Þjóðviljinn - 24.02.1989, Blaðsíða 12
Útboð
Innkaupastofnun Reykjavíkurborgar fyrir hönd
Hitaveitu Reykjavíkuróskareftirtilboöum í„Nesj-
avallaæð - stýrihús, tengihús og geymaundir-
stööur".
Verkiö felst í því aö steypa upp og fullgera stýri-
hús á Reynivatnsheiði, tengihús og geymaundir-
stöður á Reynivatnsheiði og tengihús á Grafar-
holti. Stærö húsa er alls um 3000 m3 og helstu
magntölur eru: fylling 12000 m3, steypa 930 m3,
steypumót 3400 m3.
Útboösgögn veröa afhent á skrifstofu vorri aö
Fríkirkjuvegi 3, Reykjavík, gegn kr. 15000 skila-
tryggingu. Tilboðin veröa opnuð á sama staö
miövikudaginn 15. mars 1989 kl. 11.
INNKAUPASTOFNUN REYKJAVIKURBORGAR
Fríkirkjuvegi 3 — Sími 25800
Vegna útfarar
Eiríks Briem
fyrrverandi framkvæmdastjóra
veröur skrifstofa Landsvirkjunar í Reykjavík lok-
uð eftir hádegi föstudaginn 24. febrúar.
L
LANDSVIRKJUN
Styrkir
til Rannsókna
í kvennafræðum
í fjárlögum fyrir yfirstandandi ár var einnar miljón-
ar eitt hundrað og fjörutíu þúsunda króna - kr.
1.140.000 - fjárveiting færð til Háskóla íslands til
rannsókna í kvennafræðum.
Áhugahópur um íslenskar kvennarannsóknir
auglýsir hér meö, í umboði Háskólans, eftir um-
sóknum um styrki til rannsókna í kvennafræðum,
en til kvennafræða teljast allar þær rannsóknir
sem á einhvern hátt varöa konur, eru unnar á
forsendum kvenna og frá þeirra sjónarhóli.
Veittir verða launastyrkir fyrir rannsóknir í minnst
þrjá mánuöi og skulu þeir miðast viö byrjunarlaun
lektors. Þó getur nefndin veitt styrki til skemmri
tíma ef sérstaklega stendur á. Ekki verða veittir
styrkir til sama verkefnis oftar en tvisvar sinnum.
Umsækjendur skulu hafa lokið háskólaprófi sem
svarar til meistaraprófs eða kandidatsprófs og/
eða sýnt fram á hæfni sína til rannsóknastarfa
með öðru móti.
(umsókn skal greina ítarlega frá þeim rannsókn-
um sem sótt er um styrk til og fjáröflun til þeirra frá
öðrum. Við lok styrktímabils skal styrkþegi senda
úthlutunarnefnd framvinduskýrslu.
Áhugahópurinn vill vekja athygli á því að hægt er
fyrir fólk á ólíkum fræðasviðum að sameinast um
rannsóknarverkefni og vill hvetja til samstarfs
sem gæti orðið upphaf að röð rita um líf og stöðu
íslenskra kvenna frá sjónarhóli mismunandi
fræðigreina.
Umsóknum skal skila á sérstökum eyðublöðum,
sem fást á aðalskrifstofu Háskóla íslands.
Umsóknarfrestur er til 15. apríl n. k.
Umsóknir sendist til:
Áhugahóps um íslenskar kvennarannsóknir
b.t. Guðrúnar Ólafsdóttur, dósents
Jarðfræðahús
Háskóli íslands
101 Reykjavík
ÍÞRÓTTIR
ÞORFINNUR
ÓMARSSON
islenska landsliðið náði svo sannarlega að gera betur en menn þorðu að vona. Miklar væntingar eru
greinilega af hinu illa.
Leikið um gullið
ísland burstaði Holland og á möguleika á sigri í B-keppninni.
V-Þjóðverjar áfram í B-flokki
Það ríkti mikil spenna eftir
hinn frækna sigur íslenska lands-
liðsins í handknattleik á Hollend-
ingum í B-keppninni í gær. Fyrir-
staðan var lítil og lauk leiknum
með 14 marka sigri íslands, 31-
17. Þar með höfðu íslendingar
tryggt sér A-sæti á ný og eygðu
möguleika á að leika um gullið i
B-keppninni. Úrslitin í leik Svis-
slendinga og Rúmena skiptu öllu
máli í því tilliti. Ef Rúmenar ynnu
með 5 mörkum eða betur næðu
þeir hagstæðara markahlutfalli
en landinn og því yrði keppni um
bronsið fyrirsjáanleg.
En sá ótti var með öllu óþarfur.
Sviss og Rúmenía skildu jöfn, 16-
16, og því hlutu báðar þjóðirnar 7
stig. Það er einu stigi minna en
ísland sem leikur til úrslita gegn
Pólverjum, efsta liðinu í hinum
milliriðlinum.
Sannfærandi sigur
Leikurinn gegn Hollandi var
mjög erfíður fyrir íslenska liðið
þar sem ekki var vitað með vissu
að hverju var stefnt. Það þarf
ekki að fara mörgum orðum um
að 14 marka sigur er mjög örugg-
ur og sannfærandi sigur en þar
sem Rúmenar höfðu níu marka
„forskot" á ísland var ekki víst að
það dugði til að ná efsta sætinu í
milliriðlinum.
Strax frá fyrstu mínútu keyrði
íslenska liðið af mikilli hörku og
skoraði venjulega tvö mörk á
meðan það niðurlenska geraði
eitt. Þannig var staðan 4-2, 6-3,
8-4, 10-5, 12-6, 14-7 og 16-8 en
meiri varð munurinn ekki í fyrri
hálfleik en þá var staðan 18-10.
Ekki leist undirrituðum á blik-
una þegar hollendingum tókst að
minnka muninn í 20-13 og þegar
síðari hálfleikur var hálfnaður
var aðeins sjö marka munur, 21-
14. Á þessum tíma höfðu raörg
tækifæri farið forgörðum hjá ís-
lenska liðinu og ágæt markvarsla
Einars Þorvarðarsonar dugði
ekki til þar sem Hollendingar
náðu flestum fráköstum.
En þá kom Héðinn Gilsson
inná og fór hann á kostum ásamt
Jakobi Sigurðssyni næstu mínút-
urnar. Næstu níu mörk, eða allt
þar til staðan var orðin 30-17,
voru ýmist skoruð af Héðni eða
Jakobi. Héðinn skoraði fimm
þeirra en Jakob fjögur og virtist
sem Héðinn væri eini leikmaður
liðsins sem skorað gæti með lang-
skoti og Jakob var sá eini er nýtti
hraðaupphlaupin til fullnustu.
Kristján Arason skoraði síðan
31. mark íslands sem jafnframt
var síðasta mark leiksins. íslend-
ingar hefðu jafnvel getað bætt við
marki en æsingurinn var orðinn
mjög mikill og það gekk því ekki
eftir.
Enda þótt íslenska liðið hafi
gert sig seka um mörg mistök í
leiknum er ekki annað hægt en að
hrósa því fyrir árangurinn. Takt-
ískt, léku þeir þennan leik rétt.
Þe. að keyra á fullu allan tímann
þar sem fleiri sóknir gefa færi á
hám markaskorun. Því fylgir
alltaf sú hætta að andstæðingur-
inn skori einnig mörg mörk og
einnig að sóknarnýtingin verði
slök með slíkum hamagangi. Þeg-
ar allt er tínt til gekk leikurinn
gegn Hollandi vel.
Jakob Sigurðsson og Héðinn
Gilsson voru án efa bestu men
íslenska liðsins að þessu sinni.
Héðinn lék að vísu ekki allan
leikinn en hann kom inná á mikil-
vægu augnabliki og stóð sig vel.
Þá varði Einar Þorvarðarson vel
og fyrirliðinn, Þorgils Óttar
Mathiesen stóð vel fyrir sínu, sér-
staklega í fyrri hálfleik en þá lék
allt liðið vel.
Mörk íslands: Jakob Sigurðsson
8, Þorgils Óttar Mathiesen 6,
Héðinn Gilsson 5, Kristján Ara-
son 4, Sigurður Sveinsson 3/3,
Alfreð Gíslason 2, Valdimar
Grímsson 2, Sigurður Gunnars-
son 1.
Einar Þorvarðarson varði 17/1
skot.
Frábær árangur
Eftir úrslit gærdagsins er ljóst
að V-Þjóðverjar verða áfram B-
þjóð og er það merkilegt þar sem
þeir hafa átt landslið í allra frem-
stu röð undanfarin ár. Flestir
spáðu þeim sigri í þessari B-
keppni og vafalaust hafa mjög
fáir spáð þeim 7.-8. sætinu eins og
kom á daginn.
Árangur íslands hlýtur því að
skoðast sem mjög góður enda
gæti hann ekki verið betri en það
sem af er. Að leika til úrslita í
keppninni er skemmtileg til-
breyting frá því markmiði að ná
lágmarks árangri. Þá er athyglis-
vert að hinar Norðurlandarþjóð-
irnar, Danmörk og Noregur, fóru
flatt í keppninni. Noregur lenti í
botnkeppninni og flyst niður í C-
flokk og Danmörk var fjarri því
að komast upp í A-flokk og leikur
við V-Þjóðverja um 7.-8. sætið.
Þungu fargi er létt af landsliðs-
mönnum okkar nú þegar B-
keppninni lýkur. ísland er aftur
komið í hóp bestu handknatt-
leiksþjóða heims og „strákarnir
okkar“ hljóta æruna á ný.
• Svo getur farið að einhverjir
leikmenn í hinum harða kjarna
landsliðsins leggi skóna og bolt-
ann á hiiluna en fyrirliðinn, Þorg-
ils Óttar Mathiesen, hefur þegar
gefíð út slíka yfirlýsingu. Það
mætti þó ætla að þar sem iiðið
hefur nú unnið sig á sannfærandi
hátt upp í A-grúppu hljóti menn
að hafa metnað í að standa sig á
meðal þeirra allra bestu í Tékk-
óslóvakíu að ári liðnu.
ísland varð númer 6 á Ól-
ympíuleikunum í Los Angeles og
einnig í heimsmeistarakeppninni
í Sviss 1986 en leikreyndasta
landslið heims hlýtur að eiga
möguleika á að vinna til verð-
launa ef allir okkar bestu leik-
menn verða með.
Nýr þjálfari tekur við liðinu
með nýjar aðferðir en reynsla
okkar manna verður ekki aftur
tekin og þótt endurnýjun sé af
hinu góða verður hún að gerast í
aföngum. Við vonum því að ís-
land geti teflt fram sínu sterkasta
landsliði á ári komanda.
Úrslit
Milliriðill 1 (A/B)
Pólland-Frakkland............27-24
Spánn-Kúba...................28-20
Danmörk-lsrael...............32-17
Staðan
Pólland........5 5 0 0 136-109 10
Spánn..........5 4 0 1 119-106 8
Frakkland......5 3 0 2 113-99 6
Danmörk........5 2 0 3 126-117 4
Kúba.............5 10 4 111-121 2
Israel.........5 0 0 5 88-141 0
Milliriðill 2 (C/D)
V-Þýskaland-Búlgaría.............25-13
(sland-Holland...................31-17
Rúmenía-Sviss....................16-16
Staðan
Island...........5 4 0 1 114-91 8
Rúmenía..........5 3 1 1 120-102 7
Sviss............5 3 1 1 98-88 7
V-Þýskaland.........5 3 0 2 112-89 6
Búlgaría............5 1 0 4 99-120 2
Holland.............5 0 0 5 95-150 0
12 SÍÐA - NÝTT HELGARBLAÐ Föstudagur 24. febrúar 1989