Dagblaðið Vísir - DV - 15.01.1996, Blaðsíða 12

12
MÁNUDAGUR 15. JANÚAR 1996
Spuriiingin
Hverjir eru helstu gallar
þínir?
Birna Guðlaugsdóttir, húsmóðir
og nemi: Það verða aðrir að dæma
um.
Þórey S. Þórisdóttir verslunar-
stjóri: Þeir eru svo margir.
Ólafur Hjartarson vaktmaður:
Nú veit ég ekki.
svolítið uppstökkur þegar mér hitn-
ar í hamsi.
Ólafur Þór Chelbat nemi: Ég sef
dálítið mikið.
Bára Mjöll Þórðardóttir nemi: Ég
vinn of mikið.
Lesendur
Snjomokstur
og hálkueyðing
Sandur reynist ófullnægjandi sem hálkuvörn og því er salt notað líkt og víða
annars staðar.
Sigurður I. Skarphéðinsson
gatnamálastj. skrifar:
Hinn 3. þ.m. birtist í DV lesenda-
bréf þar sem gagnrýnt er hvernig
staðið er að hálkueyðingu á götum
borgarinnar. í upphafi telur bréfrit-
ari að nú í haust hafi ekkert tilefni
verið til saltnotkunar enda hálka
með minnsta móti. Síðar heldur
hann því fram að saltburður hafi
verið „samkvæmt venju á þessum
árstíma", þ.e. óháður raunverulegri
þörf. Beðið var um kostnaðartölur
og samanburð milli ára.
Árið 1994 var kostnaður við
snjómokstur og hálkueyðingu
gatnakerfisins um 110 mkr. og í fjár-
hagsáætlun síðasta árs var gert ráð
fyrir svipaðri upphæð eða 100 mkr.
Niðurstaða kostnaðar 1995 liggur
enn ekki fyrir en hann stefnir í um
80 mkr., eða um 20 mkr. minna en
íjárhagsáætlun gerði ráð fyrir. Sé
litið til saltnotkunar nú í haust,
septembyrjunar til desemberloka,
nam hún um 65% af notkun sömu
mánaða ársins 1994 og í desember
rúmum helmingi þess sem hún var
árið áður.
Á undanförnum árum hefur hjá
Reykjavíkurborg verið unnið að því
að draga úr saltmagni með ýmsum
leiðum og má þar m.a. nefna að
fylgst er mun betur með veðurhorf-
um nú en áður, bæði með rekstri
eigin veðurstöðva og eins meö sér-
stakri spá fyrir Reykjavík sem Veð-
urstofa íslands sendir okkur tvisvar
á dag. Gerð hefur verið tilraun með
notkun á mismunandi salttegund-
um við mismunandi aðstæður og
virðist hún skila árangri. Reiknað
er með framhaldi á tilrauninni.
Reynt hefur verið að nota sand í
stað salts að mestu eða öllu leyti en
sú hálkuvörn reyndist ófullnægj-
andi í þeim umhleypingum sem hér
ríkja, auk þess sem holræsakerfi
borgarinnar, einkum í eldri bæjar-
hlutum, er illa í stakk búið til að
taka við öllum þeim sandi sem við
þetta berst í niðurföllin.
Við fylgjumst vel með þvi sem er
að gerast hjá nágrannaþjóðunum og
þar sem veðurfarsaðstæður eru
svipaðar og þar er salt nær alls stað-
ar notað til hálkuvarnar á svipaðan
máta og hér er gert. Vona ég að
þetta svari spurningum bréfritara
og skýri afstöðu okkar til aðferða
við hálkueyðingu á gatnakerfinu.
Þakka þingmönnum jólagjöfina
Sigrún Björgvins skrifar:
Kæru alþingismenn. Ég finn mig
knúna til að þakka ykkur opinber-
lega fyrir jólagjöfina - að hætta við
að fella niður ekkjulífeyrinn. Ég
vissi alltaf að ykkur má treysta. Nú
veit ég hvernig hundinum líður þeg-
ar eigandinn lyftir svipunni en
hættir svo við að berja hann. Ég var
einmitt að velta fyrir mér hvernig
ég ætti að endurskipuleggja eyðsl-
una.
Ég hef líka nógan tíma til þess
því ég hef verið atvinnulaus síðan 1.
septer.iber en af sérstökum ástæð-
um eru atvinnuleysisbæturnar mín-
ar 18 þúsund krónur á mánuði. Nú
þarf ég ekki lengur, þökk sé ykkar
rausn, að hafa fjárhagsáhyggjur og
get farið að auglýsa eftir notuðum
gönguskóm sem mig hefur svo lengi
langað til að eignast. Eða ætti ég
kannski að fara einu sinni til tann-
læknis því það hef ég líka trassað í
tvö ár?
í viðtali við einn ykkar fyrir jólin
ráðlagði hann mér að sækja um
hækkun á atvinnuleysisbótunum
sem eru svo lágar af því að ég vann
ekki nema 5 mánuði á sl. ári. Ég
veit ekki af hverju mér svelgdist
svolítið á þessu svari. Það hefur
alltaf verið viðurkennd skoðun hér
á landi að sá sem ekki vinnur á
heldur ekki mat að fá. Mér flnnst
endilega að við ættum að halda í
fornar hefðir. Ekki taka þetta svo að
ég sé að kvarta. Ég hef nokkuð viss-
ar tekjur upp á 10-15 þúsund á mán-
uði svo að mér ætti að vera borgið.
- Eða hvað? Og svo á ég vísa vinnu
í sumar.
Nú ætla ég í dag að fara að leggja
inn skattkort fyrir þessum atvinnu-
leysisbótum. Vegna þessa mun ég
eiga inni minni skattaafslátt í vor
þegar ég fer að vinna svo nú get ég
glatt ykkur svolítið. Það er þó nokk-
ur von til að ég borgi tekjuskatt af
þessum 60 þúsund krónum sem ég
fæ á mánuði. Mér þykir vænt um að
geta þannig hjálpað ykkur pínulítið
í ykkar þrengingum með þennan
fjárans ríkissjóð. - Með bestu
kveðju.
ísland - útvörður Schengensvæðisins
Vigfús Pálsson hringdi:
í umræðunni um Schengen-svæðið
svonefnda i Evrópu hefur verið
komið inn á það að ísland gæti kom-
ið inn í myndina með því að gerast
eins konar útvörður þessa svæðis
og landamæravarsla fyrir svæðið
byrjaði í raun hér, áður en utanað-
komandi fólki yrði hleypti inn i við-
Vopnaður lögreglumaður á Keflavík-
urflugvelli við alþjóðavörslu gegn
hugsanlegum hryðjuverkamönnum.
komandi lönd. Ég get ekki séð neina
ástæðu til að, halda ekki þessu hlut-
verki okkar til streitu.
Öflugri liðssveitir þyrftu auðvitað
að vera hér til staðar en nú er svo
að okkur væri treystandi til að
framkvæma raunverulegt
landamæraeftirlit. Þótt ísland sé
eyja þarf ekki að fara í grafgötur
um að hingað geti komið óaldar-
flokkar sem vilja fara sínu fram.
Við höfum gerst aðilar að alþjóða-
vörn gegn hugsanlegum hryðju-
verkamönnum. Það var fyrir
nokkrum árum þegar við settum
vopnaða menn til gæslu á Keflavík-
urflugvelli á meðan ástandið var
hvað alvarlegast, flugvélarán og
sprengjuhótanir í nálægum löndum.
Það væri vanhugsað af okkur að
kasta frá okkur því tækifæri sem
við kunnum að hafa nú með þvi að
ísland verði útvörður Schengen-
svæðisins. Það á að leggja allt kapp
á og sækja það fast að svo geti orð-
ið.
Jón Baldvin
sem forseta
Jón Jónasson skrifar:
Einn þeirra mörgu sem nefnd-
ir hafa verið til sögunnar við
væntanlegt forsetakjör er Jón
Baldvin Hannibalsson. Hann
hefur vissulega flesta þá kosti
sem að gagni kæmu í forseta-
starfl: Mikla þekkingu á alþjóöa-
málum og ianga reynslu á þeim
vettvangi. Þekkingu Jóns Bald-
vins á sögu lands og þjóðar dreg-
ur enginn í efa. Hann talar
einnig og ritar betra mál en
margir aðrir íslenskir stjóm-
máiamenn. Hann er og talinn
málsnjallasti maður á Alþingi -
er það sem enskumælandi þjóðir
nefna „spellbinding orator" -
leiftrandi mælskumaður. Minnir
hann mjög á fóður sinn, Hanni-
bal Valdimarsson, sem mestur
hefur verið „folketaler" ís-
lenskra stjórnmálamanna. Auk
þess er Jón Baldvin kvæntur
geðþekkri og glæsilegri konu
sem hefur verið landi og þjóð til
sóma.
Morgunblaðið og
blaðamaðurinn
Einar Magnússon hringdi:
Mikið gerir Morgunblaðið úr
úrskurði Hæstaréttar sem
dæmdi ógildan dóm Héraðsdóms
Reykjavíkur um að biaðamanni
þess væri ekki skylt að gefa upp
heimildarmann sinn. Réttlátur
dómur hjá Hæstarétti en þaö má
nú aldeilis „fyrr vera“ að Moggi
taki meginplássið á þremur síð-
um til að dásama Hæstarétt og
blaðamann sinn. Dugir ekki
minna en þriggja dálka leiðari
um málið. Þetta er ofrausn og
fremur hvimleitt en hitt. Ofhól
er sjaldan til góðs og tjáningar-
frelsið er nú ekki það merkileg-
asta í heimi hér.
Pétur Kr. Haf-
stein í framboð?
Ámi Árnason hringdi:
Vinnufélagi minn, sem ég tel
manna áreiðanlegastan, sagði að
reynt yrði að fá Pétur Kr. Haf-
stein hæstaréttardómara til að
fara í forsetaframboð. Verði það
niðurstaðan þarf ekki að leita
frekar að traustum og afar geð-
þekkum manni. Hann fengi
geysilegt fylgi um allt land.
Þorskinn verður
að vernda
Halldór Jónsson skrifar:
Þrátt fyrir mikla ágengni sjó-
manna og hinna kræfu skip-
stjóra togaranna verða ráða-
menn að standa fast á því að
auka ekki veiðikvóta þorsksins i
bili. Alveg sama þótt nú telji
menn að mikil þorskgengd sé að
skila sé út af Vestfjörðum. Sú
þorskgengd er ekki neitt fast
verömæti til að gripa í strax og
tækifæri gefst. Þetta fyrirbæri á
að rannsaka vel og vandlega
áður en nokkur ákvörðun er tek-
in um hvort leyfa eigi frekari
veiðikvóta. Með þessu á að fylgj-
ast og síðan að kanna málið og
gega svo ný fyrirmæli um auk-
inn þorskkvóta.
Ósanngjörn
fasteignagjöld
Svavar hringdi:
Nú hefur verið auglýst inn-
heimta fasteignagjalda, a.m.k.
hér i Reykjavík. Gjöldin eru nú
greiðslubær í 6 hlutum í stað
þriggja hér áður fyrr. En sama
er, þessi fasteignagjöld eru mjög
óréttlát, ekki síst þar sem við
einstaklingarnir og svokallaðir
hús- eða íbúðareigendur, greið-
um líka eignaskatta af öllu
klabbinu. Mér finnst nú tími til
kominn að létta einhverjum
sköttum af okkur, líkt og t.d.
þegar aöstöðugjaldinu var aflétt
af fyrirtækjunum hér um árið.
Hugsið um þetta, þið alsjáandi
ráðamenn.