Þjóðviljinn - 19.05.1984, Blaðsíða 4

Þjóðviljinn - 19.05.1984, Blaðsíða 4
4 SÍÐA - ÞJÓDVILJINN Helgin 19. - 20. maí 1984 Að ganga áfund lœknis er eins og að hitta refaskyttu í þoku. Rögnvaldur Finnbogason Robert Ardrey: Fjölskyldulíf a vorri tíð Það getur verið að í nokkrum gamaldags fjölskyldum sé enn til traust, ást og umburðarlyndi en annars er skilningur milli foreldra og barna að hverfa. Börnin skilja ekki hverju fram fer hjá foreldrum og það er foreldrum gáta hvað œskan vill. Jafnaldrarnir eru heimkynnin nýju. Þar eiga menn leyndarmál saman deila gleði og sorg leggja rœkt við sína fáfrœði og bindast samtökum um fjandskap við aðra. Og hinir það eru foreldrarnir. Þeir eiga sekt og beiskju með öðrum foreldrum en samt þekkja þeir ekki samstöðu sem þeir gætu fundið athvarf í. Hlutskipti þeirra. er einmanaleikinn undir köldu glotti borgarljósanna Björn Jónasson bókaútgefandi hjá Svörtu á hvítu:__________ Sérhæfum okkur íútgáfu á almennilegum bókum! Hafa einnig stofnað bókafélag og eru að hleypa bók- menntatímariti af stokkunum -Viö höfum sérhæft okkur í út- gáfu almennilegra bóka, sagði Björn Jónasson hjá bókafor- laginu Svörtu á hvítu sem nú haslar sér völl á æ fleiri sviðum bókadreifingar. -Svart á hvítu var stofnað fyrir um 2 árum og hefur gefið út á þriðja tug bóka. Ekki hefur farið leynt að bækur okkar eru meðal þeirra bestu. Þannig fékk Böðvar Guð- mundsson þýðingarverðlaun Reykjavíkur- borgar fyrir þýðingu sína á barnabókinni Kalli og Sælgætisgerðin - og áður hafði Hlutskipti manns eftir Malraux í þýðingu Thors Vilhjálmssonar fengið bókmennta- verðlaun DV. Þannig að þú sérð að margir kunna að meta þessa viðleitni okkar. Stofnað bókafélag -Við stofnuðum bókafélagið fyrir 2 mán- uðum eða svo. Félagasöfnun hefur gengið afskaplega vel. Við sendum út dreifirit til að kynna félagið og reglur þess, sem eru mjög óííkar því sem tíðkast hjá öðrum bókafé- lögum. -Já, það er ekki það kerfi að þú þurfir að hafa fyrir því að afpanta bók, sem ég vil meina að sé dulin kvöð á fólki. Þú færð frá okkur gíróseðil og ef þú vilt bókina þá borg- ar þú, annars ekki. -í bókafélaginu bjóðum við okkar eigin útgáfubækur á 50% afslætti sem er mun meira en önnur bókafélög bjóða. Síðan höfum við náð afar hagstæðum samningum við önnur útgáfufyrirtæki um sölu í bókafé- laginu á þeirra bóicum á góðu verði. Það eru útgáfufyrirtækin Punktar á vegum Péturs Gunnarssonar og Ljóðhús Sigfúsar Daða- sonar. Og fleira er í vændum. Tímaritið -Segja má að við veitum betri þjónustu en önnur bókafélög, til að mynda erum við að gefa út félagsbíað sem ekki er bara auglýsingar og kynningar á bókum, heldur bókmenntatímarit með vönduðu efni. Þetta tímarit á að senda félagsmönnum þeim að kostnaðarlausu og í framtíðinni eiga þeir að vinna blaðið með okkur. Við ætlum að vinna með fólkinu. Kvaðirnar á félagsmönnum eru minni en annars staðar þekkist, þú þarft ekki annað en kaupa þrjár Björn Jónasson: Bækur eru alttof dýrar bækur þegar þú gengur í félagið og ekkert fleira nema þér lítist svo. Stefnt gegn rusli í bókmenntum -Á íslandi eru gefnir út um 600 bókatitlar á ári og ótrúlega mikið af því er bara rusl. Það er búið að koma því inn hjá fólki að góðar bækur séu leiðinlegar og vondar bækur skemmtilegar, sem er náttúrlega hræðilegur misskilningur. Hann stafar m.a. af því að lítil áhersla er lögð á að flytja inn og þýða það áhugaverðasta. af bók- menntum heimsins. Ur þessu ætlum við að bæta. -Við höfum líka meiri áhuga á að kynna áhugaverða byrjendur en áður og ná í örugg kassastykki meðal rithöfunda. Þetta er í hnotskurn okkar útgáfustefna sem stuðlar að lifandi og spennandi bókaútgáfu sem beinist gegn rusli. Bókin fyrir launafólk -Jú, bækur eru alltof dýrar, sem við finn- um svo sannarlega fyrir þegar kaupið er skert á tímum einsog þessum. Við vinnum markvisst að því að færa bókarverð niður. Við ætlum okkur að koma verðinu niður í það sem venjulegt launafólk ræður við, en það hlýtur að koma niður á umbúðunum, sagði Björn Jónasson bókaútgefandi hjá Svörtu á hvítu. ^og. Frá Djúpavogi Þetta Brjef spjald er með mynd af Djúpavogi, gef iö út af O. Johnson & Kaaber í Reykja vík „Með einkarétti sam- kvæmt lögum", en ártal vantar. Hinsvegar stenduráþvíuppá frönsku Carte Postale, og Correspondance yf ir i skriftarrými.

x

Þjóðviljinn

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Þjóðviljinn
https://timarit.is/publication/257

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.