Þjóðviljinn - 15.09.1989, Blaðsíða 2

SKAÐI SKRIFAR
Að yf irgefa
Flokkinn
og sigra Heiminn
Ég, Skaöi, hefi orðið var við það í mínum
flokki, Sjálfstæðisflokknum, að menn eru
eitthvað að hneykslast á því þótt Borgara-
flokkurinn fari í stjórn með Steingrímsa og
kommunum. Ég get ómögulega verið að því,
svei mér þá alla mína daga. Ég segi bara:
farið hefur fé betra. Og líka þéfía: eigi skal
haltur ganga meöan bífurnar á Þorsteini mín-
um Pálssyni og Davíð borgarstjóra eru jafn-
langar.
Mér þótti það til dæmis alveg út í hött þegar
sá sem fór og kom, Albert Guðmundsson,
var eitthvað að líkja Borgaraflokknum og
Júlla Sólnes við Júdas og sagði að þeir heföu
gert einhvern öfugan bisness og fengið ekki
þrjátíu silfurpeninga heldur í mesta lagi
fimmtán fyrir sína ótryggð og svikin flá. Albert
áttar sig alls ekkert á markaðsprísunum í slík-
um málum: það er nú fjandakornið einhver
pinkulítill munur á því að svíkja Jesúm, son
guðs eða Inga Björn, son sendiherrans í Par-
ís, maður verður nú að viðurkenna það.
Annars hitti ég Víkverja Moggans, sem er
gamall vinur minn, á förnum vegi í umhleyp-
ingum haustsins og hann var eitthvað svo
andskoti fúll.
Af hverju ertu svona fúll? spurði ég.
Mér stendur ógn af lauslætinu í heiminum,
sagöi hann.
Hvað ber til þess? spurði ég.
Ég er svo hneykslaður að ég veit ekki hvar
nef mitt er, sagði Víkverji. Sjáðu alla þessa
flokksbræður okkar, Skaði, sem hafa krækt
sér í ráðherrastól bara með því að hlaupas'.
frá sínum flokki í lengri eða skemmri tíma.
Sjáðu Friðjón Þórðarson, sem aldrei hefði
orðið dómsmálaráðherra nema með því að
dandalast með Gunnari Thór í einhverja
kommastjómina. Aldrei hefði Gunnar sjálfur
orðið forsætisráðherra nema með sínu
brotthlaupi. Og svo eru þessir karlar eins og
Óli Guðbjarts og Júlli Sólnes-alltaf voru þeir
að bítast og berjast um að verða þingmenn
fyrir okkur. En það gekk ekki nema með því
að hlaupast á brott.
Kæri vin, sagði ég, þetta er bara lögmál
lífsins. Menn verða að kveðja föðurog móður
og leita sér þroska í hinum pólitísku út-
löndum.
Iss, sagði Víkverji. Það er ekki eins og
þetta séu einhverjir andskotans unglingar.
Þetta er allstaðar svona, sagði ég. Líttu
bara í kringum þig með opnum huga og láttu
lífsreynsluna flæða um þig í friði. Hvað gerði
ekki sjálfur Hannibal? Hann lét hrekja sig úr
sínum krataflokki og var náttúrlega orðinn
ráðherra hjá kommum eins og skot. Og ef þú
horfir á þessa ríkisstjórn, þá er hún mestan
part samsett af þessum pólitísku flótta-
mönnum. Þar eru ekki bara Júlli Sólnes og
Óli Þorn. Þar eru þeir Jón Baldvin og Ólafur
Ragnar sem báðir eru tvöfaldir flóttamenn.
Jón flúði frá kommum og frjálslyndum og
Ólafur frá Framsókn og frjálslyndum. Jón
Sigurðsson flúði úr Þjóöhagsstofnun og ég er
viss um að hinir hafa einhvern flótta í sálinni
líka. Lífið er bara svona, kæri vin - maður
verður stundum að hlaupa kringum hnöttinn
til að komast loksins aftan að sjálfum sér.
Aldrei fór Ólafur Thors neitt, sagöi Víkverji
og þrjóskusvipurinn vildi ekki yfirgefa hann.
Vitanlega ekki, sagði ég. Hann þurfti ekki
að fara neitt. Það er bara svona. Sumir menn
eru fæddir í ráðherrarúmi ef svo mætti segja.
Eða ritstjórastóli, sagði Víkverji angurvær
og í fjarrænu bliki augna hans skaut upp
endurskini af duldum harmi.
Eigi má sköpum renna, sagði ég. Og hafðu
í guðanna bænum ekki áhyggjur af þessu
fólki sem þú heldur að séu liðhlaupar. Líttu á
þaðjákvæða ítilverunni. Það er staðreynd að
Sjálfstæðisflokkurinn er svo mikill hæfileika-
banki að ekki rúmast öll ráðherraefni innan
hans. Því er um að gera að þeir sem ekki
komast að leggi land undir fót og hasli sér völl
hér og þar. Þá verða miklu fleiri menn ham-
ingjusamir yfir því að hafa orðið ráðherrar.
Og þetta endar með því að Sjálfstæðisflokk-
urinn verður út um allt og elskan mín, hvað
viltu meir?
EKKI ÞÓ MANNVITI
Það er svona með fsland, það er
fullt af öllu...
Morgunblaðið
EKKERT
MÁ MAÐUR
í skjóli guðfræði ætti mönnum
ekki að leyfast að taka sér alræð-
isvald og segja að í öllum konum
búi norn.
Morgunblaðið
HÁMARK FIRRING-
AR í SAMFÉLAGINU
Virðist nú svo komið að
sauðkindin er að verða bænda-
laus þegar mest á reynir.
Tíminn
FUNDIN HEILÖG
ÞRENNING
Næstkomandi. sunnudag mun
Steingrímur Hermannsson for-
sætisráðherra mynda sína þriðju
ríkisstjórn. Þar með hefur hann
skipað sér á bekk með þremur
mönnum sem myndað hafa þrjár
ríkisstjórnir eða fleiri á íslandi.
Tíminn
SVELTUR
SITJANDI KRÁKA...
Júlíus Sólnes leitaði hvað eftir
annað eftir þingframboði á veg-
um Sj álfstæðisflokksins áður en
hann yfirgaf flokkinn. Nú er hann
orðinn ráðherra. Það mætti ætla
að leiðin fyrir metnaðarfulla
Sjálfstæðismenn uppí ráðherra-
stól sé sú að yfirgefa flokkinn.
Morgunblaðið
LOKS VAR DABBI
EKKI SPURÐUR !
Eiríkur Jónsson höfundur sagði í
samtali við Tímann að hér væri á
ferðinni bók sem markaði tíma-
mót. Bókin er skrifuð án sam-
þykkis Davíðs Oddssonar borg-
arstjóra.
Tíminn
ALLTAF SLEPPA
HEIMSK-
INGJARNIR
Fjöldi greindra einstaklinga með
alnæmi.
Fyrírsögn
opinberrar skýrslu
ÁÐ LOKUM SIGRAR
SANNLEIKURINN!
Nú er almennt viðurkennt að allir
þurfi hæfilega hreyfingu.
r
fh
'Á Sjá þetta!
-----
Ég veit að það er
nauðsynlegt að klæða sig
eftir tilefnum en er þetta
ekki full langt gengið
hjá Sverri...
Pressan
AUÐLEGÐ Á VÖXT-
UMÍGUÐANNA
RÍKI
Jafnframt vitum við að hinn
óveiddi þorskur er ekki glataður
heldur inneign á háum vöxtum.
Morgunblaðið
MARKAÐS-
LÖGMÁLIN
ÚR SAMBANDI?
Rétt verð fyrir banka - endalaust
álitamál.
Sverrir Hermannsson
2 SIÐA - NÝTT HELGARBLAÐ Föstudagur 15. september 1989