Dagblaðið Vísir - DV - 27.02.1993, Blaðsíða 25

Dagblaðið Vísir - DV - 27.02.1993, Blaðsíða 25
LAUGARDAGUR 27. FEBRÚAR1993 25 Menning „Þurfum að efla hug- sjónina og sköpunina' - segir Kolbrún Björgólfsdóttir, menningarverðlaunahafi í listhönnun „Eg hef rekið mitt eigið galleríi í átta ár hér á Vesturgötunni. Þegar ég opnaði það á sínum tíma þótti það mjög nýstárlegt enda hafði ekkert slíkt gallerí verið starfrækt áður. Þetta hefur gengið ágætlega þó maður verði ekki ríkur af þess- um rekstri. Það er svo mikil vinna bak við hvern hlut," segir Kolbrún Björgólfsdóttir sem hlaut menning- arverðlaun DV í listhönnun. Kol- brún fær verðlaunin fyrir hönnun sína sem þykir bera með sér þrosk- aðan og persónulegan stíl. Kolbrún segist alls ekki búa til tískugripi. „Ég fer mína eigin leið," segir hún. „Maður þarf einhvern veginn að vinna sínum hlutum sess. Annaðhvort gengur það eða gerir það ekki. Ef ég væri að fylgja tískustraumum hverju sinni þá hefði það ekkert með list að gera," segjr hún. „Maður fer í Usthönnun og vinnur þetta starf eingöngu af hugsjón. Auðvitað vill maður lifa af listinni en það er ekki hægt að ganga að því vísu að það gangi upp. Lífið hjá manni stendur og fellur með starfinu." Kolbrún var i Myndlista- og handíðaskólanum í fjögur ár og fór síðan í Skolen for brugskunst í Danmörku í tvö ár og útskrifaðist árið 1975. Síðan hefur Kogga, eins og Kolbrún er kölluð, verið með verkstæði. „Fyrstu árin vann ég ýmiss konar vinnu með lisfhönn- uninni, kenndi t.d. í Myndlistaskól- anum, en hin síðari ár hef ég helg- að mig þessu." Óskynsamlegt að lia listina veljí Kogga er fædd og uppalin á Stöðv- arfirði. Þegar hún fór í Myndlista- og handíðaskólann árið 1%9 þótti hún hálfskrítin að velja sér slíkt nám. Hún segjst hafa ákveðið sem barn að fara listabrautina. „í fyrstu ætlaði ég að verða listmálari en það breyttist í skólanum. Ég vissi í fyrstunni í raun ekkert hvað ég var að fara út í enda hafði ég aldrei séð orginal myndlist. Þar sem ég hafði verið góð á bókina þótfi fólkinu mjög óskynsamlegt af mér að velja þennan skóla. Faðir minn var ný- látinn á þessum tíma en móðir mín reyndi aíls ekki að letja mig heldur miklu frekar utanaðkomandi fólk," segir Kogga. „Skólamönnum þótfi það vera að kasta námshæfileikum á glæ að fara þessa braut." Kogga bendir á og leggur áherslu á að sama viðkvæðið sé enn við lýði hér á landi. „Það er svo röng hugsun á íslandi að námshæfileik- ar fari til spiUis ef ekki er farið í bóklegt nám. Þetta er einmitt það sem er að tröllríða landinu í dag, eilíft bóknám. Allt verk og hstnám, sem sagt sköpumn og handverkið, er lagt á hilluna og virðist vera aukagrein. Strax í grunnskólanum er troðið inn í börnin að verk- menntakennsla sé aukafag sem sett er í stundatöflu upp á skraut. Hins vegar gagnast þessi eilffl reikning- ur, sem er verið að kenna börnun- um, ekki nema broti af þeim þegar út í lífiö er komið," segir Kogga. Tíska að læra bisness . „Ég er óskaplega leið yfir að þetta skuli vera svona. Mér finnst eins og þetta sé að koma niður á þjóð- inni. Manni hefur fundist að meiri áhersla hafi verið lögð á bókhaldið í fyrirtækjum heldur en sköpun- Kolbrún Björgólfsdóttir, menningarverðlaunahafi í listhönnun, hefur ákvéðnar skoðanir á hvað betur megi fara í fyrirtækjum landsins enda sé sköpunin að þvf er virðist aukaatriði í rekstri margra þeirra. DV-mynd GVA ina. Svo virðist vera sem fram- leiðslan sé aukaatriði. Það er í tísku að fara í verslunarskóla að læra bisness. Unga fólkið vill ekki læra að skapa verðmæti og búa til hluti. Ráðamenn hafa einnig komið þessu inn hjá fólki með því að vilja ekki viðurkenna verknám. Það er svo sérkennilegt að þeir virðast ekki gera sér grein fyrir hvað felast mikil verðmæti í sköpuninni. Bæði ítahr og Finnar eru þekktir fyrir gæðavöru og fallega hönnun enda er það grundvöllur aUrar góðrar framleiðslu að hönnunin sé fagleg og vel úr garði gerð. Það á ekki að stofnsetja fyrirtæki og ákveða síð- an hvað eigi að búa til," segir Kol- brún. Hún telur að einblína eigi á lítil fyrirtæki þar sem haldið er utan um hvert einasta atriði í rekstrin- um og ekki síst hönnunina. „Mér finnst ótrúleg þröngsýni aö ein- bhna eingöngu á stóriðjuver og risaverksmiðjur. Það er alltaf verið að búa til eitthvað utanum ekki neitt og reyna að finna tilganginn á eftir. Við erum svo Util að við eigum ekki einu sinni að láta okkur dreyma á þennan hátt." Möppudýrin allsráðandi Kolbrún segist oft hafa verið spurð hvort hún ætU sér ekki í stjórnmál enda segist hún hafa miklar meiningar varðandi ástand- ið í þjóðfélaginu. „Það er mér hjart- ans mál að Islendingar fari að horfa á hlutina frá nýju sjónarhorni. Við verðum að hafa hugsjón og skapa verðmæti. Það þýðir ekki að reka fyrirtæki og sitja bara við skrif- borð. Ég þekki dæmi þess að við- skiptafræðingur var ráðinn fram- kvæmdastjóri framleiðslufyrir- tækis. Hann hafði ekki hundsvit á því handverki sem var verið að framleiða enda skipti hann sér ekki af framleiðslunni. Hann var auð- vitað ekki lengi í þessu starfi og á stuttum tíma var búið að skipta þrisvar sinnum um framkvæmda- srjóra en enginn hafði vit á þeirri vöru sem fyrirtækið var að fram- leiða. Svo eru menn hissa á að fyr- irtækin beri sig ekki." Kolbrún lætur ekki staðar numið og fuUyrðir að aUt það fólk, sem situr í verslunarskólum og menntaskólum, sé afætur á þjóðfé- laginu. „Þetta fólk er ekki að búa til nein verðmæti. Það ætti að setja þessa krakka í frystihús í nokkur ár og láta þá vinna við það sem þjóðin lifir á. Þetta eru pabbastelp- ur og strákar sem fyUa þessa skóla og þau hafa aldrei þurft að dýfa hendi í kalt vatn." Margar sýningar á næstunni Kogga þarf vart sjálf að kvarta undan aðgerðaleysi. Hún ætlar að halda sýningu í Munaðarnesi í" sumar ásamt eiginmanni sínum, Magnúsi Kjartanssyni. „Við erum að vinna á fuUu fyrir þá sýningu. Auk þess ætla ég að halda einka- sýningu í htla gaUeríinu mínu í haust í fyrsta skipti. Það eru vissar uppstokkanir í mér um þessar" mundir." Þá hefur Kogga tekið þátt í sýn- ingunni Form Island n sem hefur verið á ferðalagi um Norðurlöndin en þar hefur hún sýnt mjög stóra hluti. Einnig tók hún þátt í Nor- rænni samsýningu í London á sl. ári. Hún er nú á ferðalagi um Eng- land. Þá ætlar Kogga að vera með í sýningu í Eistlandi sem opnar í apríl og mun síðan fara til Lett- lands og Lifháen. Hún hefur verið mest í að hanna stóra hluti undanfarið. „Ég hef mest gaman af þessum stóru og veglegu hlutum. Reyndar eru það langir og mjóir hlutir núna. Ég myndi segja að ég væri að mýkjast upp en ég hef verið mjög hörð í formi. Annars hef ég haft mikinn áhuga á veggskreytingum þó ekki hafi ég gert þær. Ég haföi þó gaman af þegar breskur gagnrýnandi sagði í grein fyrir stuttu að hlutir mínir gætu verið spennandi í arki- tektúr. Ég hef oft verið spurð af hverju ég vinni ekki verk á veggi. Mér hefur ekki fundist ég hugsa nógu mikið sem myndlistarmann- eskja til þess. Ég hef kannski meira verið í „decorative art" (skreytiUst) en þó með hluti sem fólk notar og skreytir híbýU sín með." Kogga hefur ekki áður fengjð verðlaun en hún segist afar stolt af að fá menningarverðlaun DV. „Ég er mjög glöð vegna þess að mér hefur fundist góður metnaður í verðlaunaafhendingum síðustu ára. Þetta er frábært framtak og ég hef aUtaf fylgst með þessu. Verð- launin eru mikUs virði fyrir Usta- menn sem þurfa uppörvun ekki síður en aðrir. Þetta er mUtil hvatn- ing." -ELA ntmk í GARDSHORN Ífi vid Fossvogskirkjugarð simi 40500 POTTABLOM 20-50% afsláttur POTTAHLIFAR 20-75% afsláttur KERTI 2CM0% afsláttur GJAFAVORUR 20-70% ofsláttur SJALFVOKVANDI KER 30-50% afsláttur TULIPANABUNT m/greinum, aóeins 245,- Opió alla daga kl. 10-19

x

Dagblaðið Vísir - DV

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Dagblaðið Vísir - DV
https://timarit.is/publication/255

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.