Dagblaðið Vísir - DV - 03.04.1991, Blaðsíða 13

r
MIÐVIKUDAGUR 3. APRIL 1991.
13
Menning
„Ein ég sit og krauma“
Fyrir jólin kom út ljóðabókin Silfurstrá eftir Aðal-
heiði Sigurbjömsdóttur og er þetta fyrsta bók höfund-
ar.
Bókin hefur að geyma 35 ljóð og í þeim flestum svíf-
ur svipaður andi yfir vötnunum, þ.e. tjáning sárra og
nístandi tilfinninga.
Margir titlar ljóðanna gefa til kynna söknuð og eftir-
sjá svo og erfiöleika við staðsetningu manneskjunnar
í veröldinni s.s „Heimþrá", (bls. 7), „Sorgarviðbrögð“,
(bls. 18), „Ánauð“, (bls. 42), „Martröð", (bls..45) og
„Barnlaus móðir", (bls. 52) svo dæmi séu tekin.
Hræðsla, ótti og einmanakennd umlykur ljóðmæ-
landa í heimi þar sem engum er treystandi og þar sem
allar leiðir virðast lokaðar. í „Dead End“ (bls. 14-15)
er á örvæntingarfullan hátt lýst skelflngu konunnar
gagnvart ástandi sem enginn getur upplifað nema
hún, óttanum við breytingar og hvað tekur við í nán-
ustu framtíð:
Opið sár
er ég á göngu
í mannþröng
ekkert má mig snerta
útblásin blaðra
komin að því
aö springa
svífandi úti í óvissu
engmn er að treysta
speki læðist yfir hálan ís
á leiöinni til þin
þess óþekkta
láta blæða
oft leka
og um þig
visku hnjóta
vera eitt með þér
í blindgötu
Allt er í heiminum hverfult og þess bera ljóð Aðal-
heiðar glöggt vitni. Ástin kemur og fer (sbr. „Minning
1“ bls. 12-13), „tilfmningarnar stranda á litlum skerj-
um“ (bls. 43) og dauðinn er eilífiega nálægur:
Stundum sé ég
eldri mann
á götu
hann hefur þessi
ungu augu þín
og ég harma
að þú skyldir ekki fá
að eldast
(„Ljóð“ bls. 21).
í hverju ljóðinu á fætur öðru er ljóðmælandi einn á
ferð. Hann er einungis fórnarlamb aðstæðna og fær
engu um ráðið þótt hann reyni af fremsta megni að
streitast á móti og snúa örlögunum sér í hag. Fjöregg
hans er í annarra höndum og lítið annað hægt að gera
en bíða og sjá:
Þeir
leika sér
með boltann
sparka
á milli sín
kúlunni
tveir
klæddir
miklum efnum
konungar
í margtoldum
skikkjum
storka
náttúrulögmáli
og jörðinni
(„Ljóð“ bls. 55).
Bókmenntir
Sigríður Albertsdóttir
í einstaka ljóði bregður ljóðmælandi fyrir sig orða-
leikjum eins og t.a.m. í ljóðinu „Stund“ (bls. 44) þar
sem snúið er út úr þekktu barnalagi:
Ein ég sit
og krauma
inni
í heitu homi
enginn
kemur að tjá sig
úti á svölum
Starri
Hér er áherslan lögð á einsemdina eins og svo oft
áður og ennfremur biðina sem er eitt sterkasta þemað
í ljóðum Aðalheiðar. í hverju ljóðinu á fætur öðru er
ljóðmælandi að bfða eftir að eitthvað gerist, að eitthað
eða einhver komi til bjargar og snúi lífinu í annan
farveg. Óvirkni og örvænting eru sterk einkenni og
ljóðmælandi brýst um eins og fugl í búri, langar út
en kemst hvergi. En þrátt fyrir þessar þungu undiröld-
ur er ekki annað hægt en halda áfram að vona því
einhvers staðar kúrir fegurðin í líki ljóðs eða lítils
barns. Einhvers staðar situr gleðin við völd tilbúin að
bjóða ljóðmælanda heim:
, vindurmn blæs
í hári mínu
og ég fmn
eftirvæntinguna
(Úr „Vitjunartíma" bls. 57-58).
Ljóð Aðalheiðar eru mörg hver vönduð og vel úr
garði gerð, sérstaklega styttri ljóð bókarinnar þar sem
höfundur leggur sig fram við að segja sem mest í sem
fæstum orðum. Þetta eru persónuleg ljóð og greinilegt
er að höfundi er mikið niðri fyrir, svo mikið að stund-
um verður útkoman helst til flöt og yfirborðskennd
(t.a.m. í „Bamlaus móðir"). En oftar tekst vel til, orða-
notkun er hnitmiðuð og skýr og tilfinningar ljóðanna
djúpar og sannfærandi.
Aðalhelður Slgurbjörnsdóttlr,
Sllfurstrá,
Skákprent 1990.
Nauðungamppboð
þriðja og síðasta
á eftirtöldum eignum:
Einigrund 9.02.01, þingl. eigandi Har-
aldur Hjaltason, fer fram á eignixmi
sjálfri fóstudaginn 5. apríl 1991 kl.
11.00. Uppboðsbeiðendur em Akra-
neskaupstaður, Lögmannsstofan
Kirkjubraut 11, Veðdeild Landsbanka
íslands og Sigríður Thorlacius hdl.
Skólabraut 14, þingl. eigandi Stjömu-
kaffi hf., fer fram á eigninni sjálfri
föstudaginn 5. apríl 1991 kl. 11.30.
Uppboðsbeiðendur em Ólafur Axels-
son hrl., Ólafur Garðarsson hdl., Sig-
ríður Thorlacius hdl., Landsbanki Is-
lands, Lögmannasstofan Kirkjubraut
11 og Ingólfur Friðjónsson hdl.
BÆJARFÓGETINN Á AKRANESI
AUKABLAÐ
TÆKNI
DV-Tækni er sérstakt aukablað sem er fyrirhugað að fylgi DV miðviku-
daginn 10. apríl nk.
í blaðinu verður Qallað um tækni og vísindi á breiðum grundvelli,
sérstaklega nýjustu tækni dagsins í dag í atvinnurekstri, í daglegum
störfum og leik, á heimilum o.fl.
Sérstöku Ijósi mun verða beint að almennum einkatölvunotendum.
Leitast verður við að upplýsa um tölvur, jaðartæki, hugbúnað og
annan búnað sem fólk, sem notar tölvur, þarf á að haida.
Eins og í DV-Tækni í fyrra mun áhersla verða lögð á stuttar, hnitmið-
aðar greinar á mæltu máli sem notendur skilja eins vel og tækni-
menn.
Auk tölva, prentara, hugbúnaðar og þess sem fylgir er ætlunin að
Qalla um Ijósritunarvélar, fax- og símatækni alls konar, þjófavarna-
kerfi og annan búnað sem tengist tölvunotkun og skrifstofuhaldi.
Auglýsingum í DV-Tækni þarf að skila í síðasta lagi fimmtudaginn
4. apríl.
Ath.I Símafaxnúmer okkar er 91-27079 og sími auglýsingardeildar
91-27022
Mosfellsbær
Nýr umboðsmaður í Mosfellsbæ frá og með
1. apríl.
Unnur Guðrún Gunnarsdóttir
Merkjateigi 2
sími 666858
UTANKJÖRSTAÐARKRIFSTOFA SJALFSTÆDISFLOKKSINS
VALHÖLL, HÁALEITISBRAUT 1, 3. HÆÐ.
SÍMAR: 679902 - 679903 - 679904
Utankjörfundaratkvæðagreiðsla fer fram hjá
borgarfógetanum í Reykjavík, Skógarhlíð
6, jarðhæð, alla daga kl. 10-12, 14-18 og
20-22 nema sunnudaga kl. 14-18.
Skrifstofan gefur upplýsingar um kjörskrá
og allt sem lýtur að kosningunum. Aðstoð
við kjörskárkærur.
Sjálfstæðisfólk! Hafið samband við skrifstof-
una ef þið verðið ekki heima á kjördag, 20.
apríl nk.
Auglýsingar. Þverholti 11 - sími 27022.
FRÁ YFIRKJÖRSTJÓRN VESTURLANDSKJÖRDÆMIS
Framboðsfrestur til alþingiskosninga í Vesturlands-
kjördæmi 20. apríl 1991 rennur út föstudaginn 5.
apríl nk. kl. 12 á hádegi.
Framboðum skal skila til formanns yfirkjörstjórnar á
skrifstofu hans, Borgarbraut 61, Borgarnesi. Einnig
tekur yfirkjörstjórn á móti framboðum í Hótel Borgar-
nesi kl. 11-12 föstudaginn 5. apríl 1991.
Á framboðslista í Vesturlandskjördæmi skulu að lág-
marki vera 5 nöfn og eigi fleiri en 10 nöfn. Fjöldi
meðmælenda er að lágmarki 100 og eigi fleiri en 1 50.
Fylgja skal tilkynning um hverjir eru umboðsmenn
framboðslista.
27. mars 1991
Yfirkjörstjórn Vesturlandskjördæmis
Gísli Kjartansson
Steinunn Ingólfsdóttir Sveinn Kr. Guðmundsson
Páll Guðbjartsson Gunnar Elíasson
Venjum unga
hestamenn
strax á að
N0TA HJÁLM!