Dagblaðið Vísir - DV - 06.01.1995, Blaðsíða 13

FÖSTUDAGUR 6. JANÚAR 1995
13
Sviðsljós
Hagyrðingar voru í stuði í Varmahlíð. Frá vinstri, Sigurður Hansen, Árni
Bjarnason, Gisli Geirsson, og Gísli Konráðsson ásamt Eiríki Jónssyni sem
sá um kynninguna. DV-myndir Örn Þórarinsson, Fljótum
Fjör í söngnum
hjá Skagfirðingum
Það var mikið sungið í Skagafirði og Ólafsfirði. Á söngskemmtun kórs-
í desember og Rökkurkórinn, bland- ins í Varmahlíð milli jóla og nýárs
aður kór með 45 félögum úr níu sveit- var mikið fjör og margt til skemmt-
arfélögum, söng einnig á Akureyri unar auk söngsins.
Sveinn Arnason og og Jóhann Már Jóhannsson, til hægri, sungu saman
og fóru á kostum. Undirleikari Thomas Higgerson.
Milliröddin í kórnum söng nokkur létt lög við mikinn fögnuð.
Bridge
Fyrsta spilakvöld á nýju ári l\já íélaginu verður þann 12. janúar í
Þönglabakka 1 og verður þá spilaður eins kvölds tvimenningur. Einnig
verða spilaðir eins kvölds tvimenningar 19. og 26. janúar en 2. febrúar
hefst Kauphallartvimenningskeppni félagsins. Spilarar eru vinsamlega
beðnir um að mæta tímanlega svo heíja megi spilamennsku sem fyrst.
Bridgfélagið Muninn, Sandgerói
Miðvikudaginn 28. desember var haldið tvímenningsmót í tilefni af 75
ára afmæli Einars Júlíussonar. Var vel mætt til leiks og margir sem vildu
greinilega heiðra þennan aldna og efnilega spilara því 22 pör spiluðu,
Var honum færðar gjafir frá Bridgefélagi Suðurnesja og félögum úr
Bridgefélaginu Munin. Eftirtalin pör náðu hæsta skorinu á afmælismót-
inu:
1. Ámi Guömundsson-Margrét Þórðardóttir 213
2. Birkir Jónsson-Björn Dúason 202
3. Víðir Jónsson-Halldór Aspar 201
4. Svaia Pálsdóttir-Guðjón Jenson 196
5. Sigurjón Jónsson-Dagur Ingiroundarson 195
Stjóm félagsins óskar öilum félögura og velunnumm þess gleðilegs nýs
árs og farsældar á komandi ári og þakkar samstarfið á liðnu ári.
Menning
Skari telur Simba trú um að það sé honum að kenna að faðir hans sé látinn.
Sam-bíóin: - Konungur ljónanna: ★★★
Simbi verður kóngur
Konungur ljónanna (The Lion King) er fjórða teikni-
myndin á fimm áram í fullri lengd frá Disney fyrirtæk-
inu, sem slær í gegn og með henni hafa þeir hjá Di-
sney svo sannarleg sýnt að það hefur enginn tærnar
þar sem þeir eru meö hælana í gerð teiknimynda.
Konungur ljónanna fylgir í kjölfarið á The Little
Mermaid, Beauty and the Beast og Aladdin og hefur
slegið þeim öllum við hvað aðsókn snertir. Erfitt er
að gera upp á milli allra þessara frábæru teikni-
mynda. Það er þó vel skiljanlegt að Konungur ljón-
anna hafi fengið mesta aðsókn þessara mynda. Hún
einfaldlega höfðar til mun breiðari hóps áhorfenda.
Konungur ljónanna er kannski ekki jafn fyndin og
Alladdin, ekki jafn ævintýraleg og Beauty and the
Beast og ekki jafn klassísk og The Little Mermaid. Hún
aftur á móti getur státað af mun betra handriti auk
þess sem kostir hinna eru allir fyrir hendi.
Það era samt ekki þessar þijár myndir sem nefndar
hafa verið, sem Konungur ljónanna á mesta samleið
með af teiknimyndum Disneys, heldur frekar Bambi
og Lady and the Tramp. Munurinn þarna er að Kon-
ungur ljónanna er bara svo miklu betur gerð og liggur
við að hægt sé að fullyrða að lengra verði ekki komist
tæknilega í gerð teiknimynda. En á þeirri tölvuöld sem
við lifum er víst best að vera ekki með slíkar fullyrð-
ingar.
Söguþráðurinn í Konungi ljónanna er einfaldur.
Simbi er erfingi fóður síns að kóngsríki og nýtur þess
að athyglin beinist að honum. Það eru samt ekki allir
sem geta hugsað sér framtíðina með Simba sem kon-
ung. Þar fer fremstur í flokki foðurbróðir hans, Skari,
sem með aðstoð þriggja hýena kemur konunginum
fyrir kattarnef og telur Simba trú um að það sé honum
að kenna að faðir hans er dáinn. Simbi flýr á brott og
býr í mörg ár ásamt tevimur vinum sínum órafjarri
Kvikmyndir
Hilmar Karlsson
kóngsríkinu. En þegar Nala, æskuvinkona hans, rekst
eitt sinn á hann, rennur honum blóðið til skyldunnar
og heldur heim á leið til að gera upp sakirnar við Skara.
Það er ekki aöeins að hið fjölmenna tæknilið hjá
Disney hefur nánast skilað fullkomnu verki. íslenska
talsetningin er annað afrek. Raddirnar sem valdar
hafa verið, flestar kunnuglegar, eru alveg eins og
handsmiöaðar við persónurnar sem þær túlka og radd-
hljómurinn og hljóðblöndunin við upprunaleg hljóð
er hreint út sagt frábært. Það að svo vel hafi tekist
með íslensku talsetninguna gerir Konung ljónanna að
sjálfsögðu enn betri skemmtun fyrir okkur Islendinga.
Konungur Ijónanna (The Lion King).
Leikstjórar: Roger Allers og Rob Minkoff.
Handrif Irene Mecchi, Jonathan Roberts og Linda Woolverton.
Tónlist og lög: Hanz Zimmer, Elton John og Tim Rice.
íslenskar raddir: Felix Bergsson, Pétur Einarsson, Edda
Heiðrún Backman, Steinunn Ólina Þorsteinsdóttur, Jóhann
Sigurðarson, Karl Ágúst Úlfsson og fleiri.