Dagur - 29.08.1987, Síða 14

Akureyri 125 ára
.... þaðergottað ....
þarf ekki nema brot af því sem
bærinn á í þessum fyrirtækjum,
kannski 10%, til þess að setja í
svona uppbyggingu og þá er ég
að horfa til þess sem ég hef séð
erlendis. Það má hugsa sér að
gera svipaða hluti hér, gera sam-
starfssamning milli bæjarins og
einkaaðila sem vilja byggja upp á
þessu svæði. Bærinn leggur þá út
fyrir kostnaði við að kaupa upp
og rífa gömlu húsin, kostnað við
skipulagningu o.þ.h. en hann fer
ekki endilega að byggja fyrir ein-
staklingana. Menn verða bara að
læra af því sem aðrar þjóðir eru
að gera. Við eigum að byggja hér
upp miðbæ sem við getum verið
stolt af.“
- Ef við tölum nánar um þitt
hlutverk, getur þú haft veruleg
áhrif á gang mála? Eða eru marg-
ir hlutir sem þú vilt framkvæma
en sérð ekki fram á að komist í
gagnið?
„Ja, þetta tekur allt sinn tíma
því kerfið er þungt í vöfum. Ég
er ekki farin að sjá fram á miklar
breytingar ennþá. Stjórnkerfi
bæjarins er orðið nokkuð gamal-
dags og þarfnast endurskipulagn-
ingar. Reyndar hefur verið unnið
við það undanfarin ár og verður
áfram næstu tvö árin, en ég held
að það þýði ekkert að ná betri
tökum á stjórnun bæjarins fyrr en
búið er að breyta stjórnkerfinu.
Nefndakerfið er t.d. meingallað
að mínu mati. Það er of mikið
um smáar og áhrifaiitlar nefndir,
ég vildi sjá þær færri og stærri, en
þessu verður ekki hægt að breyta
fyrr en eftir næstu kosningar.
Þessar kerfisbreytingar þurfa að
eiga sér stað samfara uppstokkun
á húsnæðismálum bæjarins.
Vinnan við að skoða kerfið eins
og það er í dag og að gera tillögur
um breytingar er mjög langt
komin. Sérstakur ráðgjafi hefur
unnið með okkur og síðan hafa
fjórir bæjarfulltrúar verið í
nefnd, einn frá hverjum flokki.
Mjög góð samstaða hefur verið
um þetta mál meðal allra flokka
og ég veit að það verður um
húsnæðismálin líka.“
- Finnst þér þú vera umdeild-
ur bæjarstjóri?
„Ég veit það nú ekki, en ég hef
oft verið að viðra skoðanir sem
fara misjafnlega í fólk. Ég er
bara ánægður með það því það
sýnir að maður er aðeins að
hræra upp í hugsunarhættinum.
Ég er ekkert feiminn við að
hræra upp í hugsunarhætti fólks,
því veitir ekkert af því að hugsa
dálítið krítískt um bæinn sinn og
þá möguleika sem við höfum.
Bæjarstjóri sem ekki er umdeild-
ur er staðnaður!"
„Það er að mörgu leyti mjög gott mannlíf hér í bænum, mjög góðir skólar,
það er gott að ala upp börn hér . . .“
Fjölskylduparadísin
Akureyri
- Nú höfum við rætt um stöðu
ýmissa mála á Akureyri í dag og
það er ljóst að bærinn stendur
nokkuð vel á þessum tímamótum
þótt margt sé ógert. Hvað heldur
þú með framhaldið? Er framtíðin
björt?
„Já, ég held að framtíðin sé
björt þrátt fyrir einhver vanda-
mál, því þau krydda bara tilver-
una. Hér er gott atvinnuástand.
Hér hafa flestir það gott, nóg til
hnífs og skeiðar. Það er að
mörgu leyti mjög gott mannlíf
hér í bænum, mjög góðir skólar,
það er gott að ala upp börn hér,
þannig að þetta er mjög friðsælt
og gott umhverfi fyrir fólk til að
búa í. Það er tiltölulega lítið af
vandamálum hér sem hrjá stór-
borgir erlendis. Hér er t.d. ekk-
ert atvinnuleysi, sem er mjög
mikið böl erlendis. Hér er ekkert
eiturlyfjavandamál, engin kyn-
þátta- eða trúarbragðavandamál
og félagsleg vandamál hér eru
bara smámunir miðað við það
sem er í nágrannalöndunum.
Þetta eru helst vandamál sem
tengjast brennivíni. En ég held,
og hef heyrt það á fólki, að Akur-
eyri sé einhver besti staður á
landinu til að ala upp börn. Það
eru miklu meiri hættur og hindr-
anir í Reykjavík og á minni stöð-
um úti á landi eru tækifærin til
heilbrigðs uppeldis, hvernig sem
það er nú skilgreint, ekki eins
fjölbreytt. Hérna geturðu, ef þú
vilt leggja þig fram við uppeldi
barna, sent þau í tónlistarskóla
sem er mjög góður hérna, sent
þau á skíði, hér er mjög fjöl-
breytt íþróttalíf, góðir fram-
haldsskólar fram undir tvítugt;
enda á fólk ekkert að ala börn sín
lengur upp. Ég held sem sagt að
fólk hafi hér allt til alls til þess að
búa hér við gott fjölskyldulíf. Á
minni stöðum er alltaf hætt við að
maður verði að senda börnin frá
sér á viðkvæmum aldri og
skólarnir eru kannski ekki nógu
góðir heldur.
Svo má kannski segja að fyrir
ungt og ógift fólk um og yfir
tvítugt, sem vill skemmta sér og
gera eitthvað spennandi, sé ein-
hæft að búa á Ákureyri. Það má
vel vera, en ég segi aftur á móti
að það sé eðlilegt að fólk frá
Akureyri fari burtu um tíma og
kynnist öðru og þetta er einmitt
aldurinn til þess. Svo þegar fólkið
er búið að stofna eigin fjölskyldu
þá segi ég að hvergi sé betra fyrir
það að vera en hérna. Ég get ekki
sagt annað en að ég sé bjartsýnn
vegna þess að ég sé ekki fram á
annað en að hér verði mjög gott
að búa á næstu árum og hér verði
áfram mikil velmegun. Menn
eiga ekki alltaf að bera sig saman
við Reykjavík heldur líka við
nágrannalöndin. Við höfum það
betra heldur en fólk mjög víða í
nágrannalöndunum.
Það er líka ágæt veðrátta á
Akureyri miðað við ísland. Það
er náttúrlega léleg veðrátta á
íslandi yfir höfuð og kannski
helsti ókosturinn við að búa
hérna en það er góð veðrátta hér
á Akureyri og bærinn því kjörinn
staður til útivistar.“
Eflaust væri hægt að ræða
miklu meira um afmælisbarnið
Akureyri en hér verður að setja
punkt. Ég vil þakka Sigfúsi kær-
lega fyrir spjallið og framlag hans
til þessa afmælisblaðs. Síðan get-
ur orðið gaman að rifja þetta upp
eftir nokkur ár, hver staða Akur-
eyrar var á 125 ára afmælinu,
hvað var framundan og hvort það
hafi gengið eftir. SS
Akureyri
Miðstöð
flugsamgangna
14-DAGUR
Stjömusól
óskar öllum Akureyringum
til hamingju með afmœlið.
Við erum í Miðbœnum og
hjá okkur er glœsileikinn
í fyrirrúmi jafnt utan
sem innan.
Opið alla daga.
Verið velkomin!

fr Geislagötu 12. Sími 25856.
Laugardagur 29. ágúst 1987
\8tT teUQB lUgBDlSQUSj