Dagblaðið Vísir - DV - 03.04.1991, Blaðsíða 26

26
MIÐVIKUDAGUR 3. APRÍL 1991.
Afmæli
Sigurður Þ. Sigfússon
Sigurður Þ. Sigfússon, bóndi í Staf-
holtsey í Andakílshreppi, varð sex-
tugurígær.
Starfsferill
Sigurður fæddist í Blönduhlíð og
ólst upp í Dalasýslu og Snæfellsnes-
sýslu til 1946 er hann flutti með for-
eldrum sínum tii Keflavíkur. Hann
stundaði sjómennsku og fiskvinnslu
í Keflavík á unglingsárunum og
keyrði síðan hjá Essó á Keflavíkur-
flugvelli í tæp tvö ár. Sigurður flutti
svo alfarinn í Borgarfjörðinn 1953 og
hefur stundað búskap í Stafholtsey
síðan.
Fjölskylda
Kona Sigurðar er Sigríður P. Blön-
dal, f. 17.2.1932, bóndi, en hún er
dóttir Páls J. Blöndal, b. í Stafholts-
ey, og Pálfríðar Pálsdóttur hús-
freyju
Börn Sigurðar og Sigríðar eru
Sigfús Blöndal Sigurðsson, f. 16.4.
1953, bóndi; Jóhanna Blöndal Sig-
urðardóttir, f. 28.7.1954, búsett í
Færeyjum og er sambýlismaður
hennar Knút P.I. Gong en börn
hennar eru Sigríður Huld Guð-
mundsdóttir, f. 8.4.1982, og Kári
Blöndal L Gong, f. 15.9.1989; Jón
Páll Blöndal Sigurðsson, f. 8.11.1959,
húsasmiður; Pálfríður Blöndal Sig-
urðardóttir, f. 28.10. l$ll.
Systkini Sigurðar: Friðrik Sigfús-
son, f. 9.4.1923, yfirtollvörður í
Keflavík, nú látinn; Jakob Sigfús-
son, f. 20.3.1929, verkamaður í
Reykjavík; Guðni Sigfússon, f. 8.7.
1932, húsasmiður í Reykjavík.
Foreldrar Sigurðar voru Sigfús
Einarsson, f. 18.3.1893, d. 1974, b. í
Dalasýslu og síðar verkamaður í
Keflavík, og Jóhanna Jónsdóttir, f.
21.9.1889, d. 3.9.1978, húsfreyja.
Ætt
Sigfús var sonur Einars, b. í
Blönduhlíð, Guðmundssonar, b. í
Dunk í Hörðudal, Guðmundssonar.
Móðir Einars var Kristín Einars-
dóttir. Móðir Sigfúsar var Björg,
systir Kristínar, móður Halldórs
Finns, fyrrv. b. á Dýrastöðum í
Norðurárdal. Bræður Bjargar voru
Sigurður Þ. Skjaidberg, kaupmaður
í Reykjavík, og Kristjón, faöir Há-
konar Heimis lögfræðings. Björg
var dóttir Þorvarðs, hreppstjóra á
Leikskálum í Haukadal, Bergþórs-
sonar, b. á Leikskálum, Þorvarðs-
sonar, b. á Leikskálum, Bergþórs-
sonar, b. á Leikskálum, Þorvarös-
sonar, bróður Finns, langafa Guö-
laugs, langafa Jóhannesar úr Kötl-
um. Móðir Þorvarðs hreppstjóra var
Björg Hallsdóttir. Móðir Bjargar
Þorvarðsdóttur var Kristín Jónas-
dóttir, b. á Innra-Leiti á Skógar-
strönd, Þorsteinssonar.
Jóhanna, móðir afmæhsbarnsins,
var dóttir Jóns, b. á Kirkjuhóli í
Sigurður Þ. Sigfússon.
Skagafirði, Nikulássonar, og Þor-
bjargar Steinsdóttur frá Stóru-Gröf.
Joakim Snæbjömsson
Jóakim Snæbjörnsson, plötu- og
ketilsmiður, Meistaravöllum 7,
Reykjavík, er sextugur í dag.
t
Starfsferill
Jóakim fæddist í Reykjavík og ólst
þar upp í foreldrahúsum. Hann lauk
prófum frá Iðnskólanum í Reykja-
vík 1947, stundaði nám í plötu- og
ketilsmíði hjá Stálsmiðjunni og lauk
þaðan sveinsprófi í árslok 1952. Jóa-
kim starfaði hjá Stálsmiðjunni til
1955, síðan hjá Sindra og vann við
ýmsar aðrar smiðjur. Hann hóf störf
við Melavöllinn í Reykjavík og starf-
aði við merkingar á íþróttavöllum
síðustu fimm árin sem Melavöllur-
inn var starfræktur. Jóakim fékk
hjartaáfall fyrir nokkrum árum sem
dró mjög úr starfsþreki hans en þó
starfaöi hann um skeið við KR-
völlinn.
Fjölskylda
Jóakim á tvær dætur. Þær eru
Sigríður, f. 1964, verslunarmaður í
Reykjavík, og Jenný, f. 1968, starfs-
maður hjá Pósti og síma í Reykjavík.
Jóakim á sex systkini. Þau eru
Guðfinna, f. 1929, húsmóðir í
Garðabæ, ekkja eftir Össur Sigur-
vinsson húsasmið; Margrét, f. 1933,
húsmóðir í Kópavogi, gift Birni
Bimir teiknikennara; Helga, f. 1937,
húsmóðir á Álftanesi, gift Birgi Guö-
mundssyni tæknifræðingi og fram-
kvæmdastjóra; Anna, f. 1939, hús-
móðir á Álftanesi, gift Kristjáni
Birgi Kristjánssyni vélstjóra; Guð-
rún, f. 1941, húsmóðir í Garðabæ,
gift Guðna Gústafssyni, löggiltum
endurskoðanda; Ólafur, f. 1944, raf-
virkjameistari og háseti á Ögra,
búsettur á Álftanesi, kvæntur
Oddnýju Sigurðardóttur húsmóður.
Foreldrar Jóakims voru Snæbjörn
Ólafsson, f. 1899, d. 1984, skipstjóri
í Reykjavík, og kona hans, Sigríður,
f. 1906, d. 1986, húsmóðir.
Ætt
Systir Snæbjarnar var Sigríður,
móðir Ólafs Jenssonar, yfirlæknis í
Blóðbankanum. Snæbjörn var son-
ur Ólafs, útvegsb. í Gestshúsum,
Bjarnasonar, útvegsb. á Hliöi, Stein-
grímssonar, útvegsb. í Melshúsum
á Álftanesi, Jónssonar. Bróðir
Bjama var Ketill elsti, útvegsb. í
Kotvogi. Móöir Ólafs var Sigríður
Jónsdóttir, b. í Skógarkoti í Þing-
vallasveit, Kristjánssonar. Móðir
Jóakim Snæbjörnsson.
Snæbjarnar var Guðfinna, dóttir
Jóns, b. á Deild á Álftanesi, Jónsson-
ar, b. á Deild, ogkonu hans, Guð-
finnu Sigurðardóttur.
Sigríður, móðir Jóakims, var dótt-
ir Jóakims, útvegsb. á Heimabæ í
Hnífsdal, Pálssonar, útvegsb. á
Heimabæ í Hnífsdal, Halldórssonar,
b. í Hnífsdal, Pálssonar. Móðir Hall-
dórs vár Margrét Guðmundsdóttir,
b. í Arnardal, Bárðarsonar, b. í Arn-
ardal, Illugasonar, ættfóður Arnar-
dalsættarinnar.
Menning
Laugarásbíó - Havana ★★
Pukur
Havana er gott dæmi um ofhlaðna kvikmynd. Um-
gjörð myndarinnar er nánast fullkomin og öll tækni-
vinna og tónlist eins og best verður á kosið. Samt nær
myndin aldrei almennilegu flugi, er eins og falleg eftir-
liking af Casablanca og öðmm góðum rómantískum
þrillerum.
Eins og ávallt þegar þeir félagar Sidney Pollack og
Robert Redford taka sig til og gera saman kvikmynd
vekur það mikla athygli og kannski var athyglin enn
meiri þegar spurðist að þeir ætluðu sér að gera Ha-
vana eftir handriti sem lengi hafði velkst á milli kvik-
myndaframleiðenda. í minningunni er góð samvinna
þeirra ríð gerð Out of Africa. Ef einhverjir hafa búist
ríð samskonar afreki verða þeir hinir sömu fyrir von-
brigðum með Havana. Það verður þó að segja Havana
til hróss að í myndinni eru nokkur góð atriði sem
hrífa en falla svo inn í langdregna heild.
Sögusríðið er Havana þegar stjóm einræðisherrans
Batista er að líða undir lok á sjötta áratugnum. Red-
ford leikur fjárhættuspilara sem lætur sig litlu skipta
stjómmál og skærur. Áhugamál hans er eingöngu f]ár-
hættuspil og konur. Hann fellur kylliflatur fyrir glæsi-
legri konu sem biður hann um hjálp. Síðar kemst
hann að þrí að hún er gift háttsettum stuöningsmanni
uppreisnarmanna.
Framan af gengur söguþráðurinn upp. Spenningur
myndast um samband þeirra tveggja og mannmargar
og ríðburðaríkar senur af mannlífi og róstum í Havana
em sérlega vel gerðar, en eftir þrí sem samband aðal-
persónanna verður nánara leysist söguþráðurinn
smám saman upp í melódramatíska atburðarás sem
hefur sinn endapunkt um leið og Batista-sljómin fellur.
Eins og gefur að skilja er hlutverk fjárhættuspilar-
ans eins og klæðskerasaumað fyrir Robert Redford.
Aldurinn er aðeins farinn að setja mark á andlit hans,
en sem fyrr er hann karlmannleikinn uppmálaöur.
Hlutverk Redfords hér er ekki ósrípað mörgum hlut-
á Kúpu
Robert Redford við spilaborðið í Havana.
Kvikmyndir
Hilmar Karlsson
verkum sem hann hefur leikið áður. Munurinn er að
nú er leikgleöin horfin og er þetta sérstaklega áber-
andi í samleik þeirra Olins og er lítill tilfinningahiti í
samleik þeirra. Þessi máttlausi leikur gerir persónum-
ar ósannfærandi. Olin sem sló eftirminnilega í gegn í
Hinn óbærilegi léttleiki er jafnvel enn glæsilegri hér,
en sá kynþokki sem geislaði af henni er ekki til staöar
í Havana. Alan Arkin og Raul Julia gera aukahlutverk-
um góð skil og skapa eftirminnilegar persónur.
Havana er að mörgu leyti dæmi um kríkmynd sem
gengur ekki upp. Engum ætti þó beinlínis aö leiðast
undir sýningu myndarinnar, en í lokin er manni efst
í huga, hvað fór úrskeiðis?
HAVANA
Leikstjóri: Sidney Pollack.
Handrit: Judith Rascoe.
Aöalhlutverk: Robert Redford, Lena Olin og Alan Arkin.
95 ára
Guðný Stefánsdóttir,
Blómsturvöllum 8, Grindavík.
85 ára
Guttormur Þorsteinsson,
Löndum 2, Stöðvarfírði.
80 ára
Jón S. Helgason,
Lyngholti, Bárðdælahreppi.
75 ára
Bjarni Guðmundsson, Ákursbraut 22, Akranesi.
70 ára
Halldór V. Jóhannsson, Akraseli 15, Reykjavik. Hallgrímur Hallgrímsson, Túngötu2, Grindavík.
60 ára
Viðar Þorsteinsson,
Hjallalandi 16, Reykjarík.
Garðar Sigurður Þorsteinsson,
Drafnargötu 6, Flateyri.
Gísli Guðmundsson,
Skólagerði 41, Kópavogi.
Sesselja J. Helgadóttir,
Hjarðarholti3, Akranesi.
Garðar Aðaisteinsson,
Eyrarvegi 2A, Akureyri.
Regína Vilhelmsdóttir,
Sævarlandi, Skefilstaðahreppi.
50ára
Erla Ellertsdóttir,
Brúarflöt6, Garðabæ.
Hörður Guðmundsson,
Reynigrund 47, Kópavogi.
Guðrún Sigurveig Jóhannsdóttir,
Hörðalandi 16, Reykjavík.
40ára
Mourits Mohr Vang,
Víðivangi 5, Hafnarfirði.
Sigrún Jóna Baldursdóttir,
Ferjubakka 12, Reykjavík.
Steinunn Sigurðardóttir,
Jörundarholti 43, Akranesi.
PállBiering,
Eiríksgötu 11, Reykjavík.
Matthías Hagvaag,
Barmahlíð 34, Reykjavík.
Stella Gunnarsdóttir,
Ásbraut 17, Kópavogi.
Guðjón Bergsson,
Hamrafossi, Skaftárhreppi.
Klara Sæland,
Suðurengi 23, Selfossi.
Hún tekur á móti gestum á heimili
sínu, síðdegis á afmælisdaginn.
Þorsteinn Hauksson,
Engjaseli 31, Reykjavík.
' RAUTT LJÓS
RAUTT UOSf
«1
UMFERÐAR
RÁÐ