Dagblaðið Vísir - DV - 16.07.1990, Blaðsíða 3
MÁNUDAGUR 16. JÚLÍ 1990.
3
Fréttir
Emangrunarstöð fyrir gæludýr í Hrísey:
íslenski fjárhundurinn að hverfa
- svimandi upphæðir fyrir hreinræktaða hunda
íslenski fjárhundurinn er fallegur en svo virðist sem ísiendingar hafi litinn áhuga á honum. Endar stofninn upp-
stoppaður sem nýr geirfugl? Á sama tíma ganga hvolpar af erlendum stofnum á allt að 150.000 krónur. DV-mynd RaSi
Samkvæmt lögum er bannað að
flytja tfl landsins hvers konar dýr,
tamin og villt. Undanþágur getur
landbúnaðarráðherra veitt ef yfir-
dýralæknir samþykkir innflutning
og ef dýnmum er haldið í einangrun
eins lengi og nauðsyn er talin á.
í þessum undanþágutilfellum hafa
hundarnir verið hafðir í einangrun
í heimahúsvun undir eftirliti yflr-
dýralæknis.
Ákveðið hefur verið að reisa ein-
angrunarstöð fyrir gæludýr í Hrísey
við Eyjafjörð. Þessi stöð er ekki hugs-
uð eingöngu fyrir hunda heldur
verða öll gæludýr tekin þar inn. Nú
þegar er rekin bráðabirgðastöð sem
tekur við einum hundi í einu en þeg-
ar hún verður fullgerð getur hún
haft sex hunda hverju sinni. Enn
vantar um 5 milljónir til þess að stöð-
in verði fullkláruð. Vonir standa til
að það fjármagn fáist á næsta ári.
Einangrunarstöðin verður rekin í
tengslum við sóttkví fyrir nautgripi
sem þar er fyrir. Með því að hafa
stöðina í Hrísey sparast eftirUts-
kostnaður. Sömu menn geta vaktað
báðar stöðvarnar en nauðsynlegt er
að vakta þær allan sólarhringinn.
Þeir sem hugsa sér að nýta sér stöð-
ina þurfa að leigja búr undir dýrið,
senda það flugleiðis norður og síðan
eru greidd daggjöld. Daggjöldin eiga
að nægja fyrir rekstrarkostnaði.
Mjög mismunandi er hvað hver
hundur þarf að vera lengi í sóttkví
en reiknað er með að það taki um
þrjá mánuði.
Á hundahótelinu á Arnarstöðum
fengust þær upplýsingar að verð fyr-
ir einn hund í sólarhring væri 550
krónur. Ef miðað er við þrjá mánuði
kostar það því 50.000 krónur. Það
gæti því verið nærri þeirri upphæð
sem það kemur til með að kosta að
hafa hund í sóttkví í þrjá mánuði.
Með tilkomu einangrunarstöðvar-
innar verður í engu breytt þeim kröf-
um sem gerðar hafa verjð þegar inn-
flutningur gæludýra hefur verið
heimilaður.
Innflutningur og verð
á hreinræktuðum hundum
Mikið hefur verið rætt um hverjir
hafi fengið þessar umræddu undan-
þágur. Talað hefur verið um að þar
séu séra Jónar á öðrum bekk en
óbreyttir Jónar.
í svari landbúnaðarráðherra við
fyrirspurn Inga Björns Albertssonar
um innflutning á hundum kom fram
að á árunum 1978-1987 bárust 192
skriflegar umsóknir um innflutning
á hundum auk fjölmargra fyrir-
spuma um möguleika á innflutningi.
Á þessu tímabili vora veittar 64
undanþágur. Fimm vegna lögreglu
og hjálparsveita, 27 vegna sendi-
manna erlendra ríkja, fjórar vegna
heimflutnings íslenskra sendiherra
og 28 undanþágur voru flokkaðar
sem „annað“. Flestir hundarnir
komu frá Bandaríkjunum, Dan-
mörku og Bretlandi.
Fólk, sem DV ræddi við, virtist á
einu máli um að mikið væri um að
hundum væri smyglað inn til lands-
ins vegna þess hve erfitt væri að fá
innflutningsleyfi. Einnig getur það
verið gróðavænlegt því verð á hrein-
ræktuðum hundum getur verið
svimandi hátt.
Gefið er út viðmiðunarverð á
hreinræktuðum, ættbókarfærðum
hundum. Uppgefið verð á poddle og
scháfer er 25.000 krónur. Á islenska
•fjárhundinum er það um 35.000.
Hversu undarlega sem það kann að
hljóma miðast það verð við uppgefið
verð frá Danmörku sem síðan fer
eftir skráðu gengi hverju sinni.
Á golden retriever, labrador retri-
ever, írskum shetter og enskum
cocker spaniel er það 45.000 krónur.
Þetta er þó aðeins viðmiðunarverð
og en verðið getur verið talsvert
hærra vegna þess hve framboðið er
lítið én eftirspurnin mikil.
Fyrir tæpum tveimur árum voru
10 hvolpar af St. Bernharðskyni seld-
ir á 150.000 krónur hver. Þetta munu
vera einu hreinræktuðu St. Bern-
harðshundarnir á landinu.
Helga Finnsdóttir dýralæknir segir
það mikið áhyggjuefni aö svo virðist
sem íslenski fjárhundurinn sé að
hverfa. Fólk virðist mun áhugasam-
ara um erlenda hunda en innlenda.
Nú teljast aðeins um 150 hundar vera
af hinu íslenska fjárhundakyni. Svo
miklar eru áhyggjurnar að þings-
ályktunartillaga var samþykkt 1 vor
um að forða stofninum frá útrým-
ingu. Vonandi verður hann þó ekki
nýr geirfugl.
-pj
Nýr glæsilegur Volvo
Volvo 460 er glæsileg viðbót við framhjóladrifnu 400 línuna sem
markaði tfmamót hjá Volvo. Volvo 460 er bíll sem sameinar öryggi,
frábæra aksturseiginleika og fágað útlit.
Volvo 460 er ríkulega búinn:
Öflug 106 hestafla vél með beinni innspýtingu, 5 gíra beinskipting eða
4 gíra sjálfskipting, framhjóladrif, álfelgur, vökvastýri/veltistýri,
lúxusinnrétting, upphituð framsæti, rafstýrðar rúður og speglar,
samlæsing á hurðum/skottloki, litað gler o.fl.
Volvo á einstöku verði
Verðið á Volvo 460 er einstaklega gott, eða frá 1.344.000 kr. stgr.
kominn á götuna.
Brimborg hf.
FAXAFENI 8 • S. 68 58 70