Dagblaðið Vísir - DV - 01.10.1986, Blaðsíða 28

28
MIÐVIKUDAGUR 1. OKTÖBER 1986.
9>
Sviðsljós

V
Ólyginn
sagði . . .
Jihan Sadat
ekkja Sadats fyrrum forseta
Egyptalands, var öruggulega
þekkasti gestaprófessor háskól-
ans í Suður- Carolina í Banda-
ríkjunum. En nú hefur hún sagt
upp stöðunni vegna kæru sem
borin varfram vegna hárra launa
ekkjunnar. Paul Perkins, sem er
bæði nemandi við háskólann
og blaðamaður kærði launin. Á
skrifstofu háskólans hefur ekki
verið hægt að fá uppgefið hver
laun Jihan voru, en samkvæmt
nýjustu fréttum munu þau hafa
legið á bilinu 2 til 3 milljónir
fyrir hvert misseri. Og það fyrir
að kenna á námskeiðið „Konur
í egypskri sögu" einu sinni í viku
klukkutíma í senn.
Sylvester
Stallone
er ekki eins svalur í raunveru-
leikanum og hann virðist í gervi
Rambo og Rocky. í fyrsta lagi
þorði hann ekki á kvikmyndahá-
tíðina sem haldin var I Cannes
í ár vegna hræðslu við hryðju-
verk. Og nú hefur hann varið
eignir sínar i Beverly Hills svo
rækilega að nágrönnunum þykir
nóg um og hafa borið fram
kvartanir. Til viðbótar öllum
vaktmönnunum hefur hann
byggt 2,5 metra háan múr allt i
kringum eignirnar sem setur
Ijótan svip á umhverfið. Ná-
grannarnir segja að múrinn spilli
ekki aðeins útliti hverfisins held-
ur fylgi honum stór umferðar-
hætta. „Þetta er eitt af mörgum
tilraunum til þess að kássast
ofan í mitt einkalíf," segir Stall-
one um viðbrögð nágrannanna.
Julio Iglesias
er nú í giftingarhugleiðingum.
Hann segist hafa fundið þá
réttu. Hinn 43 ára gamli söngv-
ari og sjarmör hefur fallið kyllif-
latur fyrir 11 árum eldri konu,
filmstjörnunni Angie Dickinson.
Þau hittust á joganámskeiði.
Óvenjuleg móttaka:
Nýjasta nýtt á hótelum. Náttvélmenni í stað geispandi móttökustjóra
með iyklana hringlandi utan á sér.
Það vekur ugg margra að nú er
kominn til sögunnar í móttökur
hótelþjónn sem er alveg laus við
mannlegt eðli og hefur enga þörf
fyrir að sofa.
Á hinum ýmsu stöðum heims get-
ur ferðalangur orðið fyrir þeirri
reynslu að mæta vél í stað geisp-
andi móttökustjóra er hann skráir
sig inn á hótel að næturlagi eða
kemur seint og vill fá lykilinn af-
hentan.
Þessi sjálfvirka vél er ekki vél-
menni. Hún líkist fremur sjálfsala,
eða nokkurs konar sjálfvirkum
hraðbanka. Vélin var þróuð af
tæknifyrirtækinu ERS í Richmond.
Ferðalangurinn setur fullgilt
greiðslukort inn í vélina og hún
mun finna fyrir hann herbergi og
láta hann fá lykilinn. Þá mun skjár
á vélinni fara að blikka rauðum
stöfum þar sem ferðalangurinn er
boðinn velkominn.
Náttvélmennin verða líklega
ekki sett upp á hefðbundnum og
mjög fínum hótelum, en nýrri hótel
munu sennilega færa sér nátttröllið
í nyt. Vélin kostar hótelið mun
minna en sem nemur launakostn-
aði til stafsfólks í móttöku. Og
vélin er fljótari að afgreiða við-
skiptavininn og getur jafnvel verið
kurteisari.
Ef slík vél verður á vegi þínum
úti í hinum stóra heimi þá fylgdu
eftirfarandi leiðbeingingum. Settu
greiðslukortið inn í vélina. Pikk-
aðu inn hversu margir eru í hóp
með þér. Gefðu upplýsingar um
hvers konar herbergi þú vilt. Ef
kortið þitt er gilt mun vélin láta
þig hafa lykil. Ef þér líkar ekki
herbergið þá reyndu ekki að deila
við vélina. Vektu heldur hótel-
stjórann. Eigir þú ekki greiðslu-
kort þá skaltu leita þér að öðru
hóteli.
Jólastjörnurnar taka á sig nýja mynd
Gúmmíjesús og gúmmímaría
Fyrirtækið sem framleiðir Harbio
sælgætið, eitt af fremstu sælgætis-
fyrirtækjum í Vestur-Þýskalandi og
þekkt fyrir gúmmíbirnina sína, er nú
í mjög erfiðri stöðu. Fyrirtækið ætl-
aði sér aldeilis að koma með nýjung
fyrir jólin. I staðinn fyrir gúmmíbirn-
ina fylltu þeir sælgætispokana af
gúmmístykkjum sem höfðu útlit per-
sónanna í Biblíunni. í pokunum var
að finna Jesús Krist úr gúmmíi,
gúmmímaríu, gúmmíguð o.s. frv.
En slíkum gúmmídúkkum eru trú-
aðir kaþólikkar og meðlimir Kristi-
lega demókrataflokksins þar í landi
ekki tilbúnir að kyngja.
Kirkjunnar menn í Vestur-Þýska-
landi og flokksleiðtogar telja
hugmyndina í hæsta máta ósmekk-
lega. „Þú getur ekki japlað á syni
Guðs á sama hátt og á öðrum fyrir-
bærum,“ sagði einn af talsmönnum
þýska biskuparáðsins.
En smákaupmennirnir verða að
hugsa á annan hátt, kannski að hluta
til vegna þess að Harbo’s gúmmí-
stykkin eru fyrirhæri sem hafa farið
sigurför um heiminn.
Og samkvæmt upplýsingum frá
Harbo fyrirtækinu eru smásalarnir
búnir að kaupa upp alla jólafram-
leiðsluna af gúmmíjesú, gúmmímaríu
og öðru slíku og ætla sér að selja
vöruna. Talsmaður Harbo sagði að
fyrirtækið hefði ekki í hyggju að inn-
kalla gúmmíjólavöruna.
„Þaö er í hæsta máta ósmekklegt að japla á syni guðs og öörum helgum persónum kristinnar trúar,“ segja trúaðir kaþólikkar og meðlimir Kristilega
demókrataflokksins I Vestur-Þýskalandi, um nýjustu jólaframleiðslu sælgætisfyrirtækisins Harbo, gúmmfjesú og gúmmimariu.