Dagblaðið Vísir - DV - 26.07.1996, Qupperneq 3

FÖSTUDAGUR 26. JÚLÍ 1996
3
Fréttir
Viðgerðin á Klakki við Noregsstrendur:
Þaulskipulögð hernaðar-
aðgerð sem gekk upp
- vona að atvikið ýti við stjórnkerfinu, segir Ólafur Guðmundsson, viðhaldsstjóri útgerðar Klakks
Viðgerðin á hinu bilaða spili í
togaranum Klakki utan við strend-
ur Norður-Noregs, sem framkvæmd
var nánast fyrir framan nefið á
Norðmönnum sem sett hafa hafn-
bann á íslenska togara í Smugunni,
var verulegt áfall fyrir Norðmenn
og að sama skapi sigur fyrir áhöfn
Klakks og íslenska úthafsveiðisjó-
menn.
Klakkur var kominn til veiða í
Smugunni þegar rafknúin hraða-
stýring í spilkerfi togarans bilaði.
Ólafur Guðmundsson, vélstjóri og
tæknifræðingur, er viðhaldsstjóri
Fiskiðjunnar Skagfirðings og stjórn-
aði hann ásamt Ingimar Jónssyni,
fjármálastjóra Fiskiðjunnar Skag-
firðings, hinni þaulskipulögðu og
vel heppnuðu aðgerð.
LKhýst úr norskri höfn
í einkaviðtali við DV segir Ólafur
að boð hafi borist frá vélstjórum
Klakks um bilunina fimmtudaginn
11. júlí sl. og að engir varahlutir
væru til um horð til að koma kerf-
inu í lag á ný. Áhöfn togarans og
starfsmenn útgerðar hans á Sauðár-
króki samræmdu aðgerðir sínar
þegar í stað og eftir að vélstjórarnir
voru búnir að greina bilunina ná-
kvæmlega var, ásamt sérfræðingi
frá Rafboða/Raftíðni, farið í það að
afla réttra varahluta.
Samtímis hafði skipstjóri Klakks,
Jóhannes Þorvarðarson, samband
við hafnayfirvöld í Noregi og sótti
um leyfi til að koma til hafnar í
Tromsö til að gera við spilið. Hann
fékk í fyrstunni það svar að það
yrði í lagi en þaö svar var svo dreg-
ið til baka af norsku strandgæsl-
unni skömmu síðar.
„Þá sögðum við skipstjóra Klakks
að stöðva skipið og höfðum sam-
band við utanríkisráðuneytið fóstu-
daginn 12. júlí og heyrðum strax á
tóninum í þeim að þetta yrði allt
heldur þungt í vöfum,“ segir Ólafur.
Tii Noregs með varahluti
„í framhaldinu var farið í að út-
vega flugfar fyrir mig og Ólaf Magn-
ússon hjá Rafboða í Garðabæ en
auk þéss hafði ég samband við fólk
á Tromsösvæðinu um að fá bát til
að flytja okkur út í Klakk þegar til
Noregs væri komið. Þegar við kom-
um til Tromsö laugardaginn 20. júlí
var báturinn klár en Klakkur hins
vegar talsvert langt í burtu, en við
höfðum látið hann sigla fram og aft-
ur fyrir utan fjögurra mílna mörk-
in,“ segir Ólafur.
40 mílna sigling til Klakks
„Við sáum Klakk ekki þegar við
sigldum út,“ segir Ólafur, „en eftir
eins tíma siglingu gat Klakkur
„plottað" okkur á radarnum og var
stefnan eftir það klár. Öll samskipti
milli okkar og Klakks fóru fram í
gegnum GSM-síma sem ekki verða
hleraðir. Talstöð var aldrei opnuð.“
Siglingin fyrir þá Ólaf á norska
bátnum var um 40 mílur en þegar út
í Klakk var komið tók sjálf viðgerð-
in þrjá og hálfan tíma sem var
nokkru lengri tími en þeir höfðu
reiknað með og þrátt fyrir að vél-
stjórar skipsins væru búnir að
vinna alla þá forvinnu sem þeir
mögulega gátu unnið. Upphaflega
gerðu menn ráð fyrir að sjálf ísetn-
ing varahlutanna sem þeir Ólafur
komu með frá íslandi tæki um tvo
tíma.
„Ég yfirgaf aldrei norska bátinn í
varúðarskyni ef strandgæslan
skyldi koma að okkur,“ segir Ólafur
og viðurkennir að allur leiðangur-
inn hafi tekið nokkuð á taugar
manna, ekki sist eftir á, þegar allt
var afstaðið.
Fiskiðjan Skagfirðingur er nú
með fjóra togara þarna á svæðinu
og oft verða ýmsar uppákomur í vél-
búnaði skipanna, eins og gerist og
gengur. Við erum með mjög færa
vélstjóra á okkar skipum og oft og
tíðum er það hreint ótrúlegt hvað
þeir ná að lagfæra þarna í Smug-
unni,“ segir Ólafur.
Meðal sjómanna og útgerðar-
manna úthafsveiðiskipa sem DV
hefur rætt við er mikil ánægja með
hversu vel tókst til með viðgerðina
á Klakki og hve leiðangurinn allur
var þaulskipulagður af hernaðar-
lega mikilli nákvæmni. Þá vonast
sömu menn til þess að þessir at-
burðir verði stjórnvöldum lærdóm-
ur og ýti við þeim um aðgerðir því
Gert við spil Klakks SH
um 12 mílur vestnorð-
vestur af Söröya og hann
hélt siðan í Smuguna
Noregshaf
Elvebakken
Leið sem starfsmenn
Klakks sigldu á sportbát
til Klakks SH.
að það sé óþolandi að sæta hafn-
banni af þessu tagi sem sé einsdæmi
í samskiptum þjóða á friðartímum.
„Stjórnmálamenn okkar fara von-
andi að átta sig á því hvað það er al-
varlegt að við íslendingar höfum
ekki aðgang að neinni höfn, gagn-
stætt öllum öðrum þjóðum, að því
er virðist," segir Ólafur.
Hann segist vonast til að þessi at-
burður sýni fram á við hvað er að
fást og það sé nokkuð víst að
Klakksmálið verði ekki síðasta
vandamálið hjá íslenska flotanum í
Smugunni nú. Þar séu þegar komin
til veiða á fjórða tug íslenskra skipa
og ólíklegt annað en að bilanir og
vandamál eigi eftir að koma upp aft-
ur. -SÁ
ACCENT 5 dyra, 84 hestöfl með beinni innspýtingu, vökvastýri, vönduðum hljómflutningstækjum, samlitum stuðurum og lituðu gleri. Aukabúnaður á mynd, álfelgur og vindskeið.
Gerðu kröfur
Hyundai uppfyllir þær!
@> Aksturseiginleikar
<S) Rekstrarkostnaöur
Oryggisbúnaður
Þótt gerðar séu mismunandi kröfur
til bíla eru líklega allir á sama máli
um að nokkur atriði vegi þyngst.
0 Útlít
<5> Búnaður
Endursöluverð
SONATA 2000 sm3, 140 hestöfl.
Hyundai stenst vel samanburð við aðra bíla hvað varðar
öll þessi atriði og þá er bara eitt eftir, verðið sem er
aðalatriðið þegar allt annað stenst samanburð
ocj nú býðót Hyunðaí á ótórlcekkuðu verðí
Leitið upplýsinga hjá sölumönnum og umboðsmönnum um allt land
HYunoni
til framtíðar
ÁRMÚLA 13, SÍMI: 568 1200
BEINNSlMI: 553 1236
ELANTRA 1800 sm3, 128 hestöfl.