Þjóðviljinn - 19.05.1984, Blaðsíða 31
Helgin 19. - 20. maí 1984 ÞJÓÐVILJINN - SÍÐA 31
Framkvæmdir á vegum bandaríska
hersins hér á landi í ár_
Unnið fyrir
1.7 miljarð
Nemur Vio af
öllu innlendu
framkvœmdafé
Á þessu ári verður unnið að ýms-
um framkvæmdum á vegum
bandaríska hersins á Miðnesheiði
fyrir samtals rúma 57 miljón
handaríkjadali eða um 1.7 mi|jarði
íslenskra króna.
Á sl. ári var samið um nýjar her-
framkvæmdir fyrir um 10 miljónir
bandaríkjadala. Samþykktar fram-
kvæmdir frá fyrri árum, sem ýmist
eru í verktökum eða ekki byrjað á,
nema samtals 36.7 miljónum
Bandaríkjadala og viðhaldsfram-
kvæmdir Keflavíkurverktaka
nema á þessu ári 11.1 miljón dala.
Á þriðja
þúsund
ísl. á
Vellinum
Alls starfa rúmlega 2.200 ís-
lendingar á Keflavíkurflug-
velli að þvf er fram kemur í
skýrslu utanrfkisráðherra til
Alþingis.
Fjöldi hermanna á Vellin-
um um sl. áramót var alls
3.104 og í skylduliði her-
manna voru alls 2.144. Af
þeim íslendingum sem starfa
á Miðnesheiði err 1.047
starfsmenn hersins, '0 þeirra
starfa á Stokksnesi. Starfs-
menn íslenskra aðalverktaka
eru um 560 og stai'smenn
Keflavíkurverktaka 05. Sé
reiknað með fjölsk ldum
þessara starfsmanna má fast-
lega gera ráð fyrir að um 5000
íslendingar byggi afkomu sína
á veru hersins hérlendis.
Hættutími
framundan
„Það þyrfti að selja auglýs-
ingu í blöð og útvarp f júnf og
vara ðkumenn við góðum
akstursskilyrðum“ sögðu for-
ráðamenn umferðarráðs þeg-
ar þeir afhentu skýrslu sfna
um umferðaslys á íslandi árið
1983.
„Það má reikna með 4-5
banaslysum í júní“ sögðu þeir.
„Hraðinn eykst með batnandi
akstursskilyrðum og þar af
leiðandi verða slysin alvar-
legri“.
Tala slasaðra í umferðinni
er mjög há í maí og júní miðað
við aðra mánuði ársins. I
skýrslunni kemur fram að
fjöldi slasaðra er mikill í maí
en flestir látast í umferðinni í
júnímánuði. Aðra mánuði
ársins má gera ráð fyrir allt að
tveimur dauðaslysum. Alls
eru að meðaltali 24 dauðaslys
í umferðinni á ári hverju.
Þetta kemur fram í saman-
burði einstakra mánaða og
meðaltali áranna 1966-1983.
-ÍP
í umræðum um utanríkismál á
þingi í gær benti Svavar Gestsson á
að á sl. ári fóru 3 miljarðar ísl.
króna í gegnum íslenska aðalverk-
taka vegna framkvæmda á vegum
bandaríska hersins. Það fjármagn
sem dælt væri í framkvæmdir á
Vellinum næmi um 1/10 af öllu
framkvæmdafé íslenska ríkisins og
allra sveitarfélaga landsins. „Halda
menn svo að slíkt peningastreymi á
Vellinum marki ekki nein spor eftir
sig, þar sem hundruð stóreigna og
fjármálamanna landsins eru ofur-
seldar veru hersins hér á landi,“
spurði Svavar þingheim í gær.
-*g-
Samtökin Amnesty International gengust fyrir útifundi á Lækjartorgi í gær. Efni fundarins var baráttan gegn
pyntlngum sem viögangast í fangelsum margra ríkja heims. Flutt voru stutt ávörp, Ijóð og tónllst (Ijósm. eik).
Tillaga þingmanna úr öllum flokkum höfuðborgarsvæðisins
Almennmgsyagnaþjónusta
á svæðinu verði samræmd
Hefði íför með sér mun betri þjónustu og umtalsverðan sparnað
Þingmenn allra flokka í Reykjavík og á Reykjanesi hafa flutt tillögu til
þingsályktunar um skipulag almenningssamgangna á höfuðborgarsvæð-
inu. I tillögunni er lagt til að samgönguráðherra í samráði við Samtök
sveitarfélaga á höfuðborgarsvæðinu láti fara fram könnun á hagkvæmni
þess að samræma rekstur almenningsfarartækja á svæðinu. Könnuð verði
alrnenn og þjóðhagsleg hagkvæmni slíks sameiginlegs samgöngukerfis og
gerð langtímaáætlunar um slíkt samgöngukerfí.
í tillögunni er lagt til að sam- svæðinu. Könnuð verði almenn og
gönguráðherra í samráði við
Samtök sveitarfélaga á höfuðborg-
arsvæðinu láti fara fram könnun á
hagkvæmni þess að samræma
rekstur almenningsfarartækja á
þjóðhagsleg hagkvæmni slíks sam-
eiginlegs samgöngukerfis og gerð
langtímaáætlunar um slíkt sam-
göngukerfi.
í greinargerð flutningsmanna
kemur fram að samgöngukostnað-
ur á höfuðborgarsvæðinu hefur
vaxið mjög ört á undanförnum
árum með útþenslu byggðar og
hækandi bensínverði. Ekki sé óal-
gengt að þessi kostnaður fjögurra
manna fjölskyldu sé orðinn allt að
10 þúsund krónur á mánuði. Fjórir
aðilar sjái um almenningsvagna-
þjónustu á svæðinu en vegna ósam-
ræmds skipulags flutninga séu víða
miklir erfiðleikar á samgöngum
milli einstakra sveitarfélaga.
Benda flutningsmenn á að með
samræmingu þessarar þjónustu
verði hægt að ná fram umtalsverð-
um rekstrarsparnaði eða allt áð 10
miljónum króna á ári, auk mikils
þjóðhagslegs sparnaðar sem yrði
fólginn í mínni notkun einkabfla
vegna betri almenningsvagnaþjón-
ustu en talið er að rekstur einkabíla
á höfuðborgarsvæðinu kosti laus-
lega áætlað um 6 miljarða króna á
ári hverju.
-•g-
Framsóknarflokkurinn í humátt eftir Verslunar-
ráðinu og Sverri Hermannssyni
Selja orkuverin líka
Enginn annar kostur en afhenda bara fallvötnin, segir
Páll Pétursson
Páll Pétursson þingflokksfor-
maður Framsóknarflokksins úti-
lokaði ekki stuðning sinn við þá
stefnu sem Verslunarráðið og
Sverrir Hermannsson hafa boðað
að selja útlendingum einnig virkj-
anir í þingræðu í fyrrinótt.
Páll sagði að „eigi að tala af viti
um orkuverð sem nægir fyrir fram-
leiðslukostnaði þá komi þetta allt
kannske til álita“. Átti Páll þar við
yfirlýsingar Sverris í DV í fyrradag,
þarsem ráðherrann sagði: „Það
kæmi jafnvel til greina að semja við
þá um allt saman bæði orkufram-
kvæmdirnar og álverið þótt við
höfum ekki hugsað okkur þann
hátt á hingað til“.
Páll fjallaði um þessa yfirlýsingu
Sverris í nokkrum véfréttarstfl:
„En ef hann byggir það samt þrátt
fýrir að ég komi e.t.v. ekki til með
að hjálpa honum við það, þá held
ég að það sé enginn annar kostur
en sá sem hann hér ýjaði að, að
afhenda bara fallvötnin því að við
höfum ekki efni á að borga með
öllum þessum verksmiðjum. Við
höfum alveg nóg með þær sem fyrir
eru“.
Svavar Gestsson og Hjörleifur
Guttormsson gagnrýndu harðlega
yfirlýsingu Sverris Hermannssonar
og ítrekuðu spurningar um afstöðu
Framsóknarflokksins og Sjálfstæð-
isflokksins alls um þetta mál. -óg
Mikill munur á launum í Vinnuskóla Kópavogs og
Reykjavíkur_
56.98 kr. í Kópavogi
40.98 kr. í Reykjavík
Mikill munur er á launum ung-
linga i vinnsukólum Kópavogs og
Reykjavíkur. I Kópavogi fá krakk-
arnir allt að 56,98 krónum á tím-
ann en í Reykjavík er hæsta kaupið
aðeins 40,98 krónur á tímann.
Mikil hækkun hefur orðið á milli
ára í Kópavogi og er nú tímakaup
unglinga sem fæddir eru 1968 17
krónum hærra en það var á sl.
sumri.
Sigurður Þorsteinsson nýráðinn
skólastjóri Vinnuskólans í Kópa-
vogi sagði í samtali við Þjóðviljann
í gær að bæjaryfirvöld ættu hrós
skilið fyrir þessa frammistöðu og
hún sýndi að starf unglinganna væri
metið að verðleikum. í Vinnuskóla
Kópavogs eru fjórir árgangar og fá
unglingar fæddir 1968 56.98 kr. á
tímann eins og áður sagði, ung-
lingar fæddir 1969 fá 50.29 kr. ung-
lingar fæddir 1970 fá 44.70 á tím-
ann og þeir yngstu, fæddir 1971, fá
33.53 kr. á tímann. í fyrra voru á 4.
hundrað unglinga í Vinnuskóla
Kópavogs og bjóst Sigurður við að
þeir yrðu ekki færri í sumar.
Skólinn hefst 4. júní og er síðasti
innritunardagur í dag, föstudag.
Eins og áður sagði eru laun ung-
linga í Vinnuskólanum í Reykjavík
afar lág. Árgangar í skólanum eru
aðeins tveir og fá unglingar sem
fæddir eru árið 1969 40.18 kr. á
tímann en þeir sem fæddir eru 1970
fá 35.71 kr. á tímann.
-v.
Bensínstöðin í
Bessastaðahreppi
„Og....
jafnvel
..sölu-
skála“
Vantaði þrjú
orð í umsóknina
„Þrjú orð vantaði inn í bréf
Olíufélagsins h.f. sem fylgdi
umsókn Snæbjarnar Olafs-
sonar til hreppsnefndar Bess-
astaðahrepps um sölu á landi
undir bensfnstöð. Á næsta
fundi lagði oddvitinn munn-
lega fram að þrjú orð hefði
vantað inn f bréfíð: og
jafnvel söluskála sagði
Ólafur Stefánsson hrepps-
nefndarmaður Þjóðviljanum.
Við fengum einnig þær upp-
lýsingar að fyrir 8 árum hefði
núverandi sveitarstjóri óskað
eftir leyfi til að byggja sjoppu í
námunda við fyrirhugaða
bensínstöð. Hreppsnefndin
sem þá var starfandi vísaði
málinu til kvenfélagsins sem
hafnaði sjoppunni. Ólafur
sagði þetta rétt vera en var
ekki viss um staðsetninguna
nákvæmlega. í gær náðist
hvorki í sveitarstjórann né
oddvitann í Bessastaðahreppi
til að fá málið upplýst.
-jP