Dagblaðið Vísir - DV - 05.02.1987, Page 16

16
FIMMTUDAGUR 5. FEBRÚAR 1987.
Spumingin
Finnst þér að ríkissjón-
varpið eigi að vera á
fimmtudögum?
Kristján Sveinsson verslunarmaður:
Já, mér finnst það. Auðvitað á fólk
að hafa valfrelsi um hvort það vill
horfa á sjónvarpið á fimmtudögum
eða ekki. Ég verð að viðurkenna það
að þegar það myndast tómarúm í lífi
mínu, eins og þegar konan mín er
ekki heima, þá væri mjög notalegt
að eiga kost á að horfa á sjónvarpið
á fimmtudögum.
Ólafur M. Ólafsson verslunarmaður:
Nei, það er alveg ágætt að vera laus
við sjónvarpið einu sinni í viku. Ef
mig langar að horfa á sjónvarpið þá
er ósköp einfalt að taka sér spólu.
Ásgeir Björgvinsson húsasmiður: Ég
er alveg sáttur við það fyrirkomulag
sem er í dag. Ágætt að fá eitt kvöld
frí i viku frá kassanum. Ég er alls
ekki svo háður sjónvarpinu að ég
lifi það ekki af. Énda er fjölmiðla-
flóðið það mikið að þá einmitt getur
maður snúið sér að einhverju öðru.
Haraldur Sigfús yfirvélstjóri: Af-
hverju ekki? Þó að ég sé sáttur við
það að hvíla mig á sjónvarpi á
fimmtudaginn þá finnst mér að fólk
eigi að hafa valfrelsi um það sjálft
hvort það vill horfa á imbann eða
ekki.
Bergþóra Aradóttir gjaldkeri: Það er
nauðsynlegt að fá að hvíla sig einu
sinni í viku á sjónvarpinu þannig ég
er mjög sátt við núverandi fyrir-
komulag. Það er einnig alveg yfir-
drifið af öðrum fjölmiðlum svo fólki
ætti ekki að leiðast.
Ólöf Þórarinsdóttir gjaldkeri: Mér
finnst þetta stórfínt eins og þetta er
í dag. Ég er enginn sjónvarpssjúkl-
ingur og geri bara eitthvað annað á
fimmtudögum.
Lesendur___________________dv
Misskilinn
Sigurður skrifar:
Hvað sem líður tali manna um
hreint loft og einmuna veðurblíðu á
landi voru þessa dagana þá er það
staðreynd að hvergi getur óhreinna
land, eða réttara orðað skítugra, en
landið okkar. Það er eins og það sé
mun meiri mold í jarðvegi hér á landi
en annars staðar. Jarðvegurinn er
mjög gljúpur og lepja og aur mynd-
ast fljótt og auðveldlega við minnsta
hnjask.
Því er það að mikill misskilningur
er fólginn í að útbúa þessar graseyj-
ar og graskanta hvar sem rúm er
fyrir, meðfram helstu akstursleiðum
innan höfuðborgarsvæðisins og
raunar víðar. Þessar graseyjar gera
ekkert gagn og augnayndi eru þær
svo sannarlega ekki því þær eru
gular mestan hluta ársins. Þær valda
hins vegar miklum óhreinindum með
því að úr þeim drýpur aur og leðja
út á götumar þegar rignir og veldur
ökumönnum og vegfarendum hinum
mestu vandræðum. Þetta verður
maður aldrei var við þegar maður
er á ferðalagi í öðrum löndum. Jarð-
vegur þar er hins vegar mun harðari
en hér er. En það ætti þá að vera
þeim mun meiri ástæða til að halda
grasi og ræktuðum blettum fjarri
götukerfinu.
Jafnvel út á landsbyggðinni, t.d. á
leiðinni til Selfoss, þar sem er bund-
ið slitlag, er akstursleiðin mun
hreinni en hér innanbæjar einmitt
vegna þess að þar eru engir gras-
kantar meðfram veginum.
Því fyrr sem graseyjar og kantar
eru fjarlægðir meðfram götum borg-
arinnar því betra og myndi spara
skattgreiðendum stórfé þar sem við-
hald yrði ekkert, t.d. með slætti
grassins yfir sumartímann. í stað
eyjanna á einfaldlega að malbika
bilið sem skiptir akreinum til hvorr-
ar áttar. Undir þetta geta væntan-
lega allir ökumenn og fótgangandi
tekið. Ættu fleiri að tjá sig um þenn-
an misskilda „fegurðarauka“ í
gatnakerfinu.
Að vísu þyrfti að gera mikið átak
í hreinsunarmálum á götum og
gangstéttum yfirleitt og hvetja borg-
arbúa til að hreinsa þótt ekki væri
nema í kringum sjálfa sig, lóðir sínar
og gangstéttir við hús sín. Það er
sérstakur viðburður ef húseigendur
taka til hendi og sópa gangstéttir
fyrir utan eignir sínar og ætlast til
að borgin, hið opinbera, geri það.
ekki, þær valda hins vegar miklum
Mest af rusli og óhreinindum á
gangstéttum er frá fólki sem um þær
gengur svo það væri ekki ofverk
þess að hreinsa það sjálft.
Þetta þykir sjálfsagt í flestum
menningarlöndum, t.d. víðast hvar í
Evrópu. En í hreinlætismálum eru
íslendingar ekki menningarþjóð enn
sem komið er.
„Mér finnst iþróttaþættimir allt of ein-
hæfir, sýnið frá fleiri iþróttagreinum
en fótbolta eða handbolta."
RUV:
Meiri
fjöl-
breytni
Steinunn Baldursdóttir hringdi:
„Mér finnst vanta alla fjölbreytni í
íþróttaþættina hjá ríkissjónvarpinu,
)að eru jú til fleiri íþróttagreinar en
handbolti og fótbolti en gjörsamlega
öllu púðrinu virðist vera eytt í það.
Vonast ég eindregið til þess að þessu
verði breytt og sýnt verði meira fiá
öðrum íþróttagreinum, því fjölbreytt-
£ira sem valið verður því betra.“
Sveitasælan svíkur engan
Utanbæjarmaður skrifar:
Vegna greinar er birtist fyrir stuttu, m.a. um það að óþarfi væri fyrir
Reykvíkinga að leggja sig í hættu með því að fara upp í sveit að skoða fisk,
langar mig að koma á framfæri. Telur þessi maður að fólk úr Reykjavík
fari eingöngu upp í sveit til að skoða lax? Nei, fólk fer upp í sveit og upp
á hálendið til þess m.a. að skoða hið fallega landslag sem landið býður upp
á og njóta kyrrðarinnar sem þar ríkir. Nú og svo fer margt fólk upp í sveit
eingöngu til að hitta skyldfólk eða kunningja. Því er ekki nóg að vera inn-
an borgarmarkanna til að fá uppfyllt öll erindi sem fólk hefur til að fara upp
í sveit.
Smánarkjör farmanna
Gamall sjómaður hringdi:
Það er til ævarandi skammar hvílík smánarkjör farmönnum er boðið upp
á. Einmitt nú þegar mikið góðæri er í landinu, sjómenn fá gott verð fyrir
fiskinn og öll ytri skilyrði eru fyrir hendi, þá er snúið við þeim baki. Þegar
þessir blessaðir ráðamenn eru að skammta sér er ekkert skorið við nögl
samanber nýju bílamir borgarstjórans og Steingríms, það á kannksi eitt-
hvað annað að gilda um þá, hvaða réttlæti sem er nú í því.
Góðir íþróttaþættir
Emil Einarsson hringdi:
Ég vil byrja á því að þakka Bjama Felixssyni fyrir beinu útsendingamar
á fótbolta og handbolta. Ég alveg ligg yfir þessu og fíla þetta í botn. Mér
finnst Bjami líka hafa staðið sig með mikilli prýði og koma íþróttaþáttunum
mjög vel frá sér.
HRINGIÐ í SÍIVIA
27022
MTLliI KL. 13 OG 15
EÐA SKRIFIÐ
Slepju-
legir
tilburðir
Jón Guðmundsson skrifar:
Eftir því sem maður horfir meira
og meira upp á slepjulega tilburði
Þórarins V. Þórarinssonar í far-
mannadeilunni þess meira kann
maður að meta fyrirrennara hans
hjá V.S.Í. Það vom menn sem
kunnu mannasiði og sýndu and-
stæðingi sínum kurteisi og virð-
ingu þrátt fyrir að þeir væm ekki
sammála. Áldrei reyndu þeir að
breyta uppkasti samninga bak við
viðsemjanda sinn í þeirri von að
hann væri svo syfjaður að hann
tæki ekki eftir því og myndi skrifa
undir. Nei, þeir vom menn er stóðu
við það sem þeir sögðu. Þar sann-
ast málshótturinn: Enginn veit
hvað átt hefur fyrr en misst hefur.
Europe
best
Europe-aðdáandi skrifar:
Mig langar að koma á framfæri
skilaboðum tíl Europe-aðdáenda.
Hvemig væri nú að hressa upp á
sig og hringja í vinsældalista rásar
2 á miðvikudaginn og gefa hljóm-
sveitinni Europe atkvæði. Það er
ekki nóg að fíla Europe og Iáta
það ekki í ljós því vinsældir laga
em mikið dæmdar eftir listanum.
Hringið og njótið árangursins á
fimmtudögum.
J