Þjóðviljinn - 16.10.1982, Blaðsíða 18

18 SIÐA — ÞJÓÐVILJINN Helgin 16.-17. október 1982
Til sölu
Tilboð óskast í eftirtaldar bifreiðar og tæki
vegna Vélamiðstöðvar Reykjavíkurborgar:
1. Land-Rover diesel, árg. 1979.
2. Land-Rover diesel, árg. 1977.
3. Mercedes Benz, 17 manna, árg. 1974.
4. Volvo vörubifreið, N84 m/6 manna húsi,
árg. 1970.
5. Ford D-910 vörubílsgrind, árg. 1973.
6. Loftþjappa, HYDRO 125 cub.
7. Flutningakerra, pallstærð 5m2.
Bifreiðar þessar og tæki verða til sýnis í porti
Vélamiðstöðvarinnar að Skúlatúni 1 mánu-
daginn 18. og þriðjudaginn 19. þ.m.
Tilboð verða opnuð á skrifstofu vorri að Frí-
kirkjuvegi3, miðvikudaginn20. þ.m. kl. 14.00
e.h.
INhfkAUPASTOFNUN REYK1AVÍKURBORGAR
Fnkirkjuvegi 3 — Sími 25800
Aðalfundur
Aðalfundur Landverndar, landgræðslu og
náttúruverndarsamtaka íslands, verður
haldin í Munaðarnesi 13. og 14. nóvember
n.k.
Stjórnin
kvikmyndir
Bankastjóri
smælingjanna
La banquiére
(Madame Emma)
Frönsk, 1980
Stjórn: Francis Girod
Kvikmyndun: Bernard Zitzerman
Tónlist: Ennio Morricone
Leikendur: Romy Schneider,
Jean-Louis Trintignant,
Jean-Claude Brialy,
Claude Brasseur. ,
Sýningarstaður: Regnboginn.
Einhvern herslumun vantar til
að gera Madarne Emma að veru-
lega góðri kvikmynd, en hvað sem
það er verður það ekki skrifað á
reikning Romy Schneider. Það er
fyrst og fremst leikur hennar í aðal-
hlutverkinu sem gefur myndinni
gildi.
Emma Eckhert er ævintýraper-
sóna,en á sér þó fyrirmynd í raun-
veruleikanum, frönsku kaupsýslu-
kohuna Marthe Hanan,' sem sagt er
að hafi gert allt vitlaust í París á
þriðja áratug þessarar aldar. Hún
stofnaði sparisjóð og greiddi hærri
vexti en tíðkuðust í bönkum og
hugðist með því rétta hlut smæl-
ingjanna sem einatt fengu illa með-
b)L»LI)L»»V
SMIÐJUVEGI 44 D KÓPAVOGI SÍMI 75400 og 78660
Á SÓLARHRING
Bílaleigan hf. býður nú sérstakt haustverð á bílaleigubílum sínum sem gildir
frá 1. okt. til áramóta. Innifalið í þessu fasta verði er ótakmarkaður fjöldi ekinna
km, trygging svo og söluskattur.
VERÐSKRÁ PR. SÓLARHRING:
Toyota Starlet
Toyota Tercel
Toyota Corolla
Toyota Corolla St.
kr. 690
kr. 710
kr. 730
kr. 750
Erum einnig með sérstök helgartilboð sem gilda frá kl. 16.00 á föstudegi til kl.
9.00 á mánudagsmorgni.
VERÐ PR. HELGI:
Toyota Starlet
Toyota Tercel
Toyota Corolla
Toyota Corolla St.
kr. 1.500
kr. 1.540
kr. 1.580
kr. 1.620
Nú er hægt að láta verða af því að heimsækja Jónu frænku á Húsavík eða
hann Palla frænda í Þykkvabænum verðsins vegna.
II i
: II
nu (jfta aiur rari
ÚT M RHR
ferð í bankakerfinu. Marthe var af
fátæku fólki komin og hlaut litla
menntun, en peningavit hafði hún í
ríkum mæli. Ég veit ekki hversu
nákvæmlega handritshöfundurinn
Georges Conchon hefur farið eftir
heimildum um ævi Marthe Hanan,
en í myndinni er talsvert mikið lagt
í að skapa hið rétta sögulega and-
rúmsloft, andrúmsloft þess tíma-
bils sem stundum er kallað á ensku
„the roaring twenties". Þetta er
gert með því m.a. að skjóta inn
svart-hvítum fréttamyndum, sem
ýmist eru raunverulegar eða ná-
kvæmar eftirlíkingar af frétta-
myndum þriðja áratugarins, og
tekst það oft býsna vel.
Laus í reipunum
Myndin byrjar á stuttum og
nokkuð ruglingslegum atriðum úr
fortíð Emmu í stíl sem minnir á
gamanmyndir þögla skeiðsins og
eru að mínu viti ekki nógu vel út-
færð, veita ekki nógu miklar upp-
lýsingar og undirbúning undir það
sem koma skal. Þegar líður á
myndina fær áhorfandinn þá til-
finningu að kvikmyndastjórinn
hafi ekki gert upp við sig hvaða stíl
hann ætlaði að nota, og þá kemur
fram ósamræmi í formi og innihaldi
sem veldur því að myndin verður
losaraleg á köflum. Þrátt fyrir
þennan galla er Madame Emma
Ingibjörg
Haraldsdóttir
skrifar
spennandi mynd og auðskilið að
hún var í hópi þeirra mynda sem
besta aðsókn fengu í Frakklandi í
fyrra.
Einsog fyrr segir er það leikur
Romy Schneider sem fyrst og
fremst gefur myndinni gildi. Henni
tekst að gera Emmu Eckhert að
eftirminnilegri, sterkri persónu
sem áhorfandinn tekur trúanlega
án fyrirvara. Slík kvenhlutverk eru
reyndar alltof sjaldgæf í kvikmynd-
um, og þær leikkonur öfundsverð-
ar að fá tækifæri til að kljást við
þau. Emma Eckhert er öðrum
þræði ævintýrakvendi sem lætur
sér ekki allt fyrir brjósti brenna,
metnaðargjörn og útspekúleruð og
kann þá list að stjórna fólki - eða
eigum við að segja kúga fólk til að
framkvæma það sem hún telur að
eigi að framkvæma. Hún kann að
notfæra sér fegurð sína og veik-
leika fólks á hinum ýmsu sviðum.
En hinum þræðinum er hún bar-
áttukona og vill hjálpa þeim sem
minnst mega sín í þjóðfélaginu.
Hún svífst einskis í viðskiptunum
þegar hún á í höggi við spillt auð-
vald, en er stálheiðarleg gagnvart
viðskiptavinum sínum, alþýðunni
sem trúir henni fyrir sparifé sínu.
Hart er barist
Það segir sig sjálft að þegar ein-
hver rís upp og fer að berjast gegn
þeim sem völdin hafa og pening-
ana, þá er hraustlega fekið á móti
og allt reynt til að berja upp-
reisnarsegginn niður. Frá sjónar-
hóli valdaherranna hlýtur það að
vera hámark ósvífninnar að kona
skuli leyfa sér annað eins. Keppi-
nautar hennar í bankakerfinu
neyta allra bragða til að koma
henni á kné, en það er sama hvað
þeir reyna - alltaf tekst Emmu að
sigrast á erfiðleikunum, og hjálpast
þar allt að: styrkur og áræði hennar
sjálfrar, stuðningur tryggra aðdá-
enda og jákvæðar sveiflur í stjórn-
málunum. Að lokum stendur hún
með sigurpálmann í höndunum og
þá er ekki nema um eitt að ræða
fyrir þá sem vilja hana feiga: þeir fá
leigumorðingja til að plaffa hana
niður.
Romy Schneider tekst einstak-
lega vel að túlka Emmu Eckhert í
blíðu og stríðu, og þó nær leikur
hennar hámarki þegar öll spjót
standaáhenni. Semkona-ogekki
síst sem lesbísk kona - verður Em-
ma fyrir niðurlægingu sem hefði
nægt til að gera útaf við hvaða með-
almenni sem var. En hún á enda-
lausar birgðir af hugrekki og reisn
og Iætur aldrei bugast.
Ógœfusöm
stjarna
Romy Schneider hóf feril sinn
sem kvikmyndaleikari barnung.
Móðir hennar var einnig kvik-
myndastjarna, austurríska leik-
konan Magda Schneider. Fyrsta
hlutverkið sem Romy hlaut frægð
fyrir var Sissy, litla sæta stelpan
sem varð keisaraynja eða guð má
vita hvað í afar væmnum mynda-
flokki sem framleiddur var í
Austurríki á sjötta áratugnum.
Síðar lék hún í ótal myndum, flest-
um frönskum, en einnig bandarísk-
um. Vegur hennar sem kvik-
myndaleikkonu fór stöðugt vax-
andi, en í einkalífinu var hún
ógæfusöm og svo fór að hún stytti
sér aldur nú fvrir skömmu. aðeins
44 ára gömul. Á þessu ári hafa
nokkrir heimsþekktir kvikmynda-
leikarar fallið frá, og Romy
Schneider er þeirra ekki ómerkust.
Hún lék í mörgum myndum, mis-
jöfnum að gæðum, en nokkrar
þeirra munu halda nafni hennar á
lofti enn um langa hríð. Ein þeirra
verður sýnd í Fjalakettinum síðar í
þessum mánuði: Réttarhöldin, sem
Orson Welles gerði fyrir 20 árum
eftir samnefndri skáldsögu Kafka.
Óþarfar persón-
ur
Madame Emma er því miður of
gölluð mynd til að hún eigi langt líf
fyrir höndum, nema sem dæmi um
hæfileika Romy Schneider. Það er
Emma sjálf sem allt snýst um, og
aðrar persónur hverfa flestar í
skugga hennar. Það er helst að
aðalkeppinautur hennar, Vannist-
er bankastjóri sem er í öruggum
höndum leikarans Jean-Louis
Trintignant, verði minnisstæður.
Persónurnar eru of margar til að
þeim verði öllum fundinn staður í
leikfléttunni og margar þeirra virð-
ast með öllu óþarfar, þær gera ekki
annað en flækjast fyrir. Þetta eykur
enn á losarabrag myndarinnar.
Þegar upp er staðið verður sú
hugsun áleitin, að persónan sem
um er fjallað og leikkonan sem
túlkar hana svo frábærlega hefðu
báðar átt skilið að fá aðra meðferð,
alvarlegri og dramatískari.