Dagblaðið Vísir - DV - 23.03.1987, Blaðsíða 28
44
MÁNUDAGUR 23. MARS 1987.
NÁMSKEIÐ
í skerma- og púðasaumi. Nánari upplýsingar í Upp
setningabúðinni, sími 25270, eða í síma 39267.
ÚTBOÐ
Landsbanki Islands óskar eftir tilboðum í að steypa
upp og að Ijúka ytri frágangi II. áfanga fræðslumið-
stöðvar við Álftavatn í Grímsnesi.
Útboðsgögn eru afhent á skrifstofu skipulagsdeildar
bankans, Álfabakka 10, II. hæð, Reykjavík, gegn skila-
tryggingu að upphæð kr. 5.000.
Tilboð verða opnuð á sama stað þriðjudaginn 7. apríl
kl. 11.00.
Landsbanki
íslands
Banki allra landsmanna
SÖLUSKATTUR
Viðurlög falla á söluskatt fyrir febrúarmánuð 1987,
hafi hann ekki verið greiddur í síðasta lagi 25. þ.m.
Viðurlög eru 4% af vangreiddum söluskatti fyrir hvern
byrjaðan virkan dag eftir eindaga uns þau eru orðin
20%, en síðan reiknast dráttarvextir til viðbótar fyrir
hvern byrjaðan mánuð, talið frá og með 16. apríl.
1 6. mars 1 987.
Fjármálaráðuneytið.
KJARVALSSTOFA
í PARÍS
Kjarvalsstofa í París er íbúð og vinnustofa sem ætluð
er til dvalar fyrir íslenzka listamenn. Reykjavíkurborg,
menntamálaráðuneytið og Seðlabanki íslands lögðu
fram fé til þess að koma upp slíkri starfsaðstöðu í
Parísarborg með samningi við stofnun, sem nefndist
Cité Internationale des Arts og var samningurinn gerð-
ur á árinu 1986. Kjarvalsstofa er í miðborg Parísar,
skammt frá Notre Dame dómkirkjunni.
Sérstök stjórnarnefnd fer með málefni Kjarvalsstofu
og gerir hún tillögu um úthlutun dvalartíma þar til
stjórnar Cité Internationale des Arts er tekur endan-
lega ákvörðun um málið. Dvalartími er skemmstur 2
mánuðir en lengst er heimilt að veita listamanni afnot
Kjarvalsstofu í 1 ár.
Þótt að öðru jöfnu sé miðað við dvöl í Kjarvalsstofu
getur stjórn Kjarvalsstofu í samráði við stjórn stofnun-
arinnar útvegað listamönnum, er þarfnast sérstakrar
aðstöðu, aðra vinnustofu í sömu byggingum, en Kjar-
valsstofu er þá ráðstafað á meðan til annarra rétthafa.
Þeir, sem dvelja í Kjarvalsstofu, greiða dvalargjöld er
ákveðin eru af stjórn Cité Internationale des Arts og
miðast við kostnað af rekstri hennar og þess þúnað-
ar, sem þeir þarfnast. Þessi gjöld eru lægri en almenn
leiga í Parísarborg. Dvalargestir skuldbinda sig til þess
að hlíta reglum Cité Internationale des Arts varðandi
afnot af húsnæði og vinnuaðstöðu og jafnframt skuld-
binda þeir sig til þess að dvöl lokinni að senda stjórn
Kjarvalsstofu stutta greinargerð um störf sín.
Hérmeð er auglýst eftir umsönum um afnot Kjarvals-
stofu, en stjórnin mun á fundi sínum í apríl fjalla um
afnot listamanna af stofunni tímabilið 15. júní 1987
-31. maí 1988, ef nægar umsóknir berast. Skal stíla
umsóknir til stjórnarnefndar Kjarvalsstofu. Tekið er á
móti umsóknum til stjórnarnefndarinnar í skjalasafni
borgarskrifstofanna að Austurstræti 16, en þar liggja
einnig frammi umsóknareyðuþlöð og afrit af þeim
reglum sem gilda um afnot af Kjarvalsstofu.
Umsóknum skal skila í síðasta lagi 21. apríl nk.
Reykjavík, 18. mars 1987.
Stjórnarnefnd Kjarvalsstofu.
Stjómmál
Albert Guðmundsson og kona hans, Brynhildur Jóhannsdóttir, koma af fundinum í Þórscafé. DV-myndir BG
Verð að reikna með
öllum möguleikum
- sagði Albert Guðmundsson eflir fundinn í Þórscafé
„Eins og skákmaður verð ég að
reikna með öllum möguleikum en það
er ekki víst að það þurfi að nota þá
alla,“ svaraði Álbert Guðmundsson
spumingu um möguleika á sérfram-
boði þegar hann kom af fundi stuðn-
ingsmanna sinna í Þórscafé í gær.
„Það verður að reyna að finna bestu
lausnina á þessari deilu og það verður
áreiðanlega gert. Við erum kjömir af
fólkinu til að vera trúnaðarmenn þess
í flokkum og höfum enga heimild til
að leika okkur að fjöreggi hans. Við
verðum að finna lausn sem hentar
flokknum," sagði Albert ennfremur.
Fast að eitt þúsund manns sótti
fundinn í Þórscafé síðdegis í gær. Al-
bert sagði að loknum fundinum að
þetta væri mikill stuðningur og mun
meiri en hann hefði átt von á.
„Það getur verið að það séu ótal
vandamál í Sjálfstæðisflokknum sem
þarf að leysa og við höfum alltaf leyst
þau,“ sagði Albert. „Ég er bjartsýnn á
að við getum leyst þau eins og við
höfum alltaf gert. Ef það em skynsam-
ir menn sem ræða saman þá á að vera
hægt að komast að miðurstöðu sem
báðir geta unað við.
Sjálfstæðisflokkurinn hefúr byr
núna hjá fólkinu í landinu og við verð-
um að sjá til þess að sá byr nýtist
fólkinu í landinu."
Albert sagði að ef stofnanir flokksins
væm ákveðnar í að láta kné fylgja
kviði þá væri „ekki nema um það að
velja að leggja um laupana eða berj-
ast.“
Aðspurður hvort til greina kæmi að
bjóða fram í fleiri kjördæmum en
Reykjavík svaraði Albert því einu að
„tíminn til stefnu væri naumur" og
neitaði að gefa nákvæmara svar.
Albert færðist enn undan að ræða
hvað þeim Þorsteini Pálsyni hefði far-
ið á milli á fundi þeirra þá um
morguninn. Hann sagðist ætla að
hugsa málið næstu daga og minnti á
að það væri ekki bara hann sem þyrfti
að hugsa heldur einnig Þorsteinn.
„Ég held að enginn stjómmálamað-
ur geti ætlast til að fá svona trausts-
yfirlýsingu hvað þá meira," svaraði
Albert þeirri spurningu hvort þessi
fúndur skapaði Þorsteini ekki erfiða
aðstöðu. Hins vegar neitaði hann að
ætla að beita þessum stuðningi á fund-
um þeirra Þorsteins. GK
Albert Guömundsson svarar spurningum fréttamanna strax aö loknum fund-
inum í Þórscafé.