Dagblaðið Vísir - DV - 04.10.1990, Blaðsíða 2

2
FIMMTUDAGUR 4. OKTÓBER 1990.
Fréttir
Nýtt álver kaupir mikla umframorku frá Blöndu:
Blönduvirkjun þó ekki inni
í kostnaðarverði orkunnar
„Viö höfum ákveönar hugmyndir
um hvað það kostar okkur að fram-
leiða orkuna en í þeim hugmyndum
er ekki alltaf gert ráð fyrir kostnaði
af Blönduvirkjun. Við reiknum út
tvenns konar kostnaðarverð ork-
unnar. Annaö er er meðalkostnaðar-
verð út úr þessum virkjunum sem
við getum byggt á næstu árum og
næstu áratugum. Þar er Blanda með
í dæminu. Hitt verðiö er hins vegar
flýtingarkostnaðarverð þar sem
reiknað er út hvaö þaö kostar að
framleiða og afhenda orkuna til
þessa tiltekna álvers. Þá er miðaö við
að það sé byggt á tilteknum tíma og
taki tiltekna orku. í þessu dæmi er
Blanda þegar orðin staðreynd. Það
breytir engu með hennar kostnað
hvort við gerum þessa álsamninga
eða ekki og því kemur hún ekki inn
í kostnaðarverðiö," sagði Elías Elías-
son, forstöðumaður tækniþróunar-
deildar Landsvirkjunar,-í samtali við
DV.
í útreikningum sínum hafa Lands-
virkjunarmenn fundið að ef Lands-
virkjun á að hagnast af viðskiptum
sínum við væntanlegt álver verði
orkuverðið að vera 18,3 mills að jafn-
aöi á samningstímanum. Þá reikna
Landsvirkjunarmenn aö kostnaðar-
verð orkunnar til nýs álvers verði
16,3 mills. Menn hafa síðan spurt sig
hvort kostnaöur við Blönduvirkjun
sé tekinn með i útreikningum á þessu
kostnaðarverði en kostnaður við
Blönduvirkjun verður um 13 millj-
arðar þegar upp er staðið næsta
haust. Svo er ekki.
„Útkoman á kostnaðarverði reikn-
uðu í mills kemur þannig út að reikn-
að er með að Blanda sé þegar risin
og að orku frá henni kosti ekkert að
afhenda."
- En á ekki að reikna Blönduvirkj-
un inn í heildardæmið þó hún sé
þegar langt komin?
„Ef við fáum ekkert álver er fullt
af orku frá Blöndu sem ekki selst.
Ef við getum komið þessari orku í
verð nú er liins vegar um hreinan
hagnað að ra;ða. Að setja kostnað við
Blönduvirkjun inn í kostnaðarverðið
er það sama og að reikna það sem
telst eðlilegur hagnaður inn í kosn-
aðarverðið. Það er hlutur sem hvergi
er tíðkaður. Við reiknum út kostnað-
arverð og semjum síðan um sölu-
verð. Ef mismunurinn þar á milli er
nógu stór gerum við viðskipti. Um-
framorka frá Blöndu gefur okkur
tækifæri til að gera góð.viðskipti og
tilurð hennar gerir samkeppnisstöðu
okkar mun betri. Blönduvirkjun er
staðreynd og við verðum að hagnýta
okkur tilveru hennar hvernig sem
hún kann að vera til komin.“
-hlh
29 ára maður, ákærður fyrir nauðgun sem átti sér stað i Kópavogi í nóvember á síðasta ári, kom til yfirheyrslna
í Sakadómi Reykjavíkur í gær. Maðurinn játaði á sig verknaðinn skömmu ettir að nánast óyggjandi sönnunar-
gögn lágu fyrir hjá Rannsóknarlögreglu ríkisins. Hann var grímuklæddur og vopnaður hnífi þegar hann neyddi
fórnarlambið til samræðis við sig. DV-mynd GVA
Könnun DV og lögreglunnar í Reykjavík vegna kærðra atvika:
Þjóf naðir úr bílum og
búðahnupl hefur stór-
aukist frá 1989
- bílstuldum, innbrotum og skemmdarverkum hefur fækkað
Kærðir þjofnaðir og búðahnupl
hafa aukist verulega í Reykjavík
miðað við fyrstu níu mánuðina í ár
og 1989. Þjófnaðir úr bílum hafa auk-
ist stórlega. Kærðum líkamsárásum
hefur einnig fjölgað um 18 prósent.
Bílstuldum hefur hins vegar fækkað
mjög, um 50 prósent. Innbrotum og
skemmdarverkum hefur einnig
fækkað nokkuð.
Uþplýsingarnar voru unnar af DV
og lögreglunni í Reykjavík. Að sögn
lögreglunnar hefur innbrotum í
íbúðar- og atvinnuhúsnæði fækkaö.
Hins vegar hefur það aukist mjög,
sérstaklega að undanfórnu, að brot-
ist hafi verið inn í bíla og verðmætum
stolið úr þeim. Kærðum þjófnuðum
úr bifreiðum, þegar stolið er úr bíl
sem skilinn er eftir ólæstur og telst
því ekki innbrot, hefur fjölgað veru-
lega. Er það skýringin á þeirri 39
prósent aukningu sem hefur orðið á
milli áranna hvað þjófnaði snertir.
745 þjófnaðir hafa verið kærðir í ár.
Komið hefur fyrir að 5-6 inn-
brot/þjófnaðir úr bílum hafa veriö
kæröir á dag til lögreglu. Bílstuldum
hefur hins vegar fækkað um heil 50
prósent frá í fyrra. Ástæðan er talin
vera sú að bíleigendur hafa sýnt
meiri aðgát við að læsa bílum sínum.
Líkamsmeiöingum fjölgaði um 18
prósent á milli þessara tveggja níu
mánaða tímabila. Tekiö skal fram aö
hér er aðeins um kærð tilfelli að
ræða. Lögreglan telur aö í kjölfar
umræðu um ofbeldi í vetur hafi borg-
arar frekar kært líkamsmeiðingar en
áður var. Er því mjög erfitt að gera
sér grein fyrir raunverulegri aukn-
ingu eða fækkun á milli ára hvað
ofbeldisverk varðar.
Lögreglan segir einnig aö íjölgun
tilfella þar sem búðarhnupl er kært
eigi einnig rætur sínar að rekja til
aukinnar umræðu og eftirlits sem
gert var í vetur. Búðahnupl var 67
sinnum kært fyrstu 9 mánuðina í
fyrra en 115 sinnum í ár. Aukning
er 72 prósent á milli ára.
í könnuninni kom einnig fram að
kærðum rúðubrotum og skemmdar-
verkum fækkaði á milli áranna. Lík-
ur eru leiddar að því að ástandið í
miðborg Reykjavíkur hafi batnað til
muna frá í fyrra, því hafi skemmdar-
verkum fækkað. Stuldum á reiðhjól-
um hefur einnig fækkað eða um 25
prósent síðan í fyrra. -ÓTT
Faðirinn vegna forsjármálsins:
Fer aftur fram á
innsetningargerð
Stefán Guðbjartsson óskaði á ný
eftir því í fyrradag að borgarfógeti
framkvæmdi á ný innsetningargerð
vegna dóttur sinnar samkvæmt fyrri
úrskurði - það er að segja að barnið
yrði tekið frá móður sinni með fóg-
eta- og lögregluvaldi.
Innsetning átti að fara fram þann
8. september síðastliðinn. Til þess
kom þó ekki. Nokkru síðar vísaði
Hæstiréttur frá kæru fööurins á
hendur fógeta en hann féll frá því
að framkvæma innsetninguna - taka
barnið - þar sem lögregla veitti hon-
um ekki þann atbeina á vettvangi
sem hann óskaði eftir. Fógeti upp-
lýsti í gær að afstaða hans og lög-
reglustjóra væri óbreytt.
„Innsetning verður ekki reynd að
nýju við þessar aðstæður," segir í
skjali fógeta sem hann lagði fram í
fyrradag. -ÓTT
Líkamsmeiðingar fyrstu
9 mánuði ársins
Auðgunarbrot
□ 1989
320
1989 1990
og nytjastuldir
| 1990
Tölurnar eru byggðar á kærum til lögreglunnar i Reykjavik.