Dagblaðið Vísir - DV - 03.04.1991, Blaðsíða 3

MIÐVIKUDAGUR 3, APRÍL 1991. •
3
Fréttir
Steingrímur Hermannsson svarar læknum:
Legg ekki dóm á um-
mæli Ólafs um lækna
- segir lækna verða að gæta sín í orðavali
„Eg hef engar forsendur til að
styðja ummæli Ólafs Ragnars um
lækna og hef reyndar ekki ástæðu
til að ætla aö læknar brjóti heilög
siöalögmál sín í kjarabaráttunni.
Hins vegar hefur Ólafur Ragnar rætt
við lækna og hlýtur að draga eigin
ályktanir af þeim viðtölum. Um þær
ályktanir er ég ekki dómbær. Þau
ummæli, sem deilt er um, eru alfarið
á hans ábyrgð en ekki ríkisstjórnar-
innar,“ segir Steingrímur Her-
mannsson forsætisráðherra.
Steingrímur hefur nú svarað með
bréfi þeirri spurningu Læknafélags
Reykjavíkur hvort hann og ríkis-
stjórnin styðji þau ummæli sem Ólaf-
ur Ragnar Grímsson fjármálaráö-
herra viðhaföi i fréttatíma sjónvarps
fyrir skömmu. Þar kvaö hann full-
trúa lækna hafa hótaö því að láta
sjúklinga deyja kæmi ríkið ekki til
móts við kröfur þeirra.
Þó Steingrímur vilji ekki leggja
dóm á ummæli Ólafs Ragnars segir
hann ljóst aö læknar verði að gæta
sín í orðavali. Þannig hafi þeir til
dæmis víða komist á óviðeigandi
máta að oröi í skriflegri greinargerð
sem þeir sendu frá sér í janúar síð-
ast liðnum. Þar tala þeir um hvað
geti gerst séu þeir reittir til reiði.
„Ég ætla að vona að sú greinargerð
hafi einungis verið skrifuð í hita
leiksins,“ segir Steingrímur
Að sögn Steingríms kemur sú skoð-
un hans fram i bréfinu að hann telji
eðlilegt að kjör lækna á sjúkrahúsum
verði ákvörðuð af kjaradómi. Einnig
segir hann nauðsynlegt að betur
verði greint á milli starfa þeirra á
sjúkrahúsunum og sem sérfræðinga.
-kaa
Vesturland:
Arnórefstur
álista
Frjálslyndra
Sguiður Sverrisson, DV, Akranesú
„Það sem réð endanlegri
ákvörðun minni að taka að mér
að leiða framboð Frjálslyndra á
Vesturlandi var „svarta skýrsl-
an“ frá landlækni um fjárhags
lega stöðu fatlaðra og sjúkra sem
kynnt var fyrir stuttu,“ sagði
Arnór Pétursson er DV ræddi viö
hann. Arnór, sem um árabil hef-
ur verið formaður íþróttafélags
fatlaðra, hefur samþykkt að taka
efsta sætiö á lista Frjálslyndra
fyrir komandi alþingiskosningar.
„Ég tel mig þekkja Akurnes-
inga og Vestlendinga þaö vel að
þeir séu reiðubúnir til að leggja
Frjálslyndum lið viö að leiðrétta
það míkla misræmi sem skapast
hefur á kjörum þessa fólks og
annarra þegna landsins," sagði
Arnór.
Ólafur Ragnar Grímsson fjármálaráðherra:
Klassískur Steingrímur að mæla á báða bóga
- þeir sem kalla mig skúrk verða ekki teknir vettlingatökum
„Þetta svar forsætisráðherrans er
svona klassískur Steingrímur. Hann
mælir á báða bóga. Kjarni málsins
er hins vegar sá aö hann hefur
greinilega orðið mjög undrandi á
þessari greinargerð læknanna. Og
hann er sammála því sem ég hef ver-
ið að boöa. Það verður að leggja nið-
ur þetta kerfi sem gerir ráð fyrir að
læknar séu bæði í vinnu á spítulun-
um og s'em sjálfstæðir verktakar úti
í bæ. Það er óeðlilegt að kjaramál
lækna séu háð því hversu vel þeim
gengur í verktakabransanum. Um
þetta hefur stríðið við læknana stað-
ið,“ segir Ólafur Ragnar Grímsson
fjármálaráðherra um svarbréf for-
sætisráðherra til lækna.
Ólafur Ragnar segir lækna ætíð
hafa hafnað að gera breytingar á
þessu kerfi. Þess í stað hafi þeir vahð
að vera í kjaradeilum, með verkfalls-
hótunina að vopni, til að geta styrkt
sig sem sjálfstæöa verktaka.
Hvað varðar hörð viðbrögð lækna
gegn ummælum sínum segir Ólafur
það lýsandi dæmi um ólýðræðisleg
vinnubrögö þeirra að hafna opin-
skáum umræðum um málið.
„í bréfi, sem þeir sendu mér á laug-
ardaginn, hafna þeir allri efnislegri
umræðu um þetta mál nema ég biðj-
Olaiur Ragnar segist ekki óttast um meðferð lækna á eiginkonu sinni,
Guðrúnu Þorbergsdóttur, sem handleggsbrotnaði fyrir skömmu.
DV-mynd GVA
Flæðilínur til Akureyringa
Sigurður Sverrisson, DV, Akranesi:
Útgerðarfélag Akureyringa hefur
gengið frá samningi við Þorgeir &
Ellert hf. hér á Akranesi um kaup á
fjórum flæðilínum ásamt tilheyrandi
tengibúnaði.
Að sögn Þorgeirs Jóefssonar hjá
Þ&E er þetta samningur upp á 33
milljónir króna. Þorgeir & Ellert hf.
hefur selt margar flæðilínur undan-
farna mánuði en þetta er langstærsti
samningur sinnar tegundar sem fyr-
irtækið hefur gert.
ist fyrst fyrirgefningar. Þetta sýnir
hvað best hrokann í þessum mönn-
um. Þeir virðast ekki gera sér grein
fyrir því að þeir eru aö ráðstafa skatt-
peningum almennings. Þeir telja sig
geta gengiö í þennan sjóð almennings
eins og þeim sýnist og gera sífelldar
kröfur í þessa skattpeninga."
Að sögn Ólafs Ragnars undrast
hann mjög yfirlýsingagleði lækna í
þessu máli. Telur hann sumt af því
sem forystumenn þeirra hafa látiö
hafa eftir sér ekki til þess fallið að
auka á virðingu þessarar starfsstétt-
ar.
„Formaður félagsins hefur til
dæmis komið fram í fjölmiðlum og
kallað mig skúrk og ætlast svo til að
það sé borin sérstök virðing fyrir
félaginu. En maður sem kallar flár-
málaráðherra skúrk getur varla
búist við einhverjum vettlingatök-
um,“ segir Ólafur Ragnar.
-kaa
(gfmstrong
NIÐURHENGD LOFT
Frá og með 1. apríl 1991 tekur TEPPABÚÐIN HF. við dreif-
ingu ARMSTRONG-LOFTA á íslandi.
Um leið og við bjóðum TEPPABÚÐINA HF. velkomna í
hóp söluaðila ARMSTRONG-LOFTA er Þ. Þorgrímssyni hf.
þakkað langt og gott samstarf.
TEPPABÚÐIN KF. mun kappkosta að veita arkitektum,
hönnuðum, verktökum og kaupendum ARMSTORNG-
LOFTA góða þjónustu og ráðgjöf við hönnun og val niður-
hengdra lofta frá ARMSTRONG.
Leitið tilboða hjá TEPPABÚÐINNI HF.
ARMSTRONG WORLD INDUSTRIES LTD.
TEPIMIJIHN
GÓLFEFNAMARKAÐUR, SUÐURLANDSBRAUT 26, S. 91-681950