Dagblaðið Vísir - DV - 30.01.1995, Blaðsíða 12
12
MÁNUDAGUR 30. JANÚAR 1995
Spumingin
Gefur þú blóm?
Anna Karlsson húsmóðir: Já, ég gef
blóm á bóndadaginn, jólum og af-
mælum.
Ólöf Björnsdóttir þolfimikennari: Já,
að sjálfsögðu þegar tilefni gefst til.
Grettir Sigurðarson húsmóðir: Já, ég
er alltaf aö gefa blóm.
Sylgja Dögg Sigurjónsdóttir nemi:
Já, við góð tækifæri.
Eva Ingadóttir húsmóðir: Já, við öll
góð tækifæri.
Ágústa Jóhannsdóttir mamma: Já,
ég gef blóm af og til.
Lesendur
Þingmaður út
úr f orneskju
Þorgeir Baldursson, útsölustj. hjá
ÁTVR, skrifar:
Miðvikudaginn 11. janúar sl. birtist
kjallaragrein í DV meö yfirskriftinni
„Áfengisviðskipti út úr forneskju"
eftir Vilhjálm Egilsson, alþm. og
framkvæmdastjóra Verslunarráðs
íslands.
Hver er tilgangurinn hjá Vilhjálmi
með skrifum þessum? - Einkavæða
ÁTVR? Gott og vel. Sé þaö skoðun
hans þá ber að virða hana. En til
þess að vinna ákveðnum skoðunum
brautargengi þarf að rökstyðja og
koma með málefnalegar tillögur um
breytingar. - Rangfærslur, dylgjur
og þaðan af verri málflutningur í
garð ÁTVR og starfsfólks þess er
ekki vænleg leið til að láta taka mark
á sér.
Ég frábið mér sem starfsmaður
ÁTVR að vinnubrögö Vilhjálms, eins
og þau birtast í grein hans, verði til
þess að einkavæðing ÁTVR nái fram
að ganga. Ég minni á að enn þá er
Vilhjálmur einn af þingmönnum Al-
þingis og það er á valdi Alþingis að
taka ákvarðanir um framtíð ÁTVR.
Hvað er áfengi? - Til að ég viti hvað
áfengi er þarf ég að fá fræðslu.
Hvernig fæ ég hana? Fræðslu fæ ég
t.d. með kynningum, fyrirlestrum og
smökkun. Hvort slík fræðsla fer fram
í Reykjavík, Viðey, Akureyri eða í
Frakklandi (á öllum þessum stöðum
hef ég fræðst um þá vöru sem ég
sel) skiptir ekki máli (frekar en
fræösluferðir Vilhjálms víðs vegar
Það er á valdi Alþingis að taka ákvarðanir um framtíð ÁTVR, segir bréfrit-
ari m.a.
um heimsbyggðina, og nú síðast til
Kína). Það sem skiptir máli er að all-
ir einstaklingar, í hvaða stöðu sem
þeir eru, þekki sitt starf sem allra
best svo þeir geti gegnt því með heiðri
og sóma.
Vilhjálmur skuldar starfsfólki, fjöl-
skyldum og viðskiptavinum ÁTVR
afsökunarbeiðni fyrir þá röngu full-
yrðingu sína að það hafi í fyrsta sinn
í sögu ÁTVR verið opið þar fram eft-
ir eins og í öðrum verslunum á Þor-
láksmessu sl. Fjölskyldan spyr mig:
Hvar hefurðu verið á Þorláksmessu
sl. 25 ár fyrst ekki var opið hjá þér
þann dag? - Ætli fjármálaráðherra
sé sáttur við að hafa dælt úr ríkis-
kassanum a.m.k. sl. 45 ár, sem opið
hefur verið fram eftir hjá ÁTVR,
launakostnaöi til þess fólks sem sam-
kvæmt fullyrðingu Vilhjálms var
ekki að vinna þessa daga?
Vilhjálmur, komdu út úr forneskj-
unni, kynntu þér nútíðina og þá er
hægt að byrja að ræða framtíðina.
DHL-deildin á Stöð 2
Helgi Gisli Eyjólfsson skrifar:
Sem einn af unnendum körfuknatt-
leiks hugði ég gott til glóðarinnar
þegar fram kom í fjölmiðlum að
Körfuknattleikssamband íslands
hefði gert samning við Stöð 2 um að
sýna frá leikjum úr DHL-deildinni.
Fannst mér það gott mál og ég og
aðrir landsmenn myndu sjá meira
af íslenskum körfuknattleik í sjón-
varpi. - Þó skal tekið fram að mér
fannst RÚV standa sig allvel í þess-
um efnum.
En hver hefur reyndin orðið? Von-
brigði og aftur vonbrigði. - Svo slæ-
lega hefur Stöö 2 staðið að þessum
málum að þegar 24 umferðum er lok-
ið af 32, þ.e.a.s. deildarkeppninni
brátt lokið, hefur Stöð 2 einungis
sýnt frá þremur leikjum, auk þess
sem sýndar hafa verið upptökur frá
leikjum á afar slæmum útsendingar-
tíma sem er sunnudagseftirmiðdag-
arnir.
Meö samningi við sjónvarpsstöð
hlýtur KKÍ að hafa það að markmiði
aö sem mest og best sé sýnt frá leikj-
um deildarinnar. En í dag er því al-
veg öfugt farið. - Það er von min og
fjölda annarra að betur sé gert í
framtíöinni og forysta KKÍ semji við
þá sjónvarpsstöðina sem treystir sér
til að gera betur.
Timburmenn og
harðnandi lífsskilyrði
Jóhann Ólafsson skrifar:
Það er kominn beygur í marga hér
á landi. Ekki vegna þess að árferðið
í augnabhkinu sé svo yfirþyrmandi,
heldur vegna þess að lífsskilyrðin í
landinu virðast óvenju dökk fram
undan. Það hefur ekki verið mikil
fiskveiði það sem af er árinu og fisk-
vinnsla því lítil sem engin. Vestfirðir
hafa orðið illa úti að þessu leyti auk
\\MMMþjónusta
9915 00
-lytir
neytendur allan
sólarhrínginn
Timburmenn og harðnandi lífsskil-
yrði einkenna þjóðfélagið, segir í
bréfinu.
hinna hörmulegu atburða sem
snerta líka alla þjóðina og ekki sýni-
legt að mikiU sjávarafli berist á land
á allra næstu vikum a.m.k. - Útséð
er einnig um sjávarfang frá Rússum
sem hefur þó bjargað mörgum stöð-
um á landsbyggðinni hingað til og
eyösla hins opinbera hefur verið með
mesta móti nokkur síðustu árin.
Fjármál ríkisins og skuldabyrði
hins opinbera eru stærstu vandamál
þjóðarinnar um þessar mundir. Lán
eru tekin. erlendis jafnt sem innan-
lands til að greiða af lánum sem kom-
in eru í gjalddaga og heimilin og
landsmenn allir hafa fylgt fordæm-
inu. Þótt viðskiptajöfnuður við um-
heiminn hafi talist jákvæður er er-
lend skuldasöfnun svo gegndarlaus
að lengra verður ekki gengið á næstu
misserum. Skattheimta verður því
aukin verulega þótt öðru sé haldið
fram rétt fyrir kosningar.
Niðurskurður í þjóðfélaginu verður
því orðinn staðreynd innan mjög
skamms tíma. Það hefur verið rætt í
alvöru að segja þurfi upp u.þ.b. 5000-
6000 manns í opinbera geiranum á allra
næstu mánuöum. Hvar þeir eiga að fá
störf er ekki ljóst. - Það eitt er jafn
öruggt og nótt fylgir degi að timbur-
mennimir eru orðnir einkenni alls
þjóðfélagsins og harðnandi lífsskilyrði
eiga eftir að setja mark sitt á búsetu
manna og afkomu í þessu landi.
Nágrannalöndin:
Ekki umfram
heldurnálgun
Birgir Guðmimdsson hringdi:
í grein, sem Sveinn Hannesson
skrifar í Mbl. sl. fimmtudag, segir
að kauphækkanir hér umfram
það sem gengur og gerist í ná-
grannalöndum okkar muni
veikja stöðu okkar og raska því
jafnvægi sem sé forsenda hag-
vaxtar og atvinnuuppbyggingar.
- Þetta er rétt hjá Sveini, svo
langt sem það nær. Hann tekur
hins vegar ekki rétta viðmiðun.
Laun í nágrannalöndum okkar
eru miklu hærrí en hér á landi.
Það er því ekki veriö að fara fram
á hærri laun hér en þar gerist og
þar af leiðir að kauphækkanir
umfram það sem gengur og gerist
i þeim löndum eru ekki á borðinu.
Stjórnarskrár-
málístað
kjördæmamáls
Trausti Sigurðsson hringdi:
Nú hefur Alþingi af slóttugheit-
um ákveðið að taka stjórnar-
skrármálið fram yfir kjördæma-
málið. Það þykir skárra að leyfa
þjóðinni að karpa um stjórnar-
skrána en vægi atkvæðanna. Því
vill í raun enginn alþingismaður
breyta. En stjórnarskrármálið
fellur um sjálft sig eins og oftast
áður. Og nú hjálpa verkalýðsfé-
lögin til með því leggja til að
fresta frekari umræðu þar til þar
inni verði ákvæði um skylduaðild
launafólks að stéttarfélögum. -
Niðurstaðan: Hvorki stjórnar-
skrármál né kjördæmamál í um-
ræðunni á Alþingi af neinu viti
nema sem uppfyllingarefni fyrir
þinglok.
Novræn
samvinna-reið-
arslag
Þórhallur skrifar:
Þá er komið að þvi sem alltaf
lá ljóst fyrir að norræn samvinna
gliðnaði þegar leiðir skildu með
inngöngu í Evrópusambandið. En
þurfum við íslendingar nokkuð
að syrgja samstarfið? Við ættum
að gleðjast ef eitthvað ér. Að minu
mati hefur norræn samvinna
verið okkur þungbær kvöð og því
fyrr sem við losnum við sam-
skiptin þeim mun betra. Ég segi
bara: Þökk sé Svíum að riða á
vaðið og draga saman seglin í
íjárútlátum til þessa málaflokks.
Og líka
íGarðinum!
Ragnar skrifar:
í fréttum segir að í Garði á Suð-
urnesjum hafi atvinnuástand
skyndilega breyst þannig að nú
séu tæplega 50 manns atvinnu-
lausir, Þetta er há tala atvinnu-
lausra í ekki stærra bæjarfélagi,
En á sama tíma berst frétt um að
stefni í langt verkfall hjá leikskó-
lanumn í Garði. Þeim virðistekki
blöskra atvinnuleysið, dömunum
á leikskólanum! - Það er af sem
áður var í þessu fyrirmyndar-
samfélagi.
Hestatamningar
Gunnsteinn hringdi:
Ég er eiginlega alltaf að bíða
eftn að einhver svari lesenda-
bréfum sem birtust í DV fyrir
allnokkru um hvemig tamninga-
menn hesta notuðu svokallaðar
þyngingar til að fá sem mest út
úr skepnunum fyrir sölu. Ég trúi
varla að tamtiingamenn láti
þessu ósvarað. Ég hef þó heyrt
kvartanir frá kaupendum um að
hestar tapi smám saman eigin-
leikum þeim sem þessar þynging-
ar kalla fram við tamningu.