Dagblaðið Vísir - DV - 15.01.1996, Blaðsíða 4

4
MÁNUDAGUR 15. JANÚAR 1996
Fréttir
DV
Tíu ár í haust frá leiðtogafundinum í Reykjavík:
Gorbatsjov og Shultz
koma líklega í afmælið
Verulegar líkur eru á því að
Reykjavíkurborg og forsætisráðu-
neytið standi fyrir dagskrá í Reykja-
vík í haust til að minnast þess að þá
eru tíu ár liðin frá því að Reykjavík-
urfundurinn, sem var upphafið að
endalokum kalda stríðsins, var
haldinn hér. Stefnt er að því að rík-
isstjórn og borgarráð taki ákvörðun
um þetta á þriðjudag og verður þá
sent boð til Míkhaíls Gorbatsjovs,
þáverandi sovétleiðtoga, og George
■Shultz, þáverandi utanríkisráð-
herra Bandaríkjanna. Þeir hafa báð-
ir tekið jákvætt í að koma en Ron-
ald Reagan, fv. forseti Bandaríkj-
anna, kemst ekki vegna veikinda.
„Það eru öll merki þess að farið
verði í dagskrá vegna tíu ára afmæl-
isins og nýta það til að koma
Reykjavík og íslandi á framfæri og
halda við ímyndinni sem varð til
þegar fundurinn var haldinn hérna
1986. Tilgangurinn er að minnast
þess að endalok kalda stríðsins og
hrun Sovétrikjanna byrjuðu hér.
Það þarf að skoða aftur á bak hverju
fundurinn áorkaði í alþjóðamálum,
hvernig staðan er núna og hvernig
getum við notað Reykjavík sem
vettvang til að ræða framtíðina.
Getur Reykjavík ekki orðið fræg á
sviði afvopnunar og umhverfismála
eins og Ósló er fræg fyrir friðar-
verðlaun Nóbels?“ segir Jón Hákon
Magnússon, formaður Samtaka um
vestræna samvinnu.
Dagskrá afmælisins er enn á
frumstigi en Jón Hákon segist búast
við að haldinn verði fundur og flutt-
ir fyrirlestrar. Þá verði dagskrá í
Höfða, einum sögufrægasta og
þekktasta stað á íslandi. Engin dag-
setning hefur verið ákveðin en talað
er um að halda upp á afmælið í
ágúst eða september þar sem for-
setakosningar eru í Bandaríkjunum
í nóvember. Stefnt er að því að af-
mælið standi í nokkra daga eða
jafnvel í lengri tíma.
Búast má við að kostnaðurinn við
afmælishátíðina nemi milljónum
eða milljónatugum króna. Sá kostn-
aður leggst þó ekki allur á borgina
og ríkið því að stefnt er að því að fá
fjármálastofnanir, útflutningsfyrir-
tæki og fyrirtæki í ferðaiðnaði til að
nýta sér tækifærið. -GHS
Línuveiðar:
Tjaldur bætti
metið
Eins og skýrt var frá í DV í
haust var sett aflamet í línuveið-
um á Tjaldi SH 270 í nóvember
síðastliðnum. Þann mánuö aflað-
ist á bátinn 330 tonn. í desember
var metið svo bætt þegar veiddust
368 tonn á línuna, sem er hreint
ótrúlegur afli. Helmingur þessa
668 tonna afla skerðir ekki kvóta
því þetta er veitt á línutvöföldun-
artímabilinu.
-S.dór
Ríkisstjórnin og borgaryfirvöld taka ákvörðun um það í næstu viku hvort þess verði minnst í haust að tíu ár eru þá
liðin frá því leiðtogafundurinn var haldinn hér á landi. Ronald Reagan, þáverandi Bandaríkjaforseti, kemst ekki til
landsins vegna veikinda en Míkhaíl Gorbatsjov, þáverandi Sovétleiðtogi, og George Shultz, þáverandi utanríkisráð-
herra Bandaríkjanna, hafa tekið vel í að koma. Hér má sjá þá Reagan og Gorbatsjov á fundi í Höfða.
Brotist inn til
sofandi fólks
- í annað sinn á viku
Brotist var inn í einbýlishús við
Stekkjarbakka í Reykjavík í annað
sinn á einni viku snemma á laugar-
dagsmorgun. íbúar hússins sváfu á
meðan menn spenntu upp svala-
hurð og báru út sjónvarp og mynd-
bandstæki, tölvu og ýmislegt fleira.
Brotist var inn í þetta sama hús
þann 9. þessa mánaðar og þá hurfu
hljómflutningstæki. Gísli Pálsson
hjá RLR segir fólk oft ekki bregðast
við á viðeigandi hátt eftir að það
hefur lent í þvi að brotist er inn hjá
því.
„Menn fara inn einhvers staðar
og sjá að þar er eftir einhverju að
slægjast. í þessu tilviki hafa þeir
einhverra hluta vegna þurft að
hverfa af vettvangi í fyrra skiptið
en síðan koma þeir bara aftur og
taka það sem eftir er. Það kemur
ekkert orðið á óvart í þessu og fólk
verður að gera hvað það getur til
þess að fyrirbyggja að svona hlutir
gerist,“ segir Gisli.
-sv
Dagfari
Jafnvægi í byggö landsins
Efling hyggðar í landinu hefur
löngum verið háleitt markmið í ís-
lenskum stjómmálum, og jafnvel
löngu eftir að fólk á landsbyggð-
inni hætti að hafa áhuga á að
binda trúss sitt við átthagana hafa
stjómvöld unnið að því sleitulaust
að koma í veg fyrir fólksflutninga
af landsbyggðinni og varið til þess
ómældum milljónum.
Til marks um stefnufestu stjórn-
valda hefur lengi starfað hér á
landi sérstök stofnun, Byggðastofn-
un ríkisins, sem gegnir því hlut-
verki að halda uppi dulbúnu at-
vinnuleysi vítt og breitt um landið
og hefur margur góður maðurinn,
virðingarverð fyrirtækin og jafnvel
heOu byggðarlögin mátt þola þann
rausnarskap Byggðastofnunar að
dæla peningum í vonlausa fram-
leiðslu. Peningastreymið frá
Byggðastofnun hefur að sjálfsögðu
framlengt í hengingarólinni og
aukið skuldasúpuna í fyrirtækja-
rekstri, sem aldrei hefur átt sér
neina framtíð, með þeim afleiðing-
um að krassið hefur jafnan verið
meira og átakanlegra, loksins þeg-
ar menn hafa ekki einu sinni getað
fleytt sér áfram fyrir lánsfé frá
Byggðastofnun.
Þá hafa eigendur og starfsmenn
viðkomandi fyrirtækis loksins get-
að lagt upp laupana og flutt en
Byggðastofnun snúið sér að öðrum
sambærilegum fallkandídötum í
nafni byggðastefnunnar, allt í þeim
tilgangi að koma í veg fyrir að fólk-
ið ráði því sjálft hvar það býr. Svo
virðist þó sem fórnarlömbum hafi
fækkað og færri og færri eru fúsir
til þess að fara á hausinn í nafni
byggðastefnunnar. Þetta hefur því
miður valdið nokkrum vandræð-
um í Byggðastofhun, sem enn hef-
ur ómælt fé til ráðstöfunar í sam-
ræmi við þá staðföstu ákvörðun
landsfeðranna að land skuli allt
vera í byggð, hvað sem tautar og
raular.
Þessi þróun hefur valdið því að
Byggðastofnun hefur þurft að taka
upp nýja stefnu, enda er ótækt að
láta peningana liggja ónotaða þeg-
ar nóg er til af þeim.
Samkvæmt þessu hefur Byggða-
stofnun keypt húseignir undir eig-
in starfsemi í þeim byggðarlögum
þar sem fólkið vill helst vera, þ.e. í
Reykjavík og á Akureyri. Fyrir
tveim árum var keypt húseign að
Engjateigi 3 í Reykjavík og kaup-
verð ákveðið 66,2 millj. kr. Áætlað
var að breyta þyrfti húsnæðinu
fyrir 19 milljónir króna. í árslok
1995 var bókfærður kostnaður hins
vegar orðinn 43 millj. kr. og þannig
hafði kaupverð húseignarinnar að
Engjateigi hækkað um 157% um-
fram áætlanir. Heildarkostnaður
nemur sem sagt 115 millj. kr.
Á Akureyri varð líka að kaupa
húseign, samkvæmt kenningunni
um jafnvægi í byggð landsins, og
þar var Strandgata 29 keypt fyrir
30,6 millj. kr. Einhverjar endurbæt-
ur þurftu sömuleiðis að fara fram á
þvl húsi, enda verður Byggðastofn-
un að búa með stæl og er nú svo
komið að kostnaðarverð Strandgöt-
unnar nemur 55 millj. króna.
Ástæðulaust þótti að bera þessar
fjárfestingar undir stjórn Byggða-
stofnunar, enda ekki nema fjórir
starfskraftar á skrifstofunni á Ak-
ureyri og allt eru þetta smápening-
ar í ljósi þeirra umsvifa sem
Byggðastofnun gegnir í jafnvægi í
byggð landsins.
Byggðastofnun verður ekki sök-
uð um að liggja á peningunum án
þess að nota þá. Og það gefur auga-
leið að stofnun sem stendur ein og
óstudd í því vanþakkláta verkefhi
að þröngva peningum upp á lands-
byggðarfólk, til að koma í veg fyrir
að það taki sér búsetu þar sem líf-
vænlegra er, búi vel að starfsfólki
sínu. Það má líka til sanns vegar
færa að Byggðastofnun getur varla
gegnt hlutverki sínu um jafnvægi í
byggð landsins, ef illa er búið að
stofnuninni í þeim byggðarlögum
þar sem hún ætlast ekki til að fólk
búi.
Þess vegna er það með öllu
ástæðulaust að gagnrýna Byggða-
stofnun þótt hún fari 157% fram úr
áætlunum þegar hún kaupir
kontór undir starfsemi sína.
Dagfari