Dagblaðið Vísir - DV - 23.03.1987, Blaðsíða 14

Dagblaðið Vísir - DV - 23.03.1987, Blaðsíða 14
14 MÁNUDAGUR 23. MARS 1987. Menning Búr fyrir drauma Skúlptúrar Hansínu Jensdóttur að Kjarvalsstöðum Hansina Jensdóttir - Skúlptúr, vír, 1986. Hansína Jensdóttir - Tveir skúlptúrar, vír & bl. efni, 1986. Meðan menn hafa verið Önnum kafiiir að fylgjast með því sem hefur verið að gerast í „nýja" málverkinu og öðru málverki á íslandi hefur mik- ill uppgangur í hérlendum skúlþtúr farið fyrir ofan garð og neðan hjá flest- um. Þessi skúlptúr er eins fjölbreyti- legur og listamennirnir sjálfir, sjá keramíkskúlptúra Rósu Gísladóttur, Sóleyjar Eiríksdóttur, Borghildar Óskarsdóttur og Guðnýjar Magnus- dóttur, forynjur/maskínur Brynhildar Kjörbók Landsbankans-Góð bók fyrir bjarta framtíð L Þorgeirsdóttur, steinhögg Páls Guð- mundssonar, samsett verk Jóns Sigurpálssonar, konseptskúlptúra Ingólfs Arnar Arnarsonar, samtíning Kristins G. Harðarsonar, trélágmyndir Huldu Hákonardóttur, prímitífa hausa Gunnars Arnar, steinsteypur Ivars Valgarðssonar, fígúratífar samsetn- ingar Steinunnar Þórarinsdóttur og konstrúktífar stemmur Ólafs Sveins Gíslasonar - og eru þá ekki allir mark- verðir þrívíddarlistamenn af yngri kynslóð upp taldir. Hansína Jensdóttir er enn ein grein- in á þessum gróskumikla meiði. Hún á ekki langt að sækja listfengi sitt því faðir hennar, Jens Guðjónsson, er þekktur töframaður á sviði góðmákna og undir handarjaðri hans hefur Hansína eflaust þróað með sér bæði formskyn og verksvit. I framhaldi af því er óneitanlega freistandi að sjá í vírþráðum hennar tengsl við hefðbundið íslenskt víra- virki en það er sennilega óskhyggja. Byggingarsnið Hansína var við framhaldsnám í Calgary í Kanada, fyrst íslenskra listamanna, að ég best veit. Ekki veit ég hvers konar skúlptúr þeir ástunda í Kanada en verk Hans- ínu grundvallast á haglegri samræm- ingu þriggja meginþátta í nútíma- skúlptúr, nefnilega naumhyggju, konstrúktífisma og súrrealískri mynd- sýn. Myndlist Landsbanki Islands Banki allra landsmanna Aðalsleinn IngóHsson Notkun hennar á stórum, gjarnan endurteknum ,,frum"-einingum sver sig í ætt við naumhyggjuna (minimal- ismann) en sjálf samsetning verkanna er með byggingarsniði konstrúktífis- mans með alla parta afhjúpaða og samsuðuna sömuleiðis. Mörg verk Gerðar Helgadóttur eru einmitt af þessari sömu konstrúktíf- ísku fjölskyldu. En þótt skúlptúrar Hansínu virðist við fyrstu sýn vera einföld og kórrétt afstraktverk er ekki allt sem sýnist. Ekki þarf mikið ímyndunarafl eða til- færslur á sjónarhorni til að greina í þeim beinar og óbeinar tilvísanir í dularfullar byggingar: tumleikhús, dýflissur, hof eða bara húsin í draumi okkar allra. Þar með eru mörg þessara verka beint framhald á skúlptúr-húsum þeim sem Hansina hefur unnið í góðmálma. Húsagerðarlist af þessu tagi má hæglega rekja til súrrealista, sem byggðu borgarvirki'og hallir í lands- lagi drauma sinna, sjá til dæmis de Chirico og GiacomettL Kröftug nánd En það verður að segja Hansínu til hróss að hún hamrar sjaldan á þessu byggingalega líkingamáli heldur lætur hún sérþarfir skúlptúrsins ganga fyrir, hrynjandi þráðanna í rýminu og sam- stillingu meginþátta. ÖU þessi atriði ganga á endanum upp í hinum loftbornu skúlptúrum Hansínu, þessum búrum fyrir drauma, gefa þeim nauðsynlegt margræði og kröftuga nánd. Ekki þykir mér verk Hansínu fara sérlega vel á göngum Kjarvalsstaða. Það er engu líkara en skænislegir veggirnir og gólfflísarnar éti þau með húð og hári nema þau sem standa á stöllum. Sömuleiðis er greinilegt að blá- klæddur skúlptúr fremst í ganginum, sá hinn sami og var á afetraktsýning- unni, þarfnast meiri lofthæðar. En hér er vel af stað farið, vonandi verður framhaldið eftir því. -ai

x

Dagblaðið Vísir - DV

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Dagblaðið Vísir - DV
https://timarit.is/publication/255

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.