Þjóðviljinn - 24.02.1989, Blaðsíða 20

Umsjón:
KRISTÍN VALSDÓTTIR
ANDRÉS GUÐMUNDSSON
BARNAKOMPAN
Ingi á Bæ
Þjóðsaga
Ingi á Bæ átti þrjár myllur og gat kallað á skrattann í einni, guð
í annarri og dauðann í þeirri þriðju. Einn vondan veðurdag kom
maður til Inga og bað um vinnu sem hann fékk. Hann sagði
nafn sitt og var það Ýmir. Hann var stór og vel vaxinn, rauðleitur
(eins og indjáni) með brún stingandi augu og vann vel. Þrem
dögum síðar kom maður að nafni Pétur og bað um vinnu. Hann
var Ijóshærður, hvítur á hörund, stór og stæðilegur. Inga leist
vel á hann og veitti honum vinnu. Sex dögum seinna kom annar
skolhærður með grá augu og hrörlegur útlits. Hann hafði góð
meðmæli. Nafn hans var Hrammur. Eitt sinn þegar Ingi lét þá
þrjá vinna saman í myllu kölska vann Ýmir lang best en Pétur lá
og flatmagaði fyrir framan mylluna og las biblíuna en honum
leið ekki vel. Hrammur vann sæmilega en var þreyttur. Næsta
dag lét Ingi þá vinna í myllu guðs þá vann Pétur langbest en
Ýmir lá og blótaði. Hrammur vann en ekki vel. Því næst lét Ingi
þá vinna í myllu dauðans. Hrammur vann svo vel að sex menn
hefðu varla unnið jafn mikið. Hinir tveir lágu langt frá hvor
öðrum og sváfu. Inga fór að gruna að ekki væri allt með felldu.
Hann spurði skrattann hvort hann vissi um þá þrjá. Kölski sagði
að Ýmir væri útsendari sinn og biður Inga að veita honum góða
aðstöðu og besta matinn. Síðan talaði Ingi við guð og spurði um
þá þrjá. Guð sagðist hafa sent Pétur til hans til þess að gæta
hinnar guðlegu myllu. Nú fór Ingi í myllu dauðans og spurði um
Hramm. Dauðinn sagðist hafa sent hann vegna myllunnar
sinnar. Ingi greip þá til þess ráðs að láta hvern um sig vinna í
sitthverri myllunni. Ýmir vann í myllu dauðans og Hrammur í
myllu kölska. Þeir gáfust fljótlega upp og héldu hvor sína leið.
Pétur vann í myllu guðs og líkaði vel. Hann var áfram hjá Inga.
Ingi eyðilagði síðan hinar myllurnar tvær.
Garðar Guðjónsson 11 ára
Þetta eru fjölleikahúsmenn í Sirkus. Leópold 5 ára teiknaði
myndina.
Föndurfólk. Búöu til gormakarla úr pappír.
1) Brjóttu saman pappírsörk og teiknaðu hálfan
mann út frá brotinu.
2) Klipptu manninn út. Klipptu inn í búkinn frá báöum
hliðum eins og sýnt er á myndinni.
3) Opnaöu nú brotið og þá getur þú teygt og togaö
karlinn aö vild.
20 SÍÐA - NÝTT HELGARBLAÐ Föstudagur 24. febrúar 1989