Dagblaðið Vísir - DV - 11.06.1996, Síða 10
10
ÞRIÐJUDAGUR 11. JÚNÍ 1996
Spurningin
Meö hvaöa landi heldur þú í
Evrópukeppninni í knatt-
spyrnu?
Guðrún Bergsdóttir: Fylgist ekk-
ert með henni.
Jakob Özcan: Með Englandi.
Einar Ásbjörnsson: Tékklandi. Ég
held alltaf með lítilmagnanum.
Kristján Ólafsson: Með Hollandi.
Sigrún Björk Friðriksdóttir: Dan-
mörku.
Guðriin Guðmundsdóttir: Fylgist
ekki með keppninni
Lesendur
A5 hengja bakara
fyrir sjálfan sig
Einar Emilsson skrifar:
Ég er í Alþýðubandalaginu, hef
verið það í mörg ár. Láglaunamaður
sem væntir mikils af þessum flokki.
Það verður hins vegar að segja eins
og er að flokkurinn hefur á undan-
fórnum árum brugðist vonum mín-
um. Áherslur í störfum flokksins
hafa legið annars staðar en ég hefði
viljað.
í vetur varð breyting á. Kona tók
við stjórn flokksins, kona sem kem-
ur beint úr verkalýðsstéttinni og
skilur og styður baráttu verkalýðs-
hreyfmgarinnar. Hún hefur einnig
lagt áherslu á að efla innra starf
flokksins. Ég er reyndar viss um að
svipuð breyting hefði orðið með
kjöri Steingríms J. Sigfússonar. Þar
var kosið milli hæfra einstaklinga.
Nú bregður svo við að einn þing-
maður Alþýðubandalagsins kemur í
fjölmiðla með upphrópanir um
stefnuleysi stjómarandstöðunnar
og þá Alþýðubandalagsins líka.
Hann tfltekur sérstaklega stefnu-
leysi og yfirborðskenndar tOlögur
stjórnarandstöðunnar við gerð fjár-
laga. Eftir því sem ég best veit er
hann í forystu fyrir liðsmönnum
stjórnarandstöðunnar í fjárlaga-
nefnd og dæmir því fyrst og fremst
sín eigin verk með þessum orðum.
Hann hefur lítið tjáð sig á þessu
þingi, þó kom afstaða hans vel í ljós
við afgreiðslu mála er varða verka-
„Kona tók viö stjórn flokksins, kona sem kemur beint úr verkalýösstétt-
innisegir bréfritari m.a. - Steingrímur J. Sigfússon og Margrét Frí-
mannsdóttir, formaöur Alþýöubandalagsins.
lýðshreyfinguna. Þar studdi hann
ríkisstjórnina, tilraun hennar til að
brjóta niður samtakamátt verka-
fólks í landinu. Það sæmir ifla þess-
um alþýðubandalagsmanni að ráð-
ast siðan að öðrum þingmönnum
Alþýðubandalagsins og þá sérstak-
lega formanni flokksins.
Ég þakka stjórnarandstöðunni
verk hennar í þágu verkalýðshreyf-
ingarinnar í landinu. Bryndís Hlöð-
versdóttir á sérstakar þakkir fyrir
sinn málflutning.
Sætur sigur
Bjami Jónsson skrifar:
Kona nokkur í Hlíðunum hefur
séð ástæðu tO að kalla til sín ljós-
myndara DV tO að mynda sig með
dauðan rottuunga. Tildrögin eru
þau að tveir óreyndir rottuungar,
sem lítt þekkja tO hátta mannfólks-
ins, flæktust inn í tvo garða í fyrr-
nefndu hverfi. Köttur náði öðrum
en konan, sem var að rækta garðinn
sinn, sem er göfugt og mannbæt-
andi starf, fangaði hinn og kom í
skyrdollu. Unganum tókst þó að
naga sig út, en frúin sá við óarga-
dýrinu, færði i glerkrukku (reyndar
með loftgötum) og í þessari prísund
mátti dýrið deyja „úr leiðindum"
samkvæmt umsögn blaðsins.
Lestur þessarar stuttu greinar
vekur manni óhug og reiði. Veit
þessi fuOorðna kona ekki að öll dýr
eru gædd eðlislægu viti og tilfinn-
ingum rétt eins og hið göfuga mann-
fólk? Hvað hefur þetta vesalings dýr
- óumbeðið komið í þennan heim -
til saka unnið? ManngOdið dæmist
ekki síst eftir afstöðu okkar til
þeirra, sem varnarlausir eru.
Spyija má einnig: „Hvar er komið
siðmenningu okkar og loks hver er
tilgangurinn með þessari „mynd-
skreyttu" blaðagrein? Vonandi ekki
sá að næra kvalalosta og valdníðslu.
Þegar aflífa þarf dýr, skal það gert
mannúðlega samkvæmt guðs og
manna lögum. Vegna þeirra skað-
legu áhrifa sem slíkar blaðagreinar
kunna að hafa á óvita ætti DV að sjá
sóma sinn í að hlífa lesendum sín-
um við þvOíkum „trakteringum".
rúið viröingu
Bréfritari telur biskupsembættiö ekki hæft til aö ieysa þær flækjur sem upp
koma.
SJIiiIM þjónusta
allan
sima
5000
i kl. 14 og 16
Hér á Norðurlöndum er það nán-
ast sjálfsagt mál að senda
presta/prófasta í leyfi ef eitthvað
kemur upp á. Vegur þá þyngst það
markmið að kirkjan má ætíð vera
reiðubúin til að leysa deilur og
ljúka málum sem varða embættis-
glöp áður en prestur heldur áfram.
Ég held því ákveðið fram að Ólaf-
ur Skúlason biskup verði að sækja
um leyfi í 1-2 ár meðan hann lýkur
af sínum málum sem enn eru í raun
óleyst. Hagur kirkju verður að vega
þyngra en hagur þess einstaklings
sem í embætti situr. Þetta ætti
herra Ólafur Skúlason að vita sjálf-
ur manna best.
Sama gOdir um séra Flóka. Eins
árs leyfi er góð lausn. Þriggja
manna nefnd, sáttanefnd, gæti á
þessum tíma fjallað um málin og
fundið varanlega lausn.
Biskupsembættið
Séra Skírnir Garðarsson, Noregi,
skrifar:
Með vaxandi áhyggjum hef ég
fylgst með deilum þeim sem staðið
hafa yfir innan íslensku kirkjunn-
ar. Ljóst er að söfnuður Langholts-
sóknar er í ógöngum. Verra er að
biskupsembættið er nú rúið virð-
ingu og ekki hæft til að leysa flækj-
ur sem upp koma. Þetta er mjög al-
varlegt og krefst lausnar.
Frá mínum bæjardyrum séð er
engrar undankomu auðið varðandi
spurninguna um að gera eitthvað í
málunum. Frá Noregi séð (ég hef
fylgst með fréttum bæði í norskum
og sænskum fjölmiðlum) er biskup
því miður rúinn virðingu aOri og
mun hann ekki verða tekinn alvar-
lega af starfsbræðrum sínum næstu
árin.
\ DV
Ekki dæmt eftir
sumartískunni
Anna hringdi:
Ég tek undir orð Sirrýjar í les-
endabréfi í DV í síðustu viku
varðandi Burda-keppnina. Sjálf
var ég þama áhorfandi. Það var
ekki dæmt eftir sumartískunni.
Margar flíkur sem voru mjög
fallegar og sérstakar og voru eft-
ir sumartískunni fengu engin
verðlaun. Ég er mjög ósátt við
þetta.
Athyglissjúkur
allaballi
Ingibjörg Sigmundsdóttir
skrifar:
Það hefur verið sérkennilegt
að fylgjast með málflutningi
Kristins H. Gunnarssonar, þing-
manns Alþýðubandalagsins.
Hann hefur verið dyggur stuðn-
ingsmaður rikisstjórnarinnar
við að skerða kjör launafólks. Þá
styður hann tillögur um að
lækka skatta á stóreignamenn
en hækka skatta á láglaunafólk.
Hann styður hægri stefnuna eins
og hann á kyn tfl. Ég hafði álit á
þessum manni fyrst eftir að
hann kom á þing en nú kaupir
hann athygli almennings dýru
verði. Ég hef alið í brjósti von
um samfylkingu vinstri flokk-
anna. Vonandi verða þeir, sem
ekki eru vinstri menn en kenna
sig samt við þá flokka, þá famir
til síns heima.
Ólafur ekki sam-
einingartákn
Pálmi Thorarensen skrifar:
Mér finnst erfitt að sjá Ólaf
Ragnar fyrir mér sem sameinig-
artákn þjóðarinnar. Maður sem
hefur verið með uppþot og hefur
verið einn umdeOdasti stjórn-
málamaður síðari tíma á íslandi.
Svona umdeilda menn getur
þjóðin varla litið á sem samein-
ingartákn. Það er annars furðu-
legt hve margir styðja hann,
kannski er fólk svona fljótt að
gleyma. Ólafur Ragnar er mikOl
skörungur en mér finnst hann
ekki hafa þá lund sem forseti
þarf að hafa.
Guðrúnu Pétursdótt-
ur á Bessastaði
Ólöf hringdi:
Alveg er ég viss um að Guð-
rún Pétursdóttir yrði þjóðinni tO
sóma ef hún næði kjöri sem for-
seti Islands. Guðrún er vel
menntuð kona og hefur búið er-
lendis. Það hefur mikið að segja
að forsetinn hafi dvalist í útlönd-
um vegna þess að hann þarf að
eiga svo mikO samskipti við út-
lendinga. Guðrún er líka hressi-
leg í framkomu. Ekki skemmir
heldur fyrir að hún er kona, við
höfum svo góða reynslu af því að
hafa konu á Bessastöðum.
Talað um
starfsmenntun
Ármann hringdi:
Nú er verið að skipuleggja
skólastarf framhaldsskólanna
fyrir næsta skólaár. Það hlýtur
að vera áhyggjuef'ni þeirra sem
fylgst hafa með úrslitum úr sam-
ræmdu prófunum í tíunda bekk
hvað verður um alla þá sem eru
með einkunnirnar einn, tvo og
þrjá úr þeim prófum en þeir eru
ótrúlega margir eins og komið
hefur fram í fjölmiðlum. Nú er
sifellt hamraö á því að allir þurfi
að mennta sig. Það hlýtur að
vara erfitt fyrir þá sem eru með
þessar lágu einkunnir að halda
sjálfsvirðingu sinni við þessar
aðstæður. Stöðugt er talað um að
koma á fót stuttum starfs-
menntabrautum en minna verð-
ur úr framkvæmdum.