Dagblaðið Vísir - DV - 30.08.1986, Qupperneq 18
18
LAUGARDAGUR 30. ÁGÚST 1986.
Bylgjan á bamsskónum
„Við leggjum áherslu á að hafa fréttirnar stuttar, hnitmiðaðar og glænýj-
ar,“ sagði Árni Snævarr fréttafulltrúi á vakt hjá Bylgjunni.
Bylgjan er komin í loftið. Þetta er
fyrsta stöðin sem tekur til starfa eft-
ir að ný útvarpslög tóku gildi um
síðustu áramót. Margir hafa beðið
með óþreyju eftir að þess sjái stað
að einokun ríkisútvarpsins sé niður
fallin. Nú hefur fyrsta „útvarpsfélag-
ið“ hafið rekstur. Enn er óljóst hvort
einhverjir eiga eftir að feta í fótspor-
ið ef frá er talið að sjónvarpsstöð er
í undirbúningi.
Útsendingar Bylgjunnar eiga að
standa frá kl. 6.00 að morgni látlaust
til miðnættis. Alla virka daga verður
dagskráin í sömu skorðum. Einstakir
dagskrárgerðarmenn fá sinn tíma til
ráðstöfunar þar sem hlustendum
verður fylgt eftir í daglegu amstri
þeirra. Tónlist verður ríkur þáttur í
dagskránni í bland við viðtöl og
fréttir.
Það kemur í hlut Sigurðar G. Tóm-
assonar að koma fólki á fætur með
morgunþætti sem sendur er út á tím-
anum frá 7.00 til 9.00. Áður gefst þó
þeim árrisulu kostur á að hlýða á
tónlist í klukkustund. Páll Þor-
steinsson leysir Sigurð af hólmi kl.
9.00 og flytur hlustendum blandaða
dagskrá til hádegis.
KL. 12.00 verða sagðar fréttir og
síðan tekur við þáttur fyrir neytend-
ur þar sem hlustendum verður auk
þess gefinn kostur á viðskiptum á
flóamarkaði. Kl. 14.00 verður Pétur
Steinn Guðmundsson með síðdegis-
þátt og síðan tekur Hallgrímur
heim úr vinnunni fram til kl. 19.00.
Fleiri tilbrigði verða við kvöld- og
helgardagskrána. Vinsældalistinn
verður leikinn á þriðjudögum og
laugardögum. Þrisvar í viku verður
Þorsteinn J. Vilhjálmsson með þátt
um það sem er á döfinni í bæjarlíf-
inu. Á fimmtudagskvöldum verður
spennuleikrit og grínþáttur í umsjá
Eddu Björgvinsdóttur og Randvers
Þorlákssonar um helgar.
Undirbúningur dagskrárinnar hef-
ur staðið síðustu mánuði. Síðustu
dagana hefur loft verið hlaðið
spennu í húsakynnum Bylgjunnar
við Snorrabraut. Og á fimmtudags-
morguninn rann stóra stundin upp.
Helgarblaðið var þar og fylgdist með
stemmningunni þennan fyrsta dag.
Einar Sigurðsson hóf útsendinguna kl. 7.00 á fimmtudagsmorgninum. Á
meðan biðu þeir Davíð Oddsson borgarstjóri og Sigurður G. Tómasson
'dagskrárgerðarmaður átekta.
II
'
DV-mynd PK
„Einsogaðtrekkja
stóra klukku
-sagði Einar Sigurðsson eftir síðustu lotu undirbúningsins
„Undirbúningurinn fyrir útsend-
ingar Bylgjunnar var eins og að
trekkja stóra klukku með mörgum
tannhjólum og miklu verki. Það á
eftir að heyrast í þessari klukku víða
og lengi. Þetta er ekkert vasaúr,“
sagði Einar Sigurðsson, útvarps-
stjóri Bylgjunnar, í miðjum önnum
fyrsta útsendingardagsins.
„Nú er klukkan komin í gang. Það
verða auðvitað einhverjir hnökrar í
byrjun meðan hjólin eru að slípast
en það er engin hætta á öðru en að
þetta takist."
Einar lagði nótt við dag með sam-
starfsmönnum sínum síðustu dagana
fyrir fyrstu útsendinguna. „Það hef-
ur tekist að byggja hér upp alvöru
útvarpsstöð á undraskömmum tíma
enda starfsandinn og samstaðan góð
hér í húsinu,“ segir Einar. „Það var
þegar ég fór heim nóttina fyrir fyrstu
útsendinguna sem ég fékk þessa til-
finningu að við værum með stóra
klukku í höndunum. Þá var aðeins
spumingin um hvort hún gengi eða
ekki. Og hún gengur.
Ég lít svo á að það sem við emm
að gera sé hliðstætt því sem gerðist
þegar Dagblaðið kom út í fyrsta sinn.
Þá náði nýtt blað fótfestu á markaði
sem fáir töldu að væri fyrir hendi.
Eins er það með Bylgjuna. Það er
ekki langt síðan talið var óhugsandi
að markaður væri til að standa und-
ir rekstri útvarpsstöðvar."
- En áttu ekki von á að samkeppnin
verði hörð?
„Það verður tekist á um hlustendur
á næstu mánuðum. Þeir sem í þessu
standa hugsa fyrst og fremst til
hlustenda við allt sem þeir gera hér.
Það eru hlustendurnir sem allt í
rekstri útvarpsstöðvar snýst um.
Það er lífsspursmál fyrir okkur að
ná til hlustenda. Tekjur okkar koma
af sölu auglýsinga og þær fáum við
ekki nema við getum sýnt fram á að
einhverjir hlusti á okkur. Ríkisút-
varpið verður einnig að ná til hlust-
enda því það getur ekki réttlætt
skattlagningu til að standa undir
rekstrinum nema sýnt sé fram á að
einhverjir hlusti á það.
En þessi samkeppni verður rekin á
grundvelli fagmennsku af okkar
hálfu og þær kveðjur, sem við höfum
fengið frá útvarpsstjóra, benda til að
það sama verði uppi á teningnum af
hálfu Ríkisútvarpsins.
Markús Öm sendi okkur i morgun
hlýjar og notalegar kveðjur ásamt
blómvendi í tilefni af þessum áfanga.
Við ætlum að umgangast Ríkisút-
varpið eins og aðrar stofnanir í
þjóðfélaginu og ég veit ekki annað
en það muni gera slíkt hið sama.
Við ætlum okkur ekki í samkeppni
á öðrum grundvelli en faglegum. Það
verður ekkert skítkast. Við setjum
upp okkar dagskrá og reynum að
gera hana sem best úr garði. Önnur
vopn höfum við ekki. Við viljum
keppa heiðarlega og af drengskap og
ég held að það sé gagnkvæmt.“
- Hefur þú trú á að þessi stöð fái
einhvem pólitískan lit?
„Við erum bundin af lögum um
útvarpsrekstur þar sem m.a. em
ákvæði um hlutleysi og við fylgjum
þeim. En hér innanbúðar er fólk með
margvíslegar pólitískar skoðanir.
Það er óhugsandi að ætla sér að ráða
fólk án skoðana. Við ætlum að láta
fagmennskuna ráða. Það er sá mæli-
kvarði sem lagður verður á hvernig
hér hefur tekist til.“
- Og á Bylgja eftir að verða langlíf?
„Já, við hefðum aldrei sett þessa
stöð á laggirnar ef við hefðum ekki
ætlað henni langlífi. Við reynum að
laga okkur eftir því nýjasta á hverj-
um tíma. Já, auðvitað gengur þetta
upp,“ sagði Einar Sigurðsson.
GK