Dagblaðið Vísir - DV - 01.10.1986, Blaðsíða 3

MIÐVIKUDAGUR 1. OKTÓBER 1986.
3
Fréttir
Fundur Reagans og Gorbatsjovs á íslandi:
Kom fyrst til tals
á mánudaginn
- segir forsætisráðherra
„Þetta hefur allt borið mjög brátt
að. Það var á mánudagsmorgun sem
sendiherrar Bandaríkjanna og Sovét-
ríkjanna komu á minn fund og spurðu
hvort íslenska ríkisstjómin væri sam-
þykk því að Reagan og Gorbatsjov
héldu fund hér í Reykjavík 11. og 12.
október. I samráði við utanríkisráð-
herra gaf ég samþykki mitt og svo í
gærmorgun komu sendiherramir aftur
á minn fund og endanlega var frá
þessu gengið."
Þetta sagði Steingrímur Hermanns-
son á blaðamannafundi sem hann og
Matthías Á. Mathiesen boðuðu til
vegna fundar leiðtoga stórveldanna.
Steingrímur sagði að það væri Ijóst
að hér þyrfti gífurlegan undirbúning.
Verið væri að setja á fót embættis-
mannanefnd sem myndi sjá um
undirbúninginn.
„íslandi er sýnt mikið traust með
þessu,“ sagði forsætisráðherra, „og við
fáum gífurlega auglýsingu út á þetta.“
Steingrímur sagði að um 200 manna
lið kæmi með hvorum leiðtoganna og
auk þess um 1000 manna fréttalið. „Öll
hótel verða meira og minna undirlögð
vegna þessa. Eins mun reynt að koma
á fót aðstöðu fyrir fréttamenn. Þá mun
allt tiltækt öryggislið, sem við höfum
á að skipa, verða hvatt til.“
Hann sagði að líklégast yrði sjálfur
fundurinn á Hótel Sögu en leiðtogam-
ar myndu sennilega búa í sendiráðum
ríkja sinna. Hann sagði að að minnsta
kosti utanríkisráðherrar landanna
tveggja yrðu með í för. Um annað
fylgdarlið vissi hann ekki, þar með
talið hvort eiginkonur leiðtoganna
yrðu með í för.
Um kostnað við þennan fund, sagði
Steingrímur, að hann bæru sameigin-
lega Sovétríkin og Bandaríkin.
Áðspurður sagðist Steingrímur ekki
vita hvers vegna Reykjavík varð fyrir
valinu. Hann hefði spurt sendiherrana
að því en þeir hefðu heldur ekki vitað
svarið við því. -KÞ
Matthías Á. Mathiesen og Steingrímur Hermannsson á blaðamannafundinum
í gær. Á milli þeirra er Magnús Torfi Ólafsson að láta þeim í té gögn.
DV-mynd GVA
,Ekki bóka neitt - allt fullt“ segir Konráð hótelstjóri.
DV-mynd: GVA
011 hótel fullbókuð:
Allt í fullum gangi
- segir hótelstjórinn á Sögu
„Við erum hér í fullum gangi að hefja
undirbúning. Við erum þegar famir
að hringja í gesti, sem áttu pöntuð
herbergi þessa daga, til að segja þeim
að við getum ekki orðið við óskum
þeirra. Eins hefur allt verið sett á fulla
ferð til að ganga frá í nýbyggingu
hótelsins," sagði Konráð Guðmunds-
son, hótelstjóri Hótel Sögu, en þar
verður að öllum líkindum fundur leið-
toganna tveggja.
Strax og ljóst varð eftir hádegið í
gær að fúndurinn yrði í Reykjavík
stoppuðu ekki símar hótelsins og
telexið var á fullri ferð.
„Það eru þegar öll 162 herbergi hót-
elsins orðin fullbókuð vegna þessa.
Við höfum ekki við að taka við fyrir-
spumum," sagði Konráð.
- En hvemig er hótelið í stakk búið
til að halda þennan fúnd?
„Mjög vel. Hér höfum við marga
fundarsali og hér er allt til alls, svo
ég held að það ætti ekki að væsa um
þá hér.“
- Hvað með öryggisgæslu?
„Þetta á allt eftir að koma í ljós.
Hins vegar gerir staðsetning hótelsins,
það er að segja hversu það stendur
eitt og sér, það að verkum að öll örygg-
isgæsla ætti að verða auðveldari.
Annars á þetta allt eftir að koma í
ljós,“ sagði Konráð Guðmundsson.
Hótel Saga var reyndar ekki eina
hótelið í Reykjavík þar sem símar
vom rauðglóandi vegna fundar leið:
toganna. Strax síðdegis í gær vom
nánast öll hótel í Reykjavík og ná-
grenni orðin sneisafull því að búist er
við hátt í tvö þúsund manns til
Reykjavíkur vegna þessa.
-KÞ
★ 828, 206 kæliskápur, Electrolux.
★ KE-282-124 Gaggenau helluborð
★ CF-6484 Electrolux, fullkomin eldavél, í drapplit.
★ CF-6484 Electrolux eldavél, í rauðu.
★ R-281 klukkuborð fyrir Electrolux eldavélar.
★ CF-6472 Electrolux blásturs-eldavél í drapplit.
★ CK-260 Electrolux vifta fyrir útblástur.
★ TC-550 150 ltr. frystikista Electrolux.
★ NF-3244 tveggja hæða Electrolux örbylgjuofn.
★ N-15 Electrolux hrærivél.
□ ©

□

Bon
.•oQQ.QQQQ
Einnig mikið úrval af lítið útlitsgölluðum kæli- og frystiskápum á niðursettu verði.
Bjóðum 10% útborgun í öllum
húsgögnum, sjónvörpum, vídeótækj-
um og einnig í heimilistækjum.
Vörumarkaöurinn hf.
v
M
iiJ Eiöistorgi 11 -sími 622200