Dagblaðið Vísir - DV - 27.02.1993, Page 14

Dagblaðið Vísir - DV - 27.02.1993, Page 14
14 LAUGARDAGUR 27. FEBRÚAR 1993 Útgáfufélag: FRJÁLS FJÖLMIÐLUN HF. Stjórnarformaður og útgáfustjóri: SVEINN R. EYJÓLFSSON Framkvæmdastjóri og útgáfustjóri: HÖRÐUR EINARSSON Ritstjórar: JÓNAS KRISTJÁNSSON og ELLERT B. SCHRAM Aðstoðarritstjórar: HAUKUR HELGASON og ELlAS SNÆLAND JÓNSSON Fréttastjóri: JÖNAS HARALDSSON Auglýsingastjórar: PÁLL STEFÁNSSON og INGÓLFUR P. STEINSSON Ritstjórn, skrifstofur, auglýsingar, smáauglýsingar, blaðaafgreiðsla, áskrift, ÞVERHOLTI 11, 105 RVlK, SlMI (91)63 27 00 SlMBRÉF: Auglýsingar: (91 )63 27 27 - aðrar deildir: (91 )63 29 99 GRÆN NÚMER: Auglýsingar: 99-6272 Áskrift: 99-6270 AKUREYRI: STRANDGÖTU 25. SlMI: (96)25013. Blaðamaður: (96)26613. SlMBRÉF: (96)11605 Setning, umbrot, mynda- og plötugerð: PRENTSMIÐJA FRJÁLSRAR FJÖLMIÐLUNAR HF„ ÞVERHOLTI 11 Prentun: ÁRVAKUR HF. - Áskriftarverð á mánuði 1200 kr. Verð í lausasölu virka daga 115 kr. - Helgarblað 150 kr. Heiðra skulum við skálkinn Evrópusamfélagið sýndi enn einu sinni rétt eðli sitt í fyrrakvöld, þegar það setti höft á ferskan fisk og fersk- ar fiskafurðir. Þetta staðfestir það, sem oft hefur verið sagt hér, að Evrópusamfélagið er svo hættulegt um- hverfi sínu, að við neyðumst til að ganga í það. Ef við erum í Samfélaginu, geta íslenzkir sérhags- muna- og þrýstihópar fengið greiðan aðgang að kerfinu í Bruxelles. Fyrir utan það erum við hins vegar hluti af umhverfi þess og erum háðir alls konar duttlungum og frekju sérhagsmuna- og þrýstihópa innan þess. í stórum dráttum má segja, að kerfi Evrópusamfélags- ins sé eins konar risavaxið landbúnaðarráðuneyti að íslenzkum hætti. Það er sett á stofn til að vernda rót- gróna, vel skipulagða og hávaðasama sérhagsmuni gegn almannahagsmunum og sviptingum markaðslögmála. Rætur Evrópusamfélagsins liggja í Evrópska kola- og stálsambandinu, sem stofnað var eftir stríð til að halda uppi verði í Evrópu og hindra samkeppni frá öðrum heimsálfum. Samfélagið hefur víkkað verkefnið og gæt- ir nú evrópskra sérhagsmuna á breiðri víglínu. Höfuðmarkmið Samfélagsins er að vernda hin stóru fáokunarfyrirtæki Evrópu gegn japönskum og banda- rískum keppinautum. Annað í röð markmiðanna er að vemda hávaðasama sérhagsmuni á sama hátt. Allir þessir aðilar mynda vel skipulagða þrýstihópa . Franskir sjómenn hafa stælt eftir frönskum bændum þá árangursríku aðferð að haga sér eins og óþæg vand- ræðabörn, sturta mat á götur og rústa markaðsskála. Þeir ganga berserksgang, unz þeim er hlýtt. Þess vegna er nú búið að setja lágmarksverð á ferskfisk. Alveg eins og á íslandi eru neytendur ekki spurðir neins. Kerfinu í Bruxelles er hjartanlega sama, hvort þeir borga meira eða minna fyrir fisk. Aðalatriðið er að friða hávaðahagsmuni. Það verður gert aftur og aft- ur, þegar þrýstihóparnir færa sig upp á skaftið. Næst þurfa franskir sjómenn ef til vill meiri vernd. Ef til vill verða það þó fremur fiskvinnslustöðvamar, sem telja sig þurfa meiri vernd gegn umhverfi Evrópu- samfélagsins. í öllum tilvikum verður í skyndingu breytt þeim aðstæðum, sem íslenzkur sjávarútvegur býr við. Sjálfsafgreiðsla þrýstihópa er og verður mikil í sjávar- útvegi, sem í Evrópusamfélaginu er talinn þurfa svipaða gjörgæzlu og landbúnaður. Við getum á þann einn hátt varizt kárínum að vera ekki hluti af umhverfi Samfé- lagsins, heldur hluti af innra þrýstihópakerfi þess. Sem aðilar að Evrópska efnahagssvæðinu fáum við greiðari aðgang að evrópskum markaði. Við náum hins vegar því ekki að verða innangarðs á vandræðabama- heimih þrýstihópanna. Við þurfum að ganga í sjálft Evrópusamfélagið til að verða gjaldgengir á því sviði. Pólitískar skyldur vegna aðildar verða minni en áður var reiknað með. Bretum og einkum Dönum hefur tek- izt að draga allan mátt úr stuðningsmönnum aukinnar samvinnu á sviði stjómmála, utanríkismála og varnar- mála. Fjármál og efnahagsmál verða áfram aðalmálin. Til þess að fá mjúka lendingu í Evrópusamfélaginu þurfum við sem allra fyrst að taka upp þráðinn, svo að við getum náð samfloti með þeim ríkjum Fríverzlunar- samtakanna, sem hafa sótt um aðild að Samfélaginu. Það er sá hópur ríkja, sem fær ódýrastan aðgang. Við eigum að gerast aðilar að Evrópusamfélaginu, svo að það skaði okkur ekki. Við höfum sérhagsmuni af að vera innan kerfis, sem er hættulegt umhverfi sínu. Jónas Kristjánsson Serbar nálgast markió að kljúfa Sarajevo Þróttleysi umheimsins til að lina þjáningar stríðshijáðs almennings í Bosníu-Herzegóvínu, hvað þá heldur að skakka leikinn í þessu mesta blóðbaði sem átt hefur sér stað í Evrópu á síðari hluta aldar- innar, kom átakanlega í ljós í síð- ustu viku. ítrekað hindruðu her- flokkar Serba fór bílalesta Flótta- mannahjálpar Sameinuöu þjóð- anna með fóng til íbúa í umsetnum borgum byggðum múslímum í austurhéruðum Bosníu. Þar er tal- ið að um 200.000 manns sitji í herkví og hafi enga aðdrætti fengið mán- uðum saman. Mikill hluti er flótta- fólk undan þjóöernishreinsunum Serba í nærliggjandi sveitum. Fólk er tekið að falla úr hor í vetrarkuld- unum. Til að vekja aukna athygli á til- raunum Serba til að svelta þá sem þeir ofsækja til uppgjafar ákvað Bosníustjórn að hætta að taka við vistum og lyfjum handa 380.000 íbú- um höfuðborgarinnar Sarajevo. Varö hvort tveggja til þess að Sad- ako Ogata, japanska konan sem stjómar Flóttamannahjálpinni, ákvað að hætta öflum birgðaflutn- ingum í Bosníu sem stæði. Butros Butros Ghali, aðalritari SÞ, taldi Ogata hafa farið út fyrir valdsvið sitt og gaf henni fyrirmæli um að hefla hjálparstarfið á ný og varð hún við því. Yfirherstjóm Serba hefur eitt- hvað séð að sér við þessa atburði því síðustu fregnir herma að birgðalestir hafi komist gegnum vegartálma þeirra til borganna Gorazde, Zepa og Cerska í Austur- Bosníu. Það er fyrsta hjálp sem íbúum hinnar síðastnefndu berst frá því bardagar blossuðu upp fyrir 11 mánuðum. Önnur afleiðing ófremdará- standsins í hjálparstarfsemi er að Bill Clinton Bandaríkjaforseti und- irbýr að láta bandaríska flugherinn hefja hjálp úr lofti með því að kasta niður nauðsynjum í fallhlífum til umsetinna byggðarlaga. Er talið að flutningavélar af Herkúlesgerð verði sendar frá Stuttgart í Þýska- landi til flugs yfir Bosníu. Talsmenn Serba bmgðust hinir verstu við þessum tíðindum, sögðu að múslímar myndu skjóta niður bandaríska flugvél til að geta kennt Serbum um og þannig dregið Bandaríkin inn í átökin. Síðustu fréttir frá Washington segja að vél- amar verði látnar fljúga svo hátt að loftvamarskothríð með þeim vopnum sem til umráða eruí Bosn- íu nái ekki til þeirra, þannig að ekki þurfi að senda orustuflugvélar á vettvang til að gæta þeirra. En sá hængur er á að með flugi í um 3000 metra hæö er engin leið aö miða birgðasendingum í fallhlífum af neinni nákvæmni. Þær geta því bæði valdið tjóni, jafnvel mann- skaða, og lent í annarra höndum en til er ætlast. Þessum fregnum frá Washington fylgir að Clinton muni tilkynna þegar þar að kemur að birgðum verði ekki aðeins varpað úr lofti til byggða múslíma heldur einnig til Króata og Serba sem sitji í herkví. Þar að auki segja fréttamenn að flugflutningarnir séu af hálfu Erlendtíðmdi Magnús Torfi Ólafsson Bandaríkjastjórnar ekki aðeins hugsaðir sem neyðaraðstoð. Einnig sé vonast til að aðgerðin hafi póli- tísk áhrif. Múslímar treysti sér frekar til að koma til móts viö frið- artillögur sáttasemjaranna Vance og Owens þegar Bandaríkin eru komin á vettvang. Á hinn bóginn ættu Serbar að reynast sáttfúsari, af ugg við að bandarísk íhlutun kunni að aukast stig af stigi. En sem fyrri daginn eru það Serb- ar sem sækja fram á jörðu niðri. Um skeið hafa þeir gert harða hríð að tveim vestustu úthverfum Sarajevo, Azici og Stup. Skothríð úr fallbyssum og skriðdrekum Serba hefur látlaust dunið á létt- vopnuðum sveitum Bosníustjórn- ar. í vikunni tóku Serbar Azici. Nái þeir einnig Stup gerbreytist víg- staðan viö Sarajevo þeim í vil. Eftir það hefðu Serbar í rauninni náð yfirráðum yfir veginum frá flugvellinum inn í Sarajevo, einu aðdráttarleið borgarbúa. En jafn- vel meira er í húfi. Með vesturút- hverfin á sínu valdi geta Serbar beitt yfirburðum í vopnabúnaði til að sækja inn í miöborgina og jafn- framt norður fyrir hana. Væru þeir þá í aðstöðu til að kljúfa borgina í tvennt. Forustumenn Serba í Bosn- íu hafa enga dul dregið á að markmið þeirra sé að leggja undir sig vesturhluta Sarajevo og gera að höfuðborg sérstaks Serbaríkis. Með því þættust þeir hafa girt fyrir að Bosnía geti nokkru sinni orðið raunverulegt ríki. Magnús T. Ólafsson Serbi kfkir á stöðvar hers Bosníustjórnar við þorpið Setihovo nærri borginni Gorazde í Austur-Bosníu. Símamynd Reuter Skoöanir annarra Látum dómstólana dæma Smábam er myrt með hroðalegum hætti. Tveir tíu ára drengir era ákærðir fyrir morðið. í þessu máli er það dómstólanna að dæma. Áfallið sem fylgdi morðinu á James Bulger má ekki verða til þess að menn felli dóma aö óathuguðu máli. Mál þetta á að verða okkur tilefni til að leita róta vandans. Hvernig þjóðfélag er það sem við búum í þegar sakleysingjum er slátrað og saklaust fólk má þola harðræði og ofbeldi? Úr leiðara Daily Mail, 22. febr. Ranglæti Bill Clintons Bill Clinton þykist sterkur þegar hann reynir að fylkja Bandaríkjamönnum bak við tillögur sínar í efnahagsmálum með því að ráðast á Evrópubúa. Hann hefur fegniö augastað á Airbus flugvélaverk- smiðjunum. „Ósanngjamt," hrópar hann „fram- leiðslan er niðurgreidd." Það er augljóst að forsetanum líkar ekki að keppi- nautar Boeing, stærsta flugvélaframleiðanda í heimi, era að ná til sín hluta af markaðnum. John Major forsætisráðherra ætti að kenna Clinton sitthvað um staðreyndir lífsins. Úr leiðara Today, 24. febr. * Sum fyrirtæki eru vel stödd Mitt í öllum fréttunum af kreppu og samdrætti heyrist alltaf af fyrirtækjum sem standa sig vel og era í örum vexti. Þessar fréttir eiga að vera okkur hvatning og ábending um að hægt er að gera vel ef rétt er að málum staðið. Úr leiðara Daily Express, 24. febr.

x

Dagblaðið Vísir - DV

Direct Links

If you want to link to this newspaper/magazine, please use these links:

Link to this newspaper/magazine: Dagblaðið Vísir - DV
https://timarit.is/publication/255

Link to this issue:

Link to this page:

Link to this article:

Please do not link directly to images or PDFs on Timarit.is as such URLs may change without warning. Please use the URLs provided above for linking to the website.