Dagblaðið Vísir - DV - 05.08.1987, Blaðsíða 29

MIÐVIKUDAGUR 5. ÁGÚST 1987.
29
Hrakfarir Mitter-
r and-fj ölskyldunnar
Fjöloskylda Mitterrand, Frakk-
landsforseta, hefur undanfarið orðið
fyrir hverju áfallinu á fætur öðru.
Fyrkr skömmu lenti sonur forsetans
í bifreiðaslysi á Spáni, þar sem dætur
hans tvær slösuðust alvarlega og
hann sjálfur eitthvað líka. Um síð-
ustu helgi var það eiginkona forset-
ans, Danielle Mitterand, sem var
flutt í ofboði á sjúkrahús, haldin ein-
hverjum ótilgreindum sjúkdómi.
Sjúkdómur frúarinnar var svo bráð-
ur að senda varð þyrlu eftir henni
og var hún lögð inn á Vel de Grace
sjúkrahúsið í Paris.
ívan eða
ekki ívan
John Demjanjuk, fyrrum verka-
maður i bandariskum bifreiðaverk-
smiðjum, hefur undanfarnar vikur
staðið í ströngu frammi fyrir rétti í
Israel. Demjanjuk var framseldur til
ísrael á síðasta ári til þess að svara
fyrir ásakanir um stríðsglæpi sem
hann á að hafa framið í Póllandi á
tímum síðari heimsstyrjaldarinnar.
Segja Israelar Demjanjuk vera sjálf-
an ívan grimma, fangavörð i Tre-
blinka dauðabúðunum sem föngum
stóð mikil ógn af. Demjanjuk segist
hins vegar ekki vera neinn Ivan og
alls ekki hafa gert neitt af sér. Af
fréttum má þó ráða að yfirvöld telja
sig hafa nokkuð traustar heimildir
fyrir ásökunum á hendur honum og
búast flestir við að hann verði sak-
felldur.
Sviðsljós
Pola Negri látin
Bandaríska kvikmyndaleikkon-
an Pola Negri lést úr lungnabólgu
síðastliðinn laugardag, í borginni
San Antonio í Texas. Negri var
talin áttatíu og átta ára gömul.
Pola Negri kvaðst hafa fæðst á
gamlársdag árið 1899. Flestir þeir
sem til hennar þekktu töldu raunar
að hún hefði komið í heiminn mun
fyrr, en ekki hefur verið talin
ástæða til að rengja eigin fullyrð-
ingar hennar því stjörnur mega að
öðru jöfnu ráða aldri sínum sjálfar.
Negri varð fyrst þekkt fyrir kvik-
myndaleik í þýskri mynd, árið 1917.
Hún lék í miklum fjölda þöglra
kvikmynda en kom síðast fram í
kvikmynd frá Walt Disney, árið
1964.
Meðal kvikmynda þeirra, er
Negri var þekkt fyrir, eru ,,The Red
Peacock", „Bella Donna“, „Loves
of an actress" og „The Woman from
Moscow". Negri var tvígift, fyrst
pólskum greifa og síðar rússnesk-
um prinsi. Hún var þó mun þekkt-
ari fyrir ástarsambönd sín við
Charlie Chaplin og Rudolf Valent-
ino.
Síðustu þrjá áratugi lífs síns bjó
Negri í San Antonio.
Amerísk Parísartíska
Bandarískum tískufrömuðum
hefur löngum súrnað það í augum
að þurfa að hlíta frumkvæði París-
arborgar í fatahönnun sinni og
framleiðslu. Hafa þeir reynt að
keppa við „frönsku línuna" en með
misjöfnum árangri, því Parísartísk-
an er traust í sessi. Bandaríkja-
menn fylgja hins vegar flestir þeirri
kenningu að getir þú ekki yfir-
unnið andstæðinga þína sé besta
úrræðið að ganga í lið með þeim.
I samræmi við það hafa margir
tískuhönnuðir að vestan flutt sig
um set, yfir til Parísar, og koma
þannig áhrifum sínum að. Einn
þeirra er Patrick Kelly sem fæddur
er og uppalinn í Mississippi. Hann
sést hér laga fellingar í kjól úr
haustlínu sinni sem hann sýndi
opinberlega í stúdíói sínu í París
þann 25. júlí.

Enn af Monroe og Kennedybræðrum
Marilyn Monroe og samband
hennar við þá Kennedybræður, John
og Robert, hefur um nokkurt árabil
verið eitt af uppáhaldsviðfangsefn-
um slúðurdálkahöfunda. Hefur lítið
slegið á framboð upplýsinga um þetta
efni þótt öll þrjú hafi legið í gröfum
sínum um nokkurt árabil. Monroe
er opinberlega talin hafa svipt sjálfa
sig lífi en bræðurnir féllu báðir fyrir
morðingja hendi, John Fitzgerald,
þá forseti Bandaríkjanna, í Dallas
árið 1963 og Robert árið 1968 þegar
hann vann að sínu eigin framboði til
forsetaembættis.
Sífellt líta nýjar upplýsingar um
samband Monroe við ýmist John eða
Robert, eða báða tvo, dagsins ljós,
þótt vissulega dragi margir áreiðan-
leik heimildanna í efa.
Olyginn
sagði...
Joan Collins
hafði samband við mikils metna
hattabúð fyrir stuttu og tilkynnti
komusína. Hún bað vinsamleg-
ast um að fá að vera í friði fyrir
forvitnum aðdáendum á meðan
hún skoðaði höfuðtauið. Nú
voru góð ráð dýr þvi ekki var
hægt að reka bára alla út og
loka búðinni á meðan Collins
var að velja. Þeir leystu vanda-
málið á hinn besta veg. Collins
keyrði limúsínuna sína upp að
búðinni og sat þar sem fastast
á meðan afgreiðslufólkið hljóp
af sér aukakílóin með hatta í
tugatali á milli bílsins og búðar-
innar. Þessi fyrirhöfn borgaði
sig fyrir búðina sig því Collins
keypti 12 hatta.
Donald
Sutherland
olli kunningjum sinum tölu-
verðum áhyggjum þegar hann
missti á örskömmum tíma heil
25 kíló. En það var víst ekkert
til að hafa of miklar áhyggjur
af. Donald fór bara í svo strang-
an megrunarkúr til að passa
betur inn í hlutverk sitt sem
deyjandi stríðshetja í nýrri kvik-
mynd. Donald, sem nú er aldrei
kallaður annað en baunaspíran,
ætti endilega að gefa öðrum
uppskriftina að þessum undra-
megrunarkúr.
Philippe Junot
fyrrverandi eiginmaður Karólínu
prinsessu af Mónakó er nú 47
ára og ætlar að gifta sig sumar.
Sú heppna er 24 ára, sænsk
stúlka að nafni Nina Wend-
elboe. Þau hittust fyrst fyrir
tveimur árum í veislu í New
York. Nina segist ekki vera
hrædd við að giftast Philippe
þó að hann hafi á sér hinn
mesta glaumgosastimpil. Hún
segir hann hafa róast með aldr-
inum og að þau séu mjög
hamingjusöm og muni búa
saman það sem eftir er lífsins.
Parið ætlar að búa hálft árið í
New York og hinn helminginn
í Madrid.