Dagblaðið Vísir - DV - 03.05.1993, Page 21

MÁNUDAGUR 3. MAÍ 1993
21
Menning
Ekkidjass
þátturinn
Það eru ekki margir sem vita að
stöku sinnum kemur fyrir að djass
er leikinn í útvarpi. Hér er ekki átt
við Rás 1 sem hefur sinn fasta djass-
þátt, auk þess að kynna stundum
djasstónlist í öörum dagskrárliðum.
Hér er átt við Rás 2 og allar hinar
útvarpsstöðvarnar. Já, það kemur
virkilega fyrir að djasstónlist berst
frá viðtækjunum þegar þau eru stillt
á þessar stöðvar. Æth það sé ekki
svona einu sinni á mánuði á einni
stöð, einu sinni í viku á annarri og
jafnvel einu sinni á dag á þeirri
Djass
Ingvi Þór Kormáksson
þriðju. Einu sinni á dag gæti þýtt
eitt lag af hverjum hundrað til tvö
hundruð. Það er svo sem óþarfi að
hafa það meira, enda vissa fyrir því
að djassgeggjarar séu minnihluta-
hópur miðaldra sérvitringa sem geta
keypt sér sinn djass í hljómplötu-
verslunum. Það er enginn sem bann-
ar þeim það. Er ekki svo?
Ella Fitzgerald er ekki eina djass-
söngkonan í heiminum.
Hvers vegna er þá verið að hafa
tvöhundruðasta, fimmhundruðasta
eða þúsundasta hvert lag með djass-
sveiflu úr því að djassliðinu hefur
óbeint verið sagt að éta það sem úti
frýs. Er það til hvíldar fyrir dag-
skrárgerðarfólkið sjálft? Hugsanlega
er viss hvíld fólgin í því að skipta um
takt og tónblæ á nokkurra daga
fresti, þótt ekki sé nema í fimm mín-
útur af hverjum fimm þúsund.
Kannski er hreinlega bannað að spila
þessa músík eins og svo marga aðra,
að því er virðist. Hvað sem því líður
er ljóst að lítill akkur er í því fyrir
áhugafólk um djass að heyra þessa
einu einustu djassplötu með Ellu
Fitzgerald sem ætla mætti að til væri
í heiminum. Að minnsta kosti virðist
sem engin önnur djasssöngkona hafi
verið til sé miðað við lagaval af djass-
meiöi. Einstöku sinnum heyrist í
Louis Armstrong, kannski af því að
hann hefur svo fyndna rödd, eða
Frank Sinatra sem er þá kannski
nefndur „Frankie Boy“ eða „Blue
Eyes“ og gefið í skyn að ef til vill
megi finna einhverja kvenkyns aðdá-
endur hans á elliheimilum landsins.
En yfirleitt er leikin Ella.
Nú veit ég ekki hvemig það er tií
komið, að svo virðist sem íslenskt
dagskrárgerðarfólk hafi ekki áttað
sig á því að til eru fleiri djasssöng-
konur en hún Ella. Kannski er þetta
bara einhver bilun í beinni eða svo-
leiðis. En mig langar til aö gera um-
ræddum snúðum platna smágreiða í
mestu vinsemd og birta hér lista yfir
nokkrar ágætar söngkonur sem hafa
orðið uppvísar að því að syngja djass.
Þetta eru bara örfáar, að vestan eins
og sagt er, og álíka lista væri hægt
að gera yfir karlsöngvarana. Þar sem
instrumental-djass, líkt og önnur ós-
ungin músík, virðist því sem næst
bannaður á þessum útvarpsstöðvum,
gæti þessi listi kannski orðið til þess
að fyrmefnd Ella, með fullri virðingu
fyrir henni (og Frank og Louis), fengi
hvildina þegar næsta djasslag vik-
unnar eða ársins verður valiö.
Hér er svo þessi listi: Abbey Linc-
oln, Anita O’Day, Betty Carter, Billie
Holliday, Carmen Bradford, Carmen
Lundy, Carmen McRae, Dee Dee
Bridgewater, Diane Schuur, Dinah
Washington, Ernestine Anderson,
Etta Jones, Flora Purim, Helen Merr-
Ul, Madelaine Eastman, Nancy
Harrow, Nancy King, Nona Hendryx,
Peggy Lee, Sarah Waughan, Shirley
Hom, SheUa Jordan, Tania Maria,
Vanessa Rubin. - Og þær eru miklu
fleiri.
HAÞRYSTISLONGUR
Pressum tengi á háþrýstislöngur.
Ryðfrí og húðuð rör og tengi.
Ráðgjöf, framleiðsla, uppsetning
nýlagna og viðgerðir.
Áratuga reynsla tryggir þér góða þjónustu.
Qú .
LANDVElAfíHF
SMIÐJUVEGI66 KOPAVOGI SIMI91-76600
BAKVAKT985-22424 FAX91-78500
Miðjan!
LANDFRÆÐILEG MIÐJA HÖFUÐBORGARSVÆÐISINS.
Miðjan í Smárahvammslandi er á höfuðborgar-
svæðinu miðju. Þaðan tekur örskamma stund að
aka eftir hraðbrautum Reykjanesbrautar, Arnar-
nesvegar og Hafnarfjarðarvegar til miðbæjar-
kjarna sveitarfélaganna á svæðinu. Þannig tekur
aðeins um 10 mínútur að aka að Lækjartorgi,
3 mínútur að Garðatorgi og 5 mínútur að Strand-
götu í Hafnarfirði. Enn styttra er
í fjölmennar íbúabyggðir Breið-
holtshverfa,Kópavogs, Garðabæjar
og norðurbæjar Hafnarfjarðar.
í MIÐJUNNI hefur verið skipulagt nýtt hverfi
skrifstofu-, þjónustu- og verslunarhúsa með hag-
kvæmni, gæði og fjölþætta nýtingu að leiðarljósi.
Fyrsta húsið er nú fullbyggt og sala húsnæðis þar
hafin. Það býðst fyrirtækjum og stofnunum, stór-
um sem smáum á afar hagkvæmu verði.
FRAMTÍÐARSVÆÐI
FYRIR NÚTÍMA FJÁRFESTA
mt
nn n * istr m
SMARAHVAMMUR
Leitið frekari upplýsinga.

Frjálst framtak
ÁRMÚLA 18, SÍMI 81 23 00.