttist til Reykjavíkur. Þegar
ég fór að fara með honum á völlinn
sem smástrákur þá enduðum við allt-
af inni í búningsherberginu hjá
gullaldarliðinu.
Liðið, sem Skagamenn tefldu fram
um og eftir 1950, er enn umtalað og
þeir sem studdu það hafa aldrei snú-
ist til fylgis við önnur lið. Margir
Reykvíkingar hafa fylgt Skaganum
frá því á gullaldarárunum. Liðið á
síst færri stuðningsmenn hér en
heimaliðin. Staðreyndin er sú að
leikmenn af Skaganum hafa staðið
undir nafni og þeim kröfum sem til
þeirra eru gerðar.
Nú, Skagamenn hafa oftar átt mjög
öflugt lið, sérstaklega á árunum frá
1974 til 1984, þannig að í raun og
veru er hægt að tala um fleiri en eina
gullöld á Skaganum.
Næstu ár veröa góð
Núna hafa verið mannaskipti hjá
liðinu en það eru margir ungir og
skemmtilegir strákar að koma inn í
það. Skagamenn hafa alltaf verið
nærri toppnum. Þótt þeir verði ekki
íslandsmeistarar að þessu sinni
standa þeir á næsta ári örugglega
jafrifætis Val og Fram sem eru núna
með bestu liðin. Þessi þrjú lið eiga
eftir að berjast um íslandsmeistara-
titilinn á næstu árum. Ég hlýt að
telja Skagamenn þar sigurstrangleg-
asta.“
- Halda stuðningsmenn Skaga-
manna hér í Reykjavík hópinn á
leikjum?
„fA hefur verið að skipuleggja
fundi fyrir leiki þar sem gamlir félag-
ar og stuðningsmenn safhast saman.
Ég hef að vísu ekki verið með í þessu
en það er verið að reyna að skipu-
legga aðdáendahópinn betur. Það er
reyndar merkilegt að lA er eiginlega
kornungt knattspymufélag. Það var
stofnað í vetur til að taka við störfum
knattspymuráðsins. Uppi á Skaga
hafa gömlu félögin, Knattspyrnufé-
lag Akraness og Kári, verið við lýði
fram til þessa þótt leikið hafi verið
í nafni íþróttabandalags Akraness
um áraraðir."
Hjátrú af ýmsu tagi hefur lengi
fylgt knattspyrnunni og skiptir þá
ekki máli hvort leikmenn eða áhang-
endur eiga í hlut. Sigurður viður-
kennir ekkert slíkt. „Það getur þó
vel verið að ég hafi verið svolítið
hjátrúarfullur hér áður fyrr en ég
kannast ekki við það lengur," segir
Sigurður. „Einu sinni höfðum við
nokkrir kunningjar það fyrir reglu
að hittast alltaf á sama stað í stúk-
unni á leikjum. Þetta flokkast sjálf-
sagt ekki undir hjátrú en við höfðum
þetta fyrir reglu.“
Spennan skiptir öllu
- En af hverju heldur þú að knatt-
spyman njóti þessara vinsælda
umfram aðrar íþróttir?
„Ja, ég vildi nú gjaman sjá svona
mikla aðsókn að körfuboltaleikjum.
En trúlega er knattspyman svona
vinsæl vegna spennunnar sem hún
býður upp á. Ovænt úrslit em al-
gengari í knattspymu en í öðrum
greinum. Það getur allt gerst. Skaga-
menn hafa þrisvar tapað af meistara-
titlinum vegna þess að botnlið höfðu
af þeim stig í síðustu leikjunum."
- Verða Skagamenn til þess að
tryggja Fram íslandsmeistaratitilinn
í ár með því að sigra Val í síðasta
leiknum?
„Ég vonast fastlega eftir sigri í
báðum leikjunum sem við eigum eft-
ir. Eins og staðan er nú eykur það
möguleikana á að Fram verði Is-
landsmeistari en þeir verða þá líka
að standa fyrir sínu og sigra í leikj-
unum sem em eftir. Ég viðurkenni
alveg að ég held frekar með Fram
en Val.
Erkióvinir Skagamanna em samt
KR-ingar. Það er alltaf visst and-
rúmsloft á leikjum þegar þessi lið
mætast. Þetta á sér langa sögu en
lifir enn þótt KR-ingar séu ekki
nærri eins skæðir andstæðingar og
þeir vom.“
Sætur sigur 1982
- Hver er eftirminnilegasti bikar-
leikurinn sem þú manst eftir?
„Þeir em nú margir eftirminnileg-
ir. Ég held þó að leikurinn gegn
Vestmanriaeyingum árið 1982 verði
lengi í minnum hafður. Þá léku
Skagamenn einum færri síðustu
mínútumar af leiknum og alla fram-
lenginguna og sigmðu samt. Þetta
var þegar Vestmannaeyingamir gáfu
út jarðarfarartilkynninguna fyrir
leikinn. Það var mjög ósmekklegt
og sigurinn því sætari fyrir vikið.
Úrslitaleikurinn árið 1978 er líka
mjög eftirminnilegur. Þá urðu
Skagamenn bikarmeistarar í fyrsta
sinn eftir að hafa tapað átta úrslita-
leikjum. Ætli það sé ekki rétt að
þeir sigri í átta næstu úrslitaleikjum
til að jafna þetta.“
- En hefur þú aldrei leikið knatt-
spymu sjálfur?
„Nei, ég hef aldrei æft knattspyrnu
reglulega. Ég var sjö ára þegar ég
kynntist körfuknattleiksdeild ÍR og
hef verið með þeim síðan. Það var
eitthvað sem olli því að ég byijaði
ekki í knattspymunni. Ef til vill hef-
ur rétta liðið verið of langt í burtu.“
GK
HAPPDRÆTTI HJARTAVERNDAR
1. vinningur
2. vinningur
i nnn nnn ^ 850.000.
Til íbúðarkaupa kr. | aUUU ■ UUU ■ AUDI, árgerð 1987, með vökvastýri, lituð rúðugler.
VERÐMÆTI VINNINGA 3 MILLJÓNIR 750 ÞUS. KRÓNTJR.
Skattfrjálsir vinningar
DREGIÐ VERÐUR 10. OKTÓBER NK.
★ Stœrsti vinningurinn er að upphœð 1.000.000 króna.
★ Lœgsti vinningur er að upphœð 75.000 kr.
★ Býður nokkur betur? Átt þú betri
kost ef heppnin er zneð?
★ Nú tökum við á með Hjartavemd því gott hjarta er gulli betra! ★ Við frestum aldrei drœtti!
Freistið gæfunnar — þannig leggur þú góðu málefni lið.